MATIUS 18:12 - Allah Wene Fano Wene Hupla Inane

¹² Hinendawimo ninggi'nogo anggegep. Ap ekhe anggo domba ebe 100 nen were'ma, 99 enek tom oba lagaluk fano werek kwelek, misik ekhe longgo ikhe halok hobuk herasi logoin lek nogo? Herasi logoin aro.

MATIUS 18:12 ပူးပေါင်းရင်းမြစ်များ

1RAJA-RAJA 21:17

A'nogo sebeli lagaikhemo, Tuhan nen Elia aiba Tisbe mene a'nogoba mel yagatikhe:

MAZMUR 119:176

An he domba longgo ikherek hak longgo igirik logolik, Hat hawene melalek a'nogo taganet figi'lek welagi andi nen he, Hat hebe we'luk an hamingmingengge yi herak nabime o.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

YEREMIA 50:6

An nagainafuri re ap domba konharek mene nen tomkwe herakfisugunem longgoluk welagarek hak werek. It he tom ekheba nen ekheba leil warik laga logolik inaiba ebe toma werek iluk he inonggot logolik hakhogo hilingirik nikho.

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

YEHEZKIEL 34:28

It he ap inunggulenu An inonggot mene nen hele warogo woginarek lagik, athe mene olomene nen senggelinafik, igin lek. It he inendawinggen serogo were'ma re ap misigen iluk ogo ekhe inailot fisikhi logogun mondok lek.

YEHEZKIEL 34:4

Nen domba omame lek mene re hiren halogo fisikhi lagep lek, nen ou mene re higirinafi lagep lek, inoumo werek mene re hiren yel fisikhi lagep lek, nen inafe mongol mene inom, longgo ugu mene inom he hiren inambotkwe woginarek wesuogeluk heraginafi lagep legat. A'nogo hilingiti logoligenat he hiren hinanggo domba andoma hinobabut weak logolik hinaniniba weaget fisikhi lagep andi.

YEHEZKIEL 34:6

Andiba re An nen mene domba omanogore punu uan meneba inom, tom ebene inom andoma yugunat nikherek. It he o kweangma mondogat sagare'ma re ap misigen ogo futfisigik, heraginafik ili'lagwi lek.

MATIUS 12:11

at Yesus nen he, ”Hit Allah faget weat logolik he, ap hit mene ekhe anggo domba misigat enek were'ma, ebe kiling elema pumo re, lisogo liakfei wesugun lek nogo? Liakfei wesugun aro.

MATIUS 18:13

Ap andi anggo arat herakhikhesigen, 99 welaga mene andi faget he, endawimo agaiyek endep hak asigin meneat he, misik longgo i laga mene andi ebe herasimbik enek he, endawimo mondok agaiyek hokhorogo asigin o, iluk eberogoat yagahisigi.

MATIUS 21:28

At Yesus nen a'nogo yagaisikhi lagaikhesik hobuk mel yagaisasikhe: ”Wene igin yi re, hit ninggi'nogo anggikhi lagep mene igin. Ap ekhe againafuri inebe pire welagaukwa. Were'ma, amlogo manggusa mene andi oba lagaikhesik he, mel yagatikhe: Namlogo. Yogondak hat he, anggur yabumo a'nogo yabu hilingisi lan, iluk yagatikhe.

MATIUS 22:42

mel yagaisasikhe: ”Hit hinendawimo nen he, Kristus Allah nen ayonggo fesikhesik lakfei wesigin isikhe a'nogo, ebe sa anggikhi lagep. Nen, omba sa nen tagongge mene anggikhi lagep,” iluk yagaisasikhemo, iren he, ”At andi Daud en tagongge mene o,” iluk yagatukwa.

1 KORINTUS 10:15

Wene igi andi re, hit hinendawinggen werek mene iluk yagahisikhi lagi. Halok he, an wene igin yi re, hinonggwarek hinendawimo nen futfeino.

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.