MATIUS 18:10 - Allah Wene Fano Wene Hupla Inane

¹⁰ A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

MATIUS 18:10 ပူးပေါင်းရင်းမြစ်များ

2 SAMUEL 14:28

At Absalom a'nogo re tahun pire hunugusogo o Yerusalem welagaikheba nen he raja inom iluk ogo ekhe ambi aga lagaukwa mondok lek.

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

ESTER 1:14

Hun aren it ap wene komo wene ugu inap we sambul ogo wolinafu nek welagaikhe mene re, hun Karsena inom, Setar inom, Admata inom, Tarsis inom, Meres inom, Marsena inom, Memukan inom. It ap andem he o Media inom Persia inom andoma nen ineabu ap raja nen melalinafi lagaikheba andoma yabu legoma logolik hilingiti lagaukwa inap.

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

MAZMUR 34:7

Afuni inonggwaregen hilingisu elo'lek mene nen Tuhan ayonggo fugunem, enggin-fenggin inoba werek mene mondogat he Aren leget fikherek.

MAZMUR 91:11

At Allah nen he, hat hebe komakwe lagain halok setharek logouwagaluk agoromi malaikat mene inayonggo fuluk hoba lakfisa waga logogin.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

MATIUS 1:20

A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o.

MATIUS 12:20

O wurep oba aren wene afuni inoba figik, kotik, higithogoat hilingiti logolik, at omame asigin oba andi oan werek kwelek, findayo oak kwanirek mene aren sombologo lakfisigik, nen, esage amulok lagagi'lek hule nek lagaikhe halok he, aren nagulisigik igin legaro.

MATIUS 18:14

Andi hak he, hineisena pogoroba mene a'nogo mene anggikhi logolik, Yenggerugwi magendek andi higit ekhe longgo uageluk anggikherek mondok lego,” iluk yagaisasikhe.

MATIUS 18:6

A'nogo yagaisasikhesik he, ekhe mel yagaisasikhe: ”Sa nen yenggerugwi magendek yi hangge endawinggen an noba himbirik were'ma obokhogo heraknobagauwageluk endawimo kagaligin oba an obokhogo heraknobagaikhe halok, at endawimo kagalhe mene andi helep hokho mene alonggopma kelogo i laut yenggele'ma enggen tulem andoma tamakhogo pelakfisamo fano o.

MATIUS 2:13

It ap hesagal ineilenggen en waluk wagaukwa mene omanogo arat lagaukwama re, hubanggo at Yusuf nogo ugunem malaikat pogoroba nen wagaikhesik he, abiba mel yagatikhe: ”Yusuf. Hat he, omalik tago ari agaisa emberegat woginarek, o Mesir andoma heise lan o. Lambik he, andomaat logoino o. Were'ma an nen yagaheti halogat we'no. At kain Herodes a'nogo nen omalik tago ari wasigeluk ili'logo o,” iluk yagatikhemo abi hasikhe.

MATIUS 2:19

At kain Herodes a'nogo arat wa'lagaikhemo re, malaikat Allah nen lakfei wagaikhemo wagaikhesik he, Yusuf o Mesir andoma logolik nogo ugunem hubanggo abiba re, mel yagatikhe:

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 10:16

A'nogo yagaisasikhesik he, at agoromi ane wanhi lagaukwa mene omanogo yagaisikhi logolik he, mel isikhe: ”It afuni nen hit hinane holi'lagwi halok he, an naneat holi'lagwi o. Nen, ninabit, iluk herakhinobagaga halok he, Anat heraknobagaga o. Nen, An heraknobagaga halok he, An laknobagai wagaikhe mene a'nogo Ebeat herakfisaga o,” iluk a'nogo yagaisaluk he, lakfisasikhe.

LUKAS 16:22

A'nogo ninggi logolik were'ma, at Lazarus enggi lek mene a'nogo wa'lagaikhe. Wa'lagaikhemo re, it malaikat pogoroba Allah nen yonggo pelakfisa wagarek mene omanogo ekhe wagaukwasik, ebe waluk he, ap Abraham era'lu fei lagaukwa. Fei lagaukwama nen he, hobuk ap kain enggi werek mene a'nogo wa'lagaikheat. Wa'lagaikhemo re, kweangma salhukwa.

