MATIUS 17:5 - Allah Wene Fano Wene Hupla Inane

⁵ A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 17:5 ပူးပေါင်းရင်းမြစ်များ

AYUB 38:1

A'nogo isikhemo, At Tuhan ebe ane mil-mil ikherek oba anggele'ma omanogo nen Ayub wene yi'nogo yagatikhe.

MAZMUR 81:7

”Hat horoa'ma enggin sagalirek mene a'nogo An nen hambokhogo wokhiigi o, nen hat homoloba sungge harogo welagagin mene a'nogo waganogo figi aro.

KELUARAN 19:19

Pinggong ane ilik-ilik elugun oba mondok hokhorogoat isikhe. Ugunem at Musa nen Allah yagatunem he, aren wene onggo unggunggu aneba yagatikhe.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 42:21

Tuhan nen he telinabigin iluk agaiyek werek, wene Aren komotninafikhe wene andi, esinetfigik, agaugwetfigik, ikhi logoilep anggikherek.

MATIUS 12:18

At Allah nen he, ”Yethani! At andi re, An namingmingengge logouwageluk nonggwaregen wenagaisogo menfigi o. An nen wenagaisogo figirik nendawinggen hundik welagi mene re at andi aro. An Nareagun at wogosumo oba louk umo re, an nen afuni wene inoba figik, kotik, higithogoat hilingisigin andi faget, aren it afuni endakwe mene wene fakhogo yagaisikhi logogin o.

MATIUS 17:6

At Yesus agoromi inom lagasukwa mene omanogo inesanggo holhukwasik, inailo nen he, ineindep awi yagaisogo inelokhe kweangma sagaum isukwasik were'ma

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

MARKUS 1:11

Eilenggen hugu kwelek aremnogoat, Allah ane pogoroba nen mel isikhe: ”Hat hebe an namlogo nendawinggen hundik mene. Hat faget nendawimo nagaiyek hakhigirego,” iluk ane pelakfei wagaikhe.

MARKUS 9:7

A'nogo ugunem he, ohena sebelinabi wagaikhesik, at Allah ane ohena a'nogo anggele'ma nen, mel yagaisasikhe: ”An namlogo nendawinggen hundik mene ebe ari aro. Halok, at ane holek logoino o,” iluk yagaisasikhemo re,

LUKAS 3:22

Allah Areagun sue pel hangge ot oba labok i pi wagaikhe. A'nogo hilingitikhemo re, pogoroba nen ane mel isikhe: ”Namlogo nendawi e! Noba liok ikhe o,” iluk isikhe.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 3:35

At eisena nen amlogo ebe endawinggen hundik logolik, yi mene ti mene mondogat at eisewerek logouwageluk wogetikhe.

YOHANES 5:37

An nebe futnobagauwageluk, neisena nen lak nobagai wagaikhe mene andi nen, nabok fakhogoat yagahisasikhe meneat he, hiren neisena ane hinesanggo holhi'legat, elokhonggen hineilenggen higi'legat logolik he,

KISAH PARA RASUL 1:9

Wene a'nogo arat yagaisasikhemo, Allah nen at ebe pogoroba liakfugunem, ineilenggen werek kwelegat ohena nen salhikhemo re, ineilenggen hobuk higi'lek.

KISAH PARA RASUL 7:37

Nen, afuni Israel mene yagaisikhi logolik he: Allah nen ap at ane yagahisikhi logouwageluk, ap hit mene ekhe an mennobagasikhe andi hak, hobuk menfagain a'naga o, iluk yagaisasikhe andi, at Musa nen aro.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.

ULANGAN 18:15

We, an nen At ane yagahisigirek andi hak yagahisikhi logouwagaluk, Aren ap ekhe unggulenu nit mene ayonggo fembik hinoba lakfei wesigin o. A'nogo hinoba lakfei waga halok, hiren At ane hologo hilingiti logoino o.

ULANGAN 18:19

Aren An nenu uluk, it yagaisugunem, sa nen at ane hologo hilingiti'lek halok, An nen wene inoba fikhi logogin o.

ULANGAN 5:22

Iluk hit tom eroma a'nogo kabogetigipmo wene melalek andi mene nek At Tuhan nen wokhisikhe. At ane endu amuilok anggele'ma nen inom, o hena peterek anggele'ma nen inom ane hokhoba pak ikhi logolik wene amu mene ekhe yagahisikhe fuk, we wene melalek andi mene nek yagahisikhe. Yagahisikhesik Aren helep sabia pire meneba palogo fesikhesik an wo'netikhe anggigi.” iluk yagaisasikhe.

KOLOSE 1:13

Nit attak o mum oba weak mene nen awe a'ma hele warogo fetninarek were'ma, Allah nen hele fikhalogo wo'ninafikhesik he, amlogo endawi mene a'nogo fetninarek logouwageluk awe a'ma ninobagaikhemo welago.

IBRANI 5:9

A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

WAHYU 14:14

A'nogo yaganetesi'mo nen, ombo'ne re, ohena kut mene were'ma, ap ebe abat ta'lasi wagaikhe mene a'nogo hangge mene kware-kware emas mene unggul oba ugu, nen, karok enggat hokho mago mene maserek mene enggim fisogo logolik, ebe ohena a'nogoba hurek were'ma yethigi.