MATIUS 17:17 - Allah Wene Fano Wene Hupla Inane

¹⁷ A'nogo yagatikhemo, at Yesus nen he, mel yagatikhe: ”Hit afuni o yogondak welagep mene yi re, hinendawinggen an noba eberogoat iluk himbiret figi'lek logolik nong akhikhi lagep yoma ri! An hit ninom nenggi miren oba logogun nogo. Hit yi'nogo hilingitu kwelek nafe morogo nenggi miren logogin,” iluk yagaisasikhesik he, ”Yenggerek ari an noba waluk we'ni o,” iluk yagaisasikhemo.

MATIUS 17:17 ပူးပေါင်းရင်းမြစ်များ

MAZMUR 95:10

A'nogo hilingitu were'ma 40 tahun huli logolik he, An nen it inobaget hebak naferogo kumurisikhi lagagisik, An nen ikhi logolik he: ”Ibi eberogo nen afuni inunggulenu yi inap he inendawinggen An noba tibet fuluk hilingiri'lagwi lek! An nen yi'nogo hilingiti logoino ti'nogo hilingiti logoino iluk yagaisikhi lagi mene a'nogo sagal fuluk enek hilingiri'lagwi.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 16:28

A'nogo hilingiti lagaukwama, at nineisena Tuhan nen Musa mel yagatikhe: ”Huli ki huliba, an nen komorogo, yi'nogo hilingi'no iluk yagahisigirek mene andi, nane hologo hilingiti'lek logogun nogo?

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

AMSAL 6:9

Afuni inobabut inaberali weak mene andi re, ki huli nen nogogu mondok logogun nogo? Nen it andi re ki sambul ineluk asugun nogo?

YESAYA 19:14

Iren komo wene inendawinggen nonghongsek mene yagaisili'lagwi andoma re Tuhan nen hilingfisugunem hilingiri'lagwi. Andiba re Mesir he ap lugu-lugwi palhi logolik talo-talonggerik lagunem inonggwaregen hebak wutu meneba ineisok peikhogo waragarek a'nogo hak hilingiri'lagwi andi o.

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

BILANGAN 14:11

A'nogo weinam agaikhesik, Tuhan nen he, Musa mel yagatikhe: ”Afuni oma nen inenggi miren oba An ninom weim palek hangge hilingiti logogun nogo? An nen it futfouwageluk inanggele'ma hilingisu lek mene elalin mene hokhorogoat hilingitu kwelek meneat he, huli kiba nen inendawinggen An noba himbiretfogoin inabit nogo?

BILANGAN 14:27

”Afuni inobabut weak mondok hilingitarek mene o andoma nen An na'mage lagauwageluk, yigini'mo yoma ninabire, iluk inenggi miren oba nen yaganeti logogun nogo. Iren, nabire, iluk inane yi'nogo ti'nogo yaganeri'lagwi mene andi An arat nesanggo holhi o.

MATIUS 13:58

A'nogo yagaisasikhe andi, it afuni o Nasaret mene andoma nen, inendawinggen Yesus oba himbiret figi'lek, inendawimo inabiret fuluk welagaukwa andi nen he, at o andoma logolik hilingisu lek mene elalinat hokhorogo hilingiti'lek, we, endebat enek hilingitikhe andi.

MATIUS 16:8

at Yesus nen enegat futfisasikhesik he, mel yagaisasikhe: ”Hinendawinggen noba himbiret figi'lek welagep yi ri! Hit-hit ikhi logolik he, ”Sumburu roti mene lek, iluk ikhi lagep andi nenahalok?

MATIUS 17:16

hat hagoromi hane wili'lagwi mene inoba waluk wagi meneat he, iren hilingisu re, elo'legagama o,” iluk yagatikhe.

MATIUS 17:18

Yenggerek a'nogo waluk wagaukwama munggwarengge obabut weak mene endawimo were'ma Yesus nen wenagetikhemo henegeisogo wulifikhemo re aremnogoat fano agaikhe.

