MATIUS 17:4 - Allah Wene Fano Wene Hupla Inane

⁴ A'nogo isasukwasik he, at Petrus nen Yesus mel yagatikhe: ”Noe. Nit o yoma fano welago higi. Haren elok anggegen halok he, yoma o sabu henagan hat faget ekhe, Musa faget ekhe, Elia faget ekhe wuthinobagagun o,” iluk yagatikhe.

MATIUS 17:4 ပူးပေါင်းရင်းမြစ်များ

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

MAZMUR 4:6

Tuhan faget fano mene nek wogosi we'luk, hinendawinggen At oba tibet fuluk logoni.

YESAYA 33:17

Hobuk higit asi wesigin oba re o kweang wurep-wurep unggut uan tiagansek mene ariba mondogat he ap raja misik ekhe nen mondok anggilukhogo melalinafunem hineilenggen hogoin o.

ZAKHARIA 9:17

An Tuhan nanggweang andi re, ibi ebema elokhe mondok fanore'ma hilingik logogin, Andoma re, anggur inom, gandum inom, hokhorogo legeisogo fikherek hak, it ap sogwe inom, helime silerik inom inomamet fisikhi logogin,” Iluk ugunem holhi o.

MATIUS 17:3

A'nogo hilinglagunem, at agoromi aremnogo nen ineilenggen yethasukwa re, Musa inom, Elia inom, weinam agaukwasik Yesus inom weneane ugunem isasukwa.

LUKAS 9:33

A'nogo hilinglagaikhemo, ap inebe pire aremnogo Yesus andoma hebisaluk louwogeluk ugunem he, Petrus nen Yesus yagati logolik, mel isikhe: ”Noe! Nit o yoma mondok fanoma welago higi. Halok, niren o sabu henagan, hat faget ekhe, Musa faget ekhe, Elia faget ekhe wuthinobagagun o,” iluk a'nogo isikhe andi re, wene ninggi'nogo mene ikhi lagi he, futfigi'legat yagatikhe andi.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

YOHANES 7:2

A'nogo nikhi lagaikhe andem sambul he, it afuni Yahudi mene o endamat O Sabu Enggaba wutfuluk welagaukwa mene inendawimo eberogo seni isago nogoin oba arat horogasi wagaikhe.

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

1 YOHANES 3:2

Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.