MATIUS 17:27 - Allah Wene Fano Wene Hupla Inane

²⁷ Mene re, iren inabiret ninobagainogo nen he, i yenggele'ma laluk ikan watarek mene hele a'nogo ima pelafunem attak wanigin mene a'naga henggimo waluk ambe langet fugunem he, uang ambelema were'ma hagain o. Halok he, andiat waganogo re, nit nemberek faget it ap andi wogisano o,” iluk yagatikhe.

MATIUS 17:27 ပူးပေါင်းရင်းမြစ်များ

KEJADIAN 1:28

A'nogo elalinafikhesik, Allah nen fanot fisikhi logolik, mel yagaisasikhe: ”Hiren taginabugun mene o yi awi ti awi eise asimbik it inenggiba logouwageluk, hinebe hokhorogo sik-pik ikhi logolik yi ikan ti ikan inom, yirue-tirue inom, yi mene ti mene ekhe eil ena mene ekhe eil polok mene mondogat hit eise logoino o.

1RAJA-RAJA 17:4

Andoma logolik, hagai i andi mene ninggi logolik were'ma re, an nen sue pim hangge mene nen sumburu wokhesi waga logouwagaluk yagasumo wokhesi waga logogin a'naga o,” iluk yagatikhe.

MAZMUR 8:8

Wam domba, sapi mondogat inom, mene olomene enggama mene mondogat inom, yi rue ti rue, yi ikan ti ikan mondogat inom, i laut a'ma eluk welagarek mene mondogat inom, it inane hologo logouwagaluk, inenggiba fesigin andi.

YUNUS 1:17

It a'nogo hilingirik lagu kwelek he, Tuhan nen ikan hokho mene ekhe ayonggo fesikhesik lakfei wagaikhemo, Yunus ebe ikan a'nogo nen haumhogo nasikhe. A'nogo nasikhemo, at Yunus ebe ikan alabutmo kwalaikhesik werek kwelek hup enggi henagan welagaikhe.

YUNUS 2:10

Ayonggo a'nogo fesikhemo re, Allah nen ikan a'nogo yagati logolik, ”Yunus ebe hemelogo i esanggoma wulakfei lan o,” iluk yagatikhemo, wulakfei wagaikhe.

MATIUS 17:26

at Petrus nen he, ”It ap hunogoat mene nen fili'lagwi o,” iluk yagatikhemo, at Yesus nen he, ”Halok he, it inonggwarek inagoromi andi nen he, fogoin lek higi.

MATIUS 18:6

A'nogo yagaisasikhesik he, ekhe mel yagaisasikhe: ”Sa nen yenggerugwi magendek yi hangge endawinggen an noba himbirik were'ma obokhogo heraknobagauwageluk endawimo kagaligin oba an obokhogo heraknobagaikhe halok, at endawimo kagalhe mene andi helep hokho mene alonggopma kelogo i laut yenggele'ma enggen tulem andoma tamakhogo pelakfisamo fano o.

MATIUS 18:8

Hinenggi nen a? Hineisogen a? Weagethinabu hak hilinglaga halok he, fena palogo lakfisaluk, fena nek logolik, ineluk mondok logogun oba andoma kumo fano o. Mene re, hinenggi hineisok andi wurat were'ma endu nagulagarek le'ma andoma lakhinobagaumo weago. Halok he, fena palogo lakfisano.

MATIUS 5:29

Halok he, heilenggen ebekwe nen weagethabu hak hilinglaga halok he, hemelogo lakfisano. Hebe abirengge endu ai'mo lakhobagainogo nen he, hemelogo lakfisaluk fenakwe nek logoumo fano.

MATIUS 5:30

Nen, henggi ebekwe nen weagethabu hak hilinglaga halok he, henggi ebekwe andi tekhogo lakfisano. Hebe abirengge endu ai'mo lakhobagainogo nen he, tekhogo lakfisaluk fenakwe nek logoumo fano,” iluk yagaisasikhe.

MARKUS 9:42

A'nogo yagaisasikhesik he, ekhe mel yagaisasikhe: ”Sa nen yenggerugwi magendek yi hangge misigat ekhe endawinggen an noba himbirik were'ma obokhogo herak nobagauwageluk endawimo kagaligin oba an obokhogo heraknobagaikhe halok, at endawimo kagalhe mene andi helep hokho mene alonggopma hele kelogo re, i laut yenggele'ma lakfiselepma fano o.

MARKUS 9:43

Hinenggi nen weagethinabu hak hilinghinafe halok he, hinenggi fena palogo lakfisaluk, hinenggi fena nek logolik afuni ineluk mondok welagaikhare'ma andoma kumo fano o. Mene re, hinenggi wuthogoat were'ma, hinebe wea'ma, [endu nagulagi'lek soborenggen wa'lagi'lek inoba fikho mondok welagare'ma] andoma lakfisamo weak iluk, hinenggi fena palogo lakfisano.

LUKAS 17:2

At andi nen it afuni sebelek mene yi misigat ekhe an obokhogo heraknobagauwageluk endawimo kagalumo, an obokhogo heraknobagaikhe halok, at endawimo kagalhe mene andi helep hokho mene alonggopma hele kelogo re, i laut yenggele'ma hambogoisogo pelakfiselepma fano o.

YOHANES 6:61

A'nogo at ebe yagati'lek isukwa meneat he, aren he, ”Wene igi a'nogo faget nagoromi nen an nobaget pourogo wene pali'lagwi higi,” iluk inobabut enegat palhikhesik mel yagaisasikhe: ”Wene yagahisigi a'nogo nen, At ninabit, iluk kobokhogo heraknobagauwogeluk ikhi lageba?

ROMA 14:21

Haren he, wam kurik ninggik, enggen amusu ninggik, yi mene ti mene hilingitik, ugunem he, herei hagailak ekhe weak asigin andi nen he, ninggi'lek herakfisikhi logoumo fano.

1 KORINTUS 8:13

Halok he, nenggarek mene andiba nen an nagailak ebe weagetfeinogo iluk at faget he, an wam tugwi kembu anggo warek mene kurik ninggi'lek mondok herakfikhi logogin o.

1 KORINTUS 8:9

Hit hesangge nogoinat meneat he, nunggunem en, it afuni ekhe inendawinggen oan mene weak asinogo iluk he, hinebe hebelogo logoino.

2 KORINTUS 6:3

Afuni ekhe nen he, ”Hit Allah faget hilingiti lagep andi weak hilingiti lagep,” iluk ninabok weak palinogo iluk he, afuni ekhe weak hilingisuageluk inendawimo kagalogo yi mene ti mene faget weak mene hilingiti lago lek.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

1 TESALONIKA 5:22

Weak mene halok, mondogat hilingiti'lek logoino.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.