KISAH PARA RASUL 10:3

A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 12:15

A'nogo yagaisasikhemo, iren he, ”Eige. Hele yi lugulugwi palhen higi,” iluk yagatukwama, aren he, ”Lego. Eberogoat,” iluk ane ninghogo isikhe. A'nogo isikhemo, iren he, ”Halok he, andi malaikat Allah nen yonggo pelakfisa wagarek mene omanogo, ekhe Petrus faget pelakfei wagama he a,” iluk isukwa.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.

ROMA 14:10

Nerugwi nagaila'lak. Nit ninebe mondogat Allah nen ninanema wanigin oba logoin meneat he, hit hinerugwi hinagaila'lak hinom hinendawinggen Allahba himbiret fikhi lagep mene andi, nenahalok wene inoba figik, hinendawimo sebelfisigik, ikhi lagep?

ROMA 14:21

Haren he, wam kurik ninggik, enggen amusu ninggik, yi mene ti mene hilingitik, ugunem he, herei hagailak ekhe weak asigin andi nen he, ninggi'lek herakfisikhi logoumo fano.

ROMA 15:1

Nit ekhe, ninendawinggen Allah oba wurikhogo himbirik welago mene nen, ninonggwarek faget enek ninendawimo fanorogo hilingiti'lek, we, it ekhe inendawinggen oan abolok werek mene andi, leberisikhi logogun o.

1 KORINTUS 11:22

Hit a'nogo hilingiti lagep andi nenahalok? Sumburu ninggik, i ninggik, ugun he, hinawi wurik le'ma a? I a, Allah againafuri hinom andogoti lagep mene hinendawimo nen sebelfisigik, inenggim lek mene inenggali asuageluk hilingitik, ikhi lageba? An wene ki mene yagahisagain. Fogethinabigin a? Lego. An wene yi faget fogethinabigin lego.

1 KORINTUS 16:11

At wagunem he, it afuni ekhe nen, ”At ebe elo'lek,” iluk inendawimo sebelfogoin mondok lego. At ambotkwe noba waga logolik he, ninerugwi ninagaila'lak fenakwe omanogo inom nea wesuageluk nenangorinarek welagi andi nen he, at fanorogo lebethikhi logoino o.

1 KORINTUS 9:22

It afuni inendawinggen oan mene Kristus faget woginabigeluk he, an nobabut he, nendawinggen oan mene hangge welagi. It afuni mondogat inobabut hilingitarek lombok hilingiti lagi andi re, it mene ekhe telinabigeluk a'nogo hilingiti lagi o.

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.

GALATIA 6:1

Nerugwi nagaila'lak. At ekhe weak hilingitunem hineilenggen hegep halok he, at andi ambotkwe obabut hebelasuageluk, hit Allah Areagun eberogoat hinendawimo werek mene nen hinane liokhogo komo'no o. Komotunem a'nogo, hit a'nogoat hinoba asinogo iluk, hinonggwarek hinebe hebelogo logoino.

1 TESALONIKA 4:8

Wene andi hit ekhe nen herakfisikhi lagep halok he, nit afuni ninane mene herakfisikhi lagep fuk. Lego. We, Allah nen Areagun hit wokhisikherek mene a'nogo ane meneat herakfisikhi lagebo.

1 TIMOTIUS 4:12

Hat hebe souge welagen andi nen, it afuni ekhe nen inendawimo sebelhobagagun lego. Hebe sougweat logolik, afuni ekhe inendawinggen Allah oba himbirik werek mene nen hat hobabut wanuageluk hane higithogo yagaisigik, hobabut higithogo hilingitik, afuni hendawirinafik, hendawinggen Kristus oba himbirik welagik, weak hilingiti'lek heil lomborogo welagik, ikhi logoino.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 9:24

at Kristus o Allah onggwarek awi iluk afuni nen oba lirogo wutukwaba andi kwisikhe fuk. Lego. We, pogot ebeba kwisikhesik Allah were'ma andoma nit faget werego.

WAHYU 8:2

A'nogo welagasigen, hobuk neilenggen yethigi hak he, malaikat inebe 7 nen Allah elokhoma mendek were'ma pinggong ane hokho mene ebe 7 nenat wogisugunem hisigi.