MATIUS 17:1 - Allah Wene Fano Wene Hupla Inane

¹ At Yesus nen a'nogo yagaisasikhesik he, hup inenggi 6 en nogo iluk, Petrus inom, Yakobus inom, agot Yohanes inom, inamu nek woginarek tom uan meneba lagasikhe. Lagasikhesik were'ma

MATIUS 17:1 ပူးပေါင်းရင်းမြစ်များ

MATIUS 17:2

at ebe it ineilhanem, hunogoat hilinglaga logolik he, elokhonggen mo eil hangge hilinglagik, asu laberek mene kut mondok amulit hokhorogo hilinglagik isikhe.

MATIUS 26:37

A'nogo yagaisasikhesik he, Petrus inom, Zebedeus againafuri inebe pire aremnogo inom, woginarek lagaikhesik he, endawimo weak agaikhesik endawinggen heiselhikhemo re, mel yagaisasikhe:

MARKUS 13:3

Wene a'nogo yagaisikhi lagaikhesik he, at Yesus Allah awi wurik i aik elikwe wulifukwasik, punu Zaitun oba lagasukwasik inebe andoma hu'lagaukwa. Hu'lagaukwasik he, Petrus inom, Yohanes inom, Yakobus inom, Andreas inom, Yesus inom inalegat logolik, at Yesus oba wene ekhe heinok wanhukwa.

MARKUS 5:37

Lagaukwasik, afuni inebe hokhorogoat yagaisikhi logolik, ”Ninombo'ne wesugun lek. We, it Petrus inom, Yohanes agot Yakobus emberek inom enek ninom logoin o,” iluk inom lagaukwa.

LUKAS 8:51

Yairus aiba lagaukwa. Lagaukwasik he, afuni fena olulu logouwageluk yagaisasikhesik he, Petrus inom, Yohanes inom, Yakobus inom, helenggerek a'nogo eisena agaisa inom, inebe andem enek woginarek oloba kwisikhe.

2 KORINTUS 13:1

An attak nenggi pireba hinoba wagagisik he, hobuk ekhe wesigin andi. Allah aneba lisu mel iluk palek werek: ”Afuni nen it ekhe yi wene ti wene inoba fouwogeluk halok he, afuni ekhe inebe pire a? Henagan a, weak hilingitunem ineilenggen haga mene nen, Eberogoat nineilenggen hogo, ugu halok he, eberogoat anggogoin o,” iluk isikhe andi nen he, an wesimbik a'nogoat hilingisi wesigin andi.

2 PETRUS 1:16

Ninoe Enupogot Yesus Kristus omame hokho a'nogo ebe wagaikhe mene faget hinelurogo yagahisikhi lago andi re, suetninung afuni inendawimo kagalogo pilingitarek mene andi oba lirogo yagahisikhi lago lego. We, at ebe Enupogot mene wagaikhemo, ninonggwarek nineilenggen tomok hasugu mene nen yagahisikhi lago o.

2 PETRUS 1:18

ane pogoroba nen pelakfei wagunem, nit Yesus ninom tom Allah onggwarek andom unggul andiba logolik ninesanggo tomok holhugu o.