MATIUS 17:12 - Allah Wene Fano Wene Hupla Inane

¹² an wene eberogoat yagahisak. At Elia ebe arat wagaikhe meneat he, it afuni nen mondok futfigi'lek logolik he, a'nogo hilingisu inamolo nen, at ebe weagetfesukwa hagat, an abat ta'lasi wagagi a'nogo re, nebe a'nogo weagetnabugun aro,” iluk yagaisasikhemo re,

MATIUS 17:12 ပူးပေါင်းရင်းမြစ်များ

MATIUS 11:2

At Yohanes ima pelaginafi lagaikhe mene a'nogo enggi hele warek were'ma, afuni nen he, ”Kristus yi'nogo hilingiri'logo,” iluk ugunem esanggo holhikhesik he, at agoromi ane wanhi lagaukwa mene Yesus oba heinok wanuageluk lakfisa wagaikhe.

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

MATIUS 17:11

At Yesus nen he, mel yagaisasikhe: ”Elia tak wesimbik he, aren yi hilingitik, ti hilingitik, tegeli wesigin, ili'lagwi andi, eberogoat meneat he,

MATIUS 17:13

it agoromi omanogo nen he, mel isukwa: ”Andi re, at Yohanes ima pelaginafi lagaikhe mene a'nogo faget yaganisikhe o,” iluk futfesukwa.

MATIUS 17:22

Hobuk he, at Yesus agoromi inom o Galilea andoma andogotukwasik logolik he, mel yagaisasikhe: ”An abat ta'lasi wagagi a'nogo re, aben yonggo lambik it ekhe inenggiba nobagaumo

MATIUS 17:9

A'nogo hilingi'luk he, tom oba a'nogo nen pi waga logolik, at Yesus nen mel yagaisasikhe: ”An abat ta'lasi wagagi a'nogo re, nebe noatunem wa'lasimbik were'ma, Allah nen neluget nafi'lek werek kwelek, an nebeba hilinglagunem hineilenggen neegep a'nogo afuni ekhe mondok yagaisagubo. We, hobuk Allah nen nelugetnafe halogen, yagaisagain o,” iluk komorinabik pi wagaikhe.

MATIUS 21:32

At Yohanes a'nogo Allah endawimo anggikherek mene higithogoat hilingiti logouwageluk yagahisa wagaikhe meneat he, hit hinendawimo nen he, at ane andi eberogoat iluk, futfigi'lek welagep. Mene re, it ap pemerintah faget uang kino iluk andogotarek mene andi inom, hemi hesangge yanani hilingirik nikharek mene andi inom, inomen, At ane andi eberogoat ili'logo, iluk, futfesukwa. Iren a'nogo hilingitunem hineilenggen isikhi lagep meneat he, hit enek he, hinobabut hebelarik futfigi'lek welagep yi ri!” iluk, yagaisasikhe.

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

LUKAS 7:33

At Yohanes ima pelaginaferek mene wagaikhe andi re, sumburu inom, anggur enggen amusu inom, ninggi'lek wagaikhe andi nen he, hiren: Munggwarengge obabut weak mene endawimo kwikhesik werego, iluk ikhi lagagip.

YOHANES 1:11

At onggwarek awiba wagaikhe meneat he, at oe agoren ebe wanhi'lek herakfisasukwa.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 4:10

Halok he, wene andi faget, hit mondogat inom, afuni inunggulenu Israel mene ekhe mondogat inom, hinelu asuageluk wene ero furogo yagahisak. At Yesus Kristus aiba Nasaret mene hiren eba menfuluk watepma Allah nen eluget fikhe mene a'nogo enuba ap yi fano agasik hineilhanem mendek fano werek yi.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.