MATIUS 17:22 - Allah Wene Fano Wene Hupla Inane

²² Hobuk he, at Yesus agoromi inom o Galilea andoma andogotukwasik logolik he, mel yagaisasikhe: ”An abat ta'lasi wagagi a'nogo re, aben yonggo lambik it ekhe inenggiba nobagaumo

MATIUS 17:22 ပူးပေါင်းရင်းမြစ်များ

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

MATIUS 16:28

Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.

MATIUS 17:12

an wene eberogoat yagahisak. At Elia ebe arat wagaikhe meneat he, it afuni nen mondok futfigi'lek logolik he, a'nogo hilingisu inamolo nen, at ebe weagetfesukwa hagat, an abat ta'lasi wagagi a'nogo re, nebe a'nogo weagetnabugun aro,” iluk yagaisasikhemo re,

MATIUS 17:23

noasugun o. Noasumo, nebe warek he nenggi pire logombik o henaganek meneba Neisena Allah nen neluget nabigin o,” iluk yagaisasikhemo inendawimo mondok weak agaukwasik lagaukwa.

MATIUS 17:9

A'nogo hilingi'luk he, tom oba a'nogo nen pi waga logolik, at Yesus nen mel yagaisasikhe: ”An abat ta'lasi wagagi a'nogo re, nebe noatunem wa'lasimbik were'ma, Allah nen neluget nafi'lek werek kwelek, an nebeba hilinglagunem hineilenggen neegep a'nogo afuni ekhe mondok yagaisagubo. We, hobuk Allah nen nelugetnafe halogen, yagaisagain o,” iluk komorinabik pi wagaikhe.

MATIUS 24:10

Ariginhu kwelek, it afuni ekhe inendawinggen Allahba himbiret fesukwa meneat he, inebe hokhorogo nenat inendawimo pugasimbik herakfisaluk wilibimbik he, at ekhe nen at ekhe wasuageluk waluk lagik, ekhe nen ekhe anini oba figik, ugun o.

MATIUS 26:16

Onggo arat fesukwama re, at Yudas Iskariot a'nogo nen he, ”Yesus ebe fanoasuak ninggi'nogo were'ma inenggiba fagain he,” iluk weim abok endawimo logolik menenei ebeti lagaikhe.

MATIUS 26:46

Halok, nit he louwogen menla'ni o. Ap an noasuageluk yonggo laga mene a'nogo re, arat horogat waga ari,” iluk yagaisasikhe.

MARKUS 8:31

At Yesus nen a'nogo komorinafikhesik he, wene hobuk ekhe mel yagaisasikhe: ”An abat ta'lasi wagagi a'nogo re, it ap inaluendek inom, Allah eisewerek mene inogogwi kaindek inom, Allah ane lisu palek eisewerek mene inom, inomen an nebe inabit asimbik yi enggin ti enggin hokhorogoat hilingnabimbik, nebe noasugun o. Noasumo nebe nenggi pire warek logombik he, ekheba neluk asigin o,” iluk

LUKAS 24:26

At Kristus Allah nen ayonggo fesikhe a'nogo, yi enggin ti enggin higi'le'ma fogerasugun nogo? Lego. Hugunemen fogerasugun o. Hiren egep andi hilingisugun higithogoat hilingita o,” iluk yagaisasikhe.

LUKAS 24:46

A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek.

LUKAS 9:22

A'nogo komorinafikhesik he: ”An abat ta'lasi wagagi a'nogo, it ap inaluendek inom, it ap Allah eisewerek mene inogogwi kaindek inom, Allah ane lisu palek inelu mene inom. Inomen, an nebe inabit asimbik, yi enggin ti enggin hokhorogo hilingnabimbik, nebe noasugun o. Noasumo re, nebe nenggi pire warek logombik, henaganek oba re, Allah nen neluget nabigin o,” iluk, yagaisasikhe.

LUKAS 9:43

A'nogo wogetikhemo afuni omanogo mondogat ineilenggen hasukwasik he, ”Allah omame mondok hokho andi ninailo e,” iluk fogeratukwa. It afuni omanogo mondogat, at Yesus nen yi hilingitik, ti hilingitik, hilingiti lagaikhe mene omanogo faget he: ”Egi!” iluk, fogeratu kwelek, aren agoromi ane wanhi lagaukwa mene omanogo mel yagaisasikhe:

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

1 KORINTUS 11:23

Wene a'nogo hilingiti logogun mene faget, ninoe Enupogoren yaganetikhemo re, an nen hit yagahisasigi andi.