MATIUS 6:30

Engga helengga o leikwe welagarek andi re, yogondak hak fano welagaresi'mo nen, ohealek hak endumo nolfisagarek meneat he, Allah nen inasu labetfisa hak fano mene hilingisogo fisikherek andi nek he, hinebe faget fanorogo labethinobagagin lek nogo? Labethinobagagin o. Hinendawinggen Allah oba himbiret figi'lek yi ri!

MATIUS 8:26

A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

MARKUS 16:14

A'nogo hilingirik waga lagaikhesik, ebe hobuk he, irat Yesus agoromi inebe 11 nen omanogo hurek sumburu ninggi logolik were'ma, ”Ineilenggen neoak,” iluk inoba kwisikhesik inelokhoma menlagaikhesik mel yagaisasikhe: ”Hit yoma hinendawimo nen he, eberogoat iluk anggigi'lek hinendawimo pugat yoma ri! Allah nen an nebe arat nelugetnafemo were'ma, it ekhe nen ineilenggen neagasik yagahisa wagaikha meneat he, hinendawimo nen eberogoat iluk anggigi'legat welagep yoma ri!” iluk wenagisasikhe.

MARKUS 9:19

Yagatikhemo re, aren it afuni omanogo mel yagaisasikhe: ”Hit afuni o yogondak welagep mene yi re, hinendawinggen noba himbiret figi'lek welagep yi ri! An nafe morogo nenggi miren oba ninom logogun nogo. Yenggerek ari an noba waluk we'ni o,” iluk yagaisasikhemo oba waluk wagaukwa.

LUKAS 24:25

A'nogo yagatukwama, at Yesus nen he, ”Eige! Hinebe kembu a? Ap Allah ane yagaisikhi lagaukwa mene omanogo nen wene mondogat yagaisikhi lagaukwa a'nogo eberogoat iluk hit weak-weak futfigi'lek welagep yi ri!

LUKAS 9:41

A'nogo yagatikhemo, at Yesus nen it afuni hokhorogo omanogo mel yagaisasikhe: ”Yi sani! Hit afuni o yogondak welagep mene yi re, hinendawinggen eberogoat noba himbiret figi'lek logolik nong akhikhi lagep yoma ri! An nafe morogo nenggi miren oba ninom logogun nogo!” iluk yagaisasikhesik he, ap a'nogo mel yagatikhe: ”Hamlogo ari waluk eme o,” iluk yagatikhe.

YOHANES 20:27

hobuk at Tomas yagati logolik he, mel yagatikhe: ”Hat hendawimo nen eberogoat iluk hendawinggen noba himbiret figi'lek welagen andi hak logogun. Eberogoat iluk angganogen he, henggi fa'nealuk, nenggiba heilenggen niigik, nabelenggen sige anggwe henggi tum kwelakfigik, imbik he, hendawinggen noba eberogoat himbiret feino o,” iluk yagatikhe.

KISAH PARA RASUL 13:18

Woginarek wulibi wagaikhemo, it o leimo afuni inebe le'ma andoma mo lagagik pigik ugu kwelek, 40 tahun logolik, inobabut weak hilingiti lagaukwa meneat he, at afe morogoat ferinarek welagaikhe.

KISAH PARA RASUL 2:40

Wene ebe a'nogo uanat ikhi logolik he, ”Afuni inobabut weak hilingiri'lagwi mene yoma, Allah nen wene inoba fagain mene andi, herakfisaluk hinonggwaregen telano o,” iluk komorinafikhe.

2 KORINTUS 11:1

An nen wene endebat afuni kembu mene nen agarek igin yi re, wena'nesu fuk, hinesanggo hologo logoni o.

ULANGAN 32:5

A'nogo meneat he, hit hinunggulenu yi mene, at oba lombokhogo, logou hinabit welagep, hinebe at againafuri logou hinobabut he, lek. Hinunggulenu yi mene, weagenek hilingiti lagep mene, kwanirogo hilingiti lagep mene.