MATIUS 16:8 - Allah Wene Fano Wene Hupla Inane

⁸ at Yesus nen enegat futfisasikhesik he, mel yagaisasikhe: ”Hinendawinggen noba himbiret figi'lek welagep yi ri! Hit-hit ikhi logolik he, ”Sumburu roti mene lek, iluk ikhi lagep andi nenahalok?

MATIUS 16:8 ပူးပေါင်းရင်းမြစ်များ

MATIUS 14:31

Yesus nen enggi fagaisogo menfikhi logolik he, ”Hat hendawinggen eberogoat iluk noba himbiret figi'lek, hendawinggen pire welagen andi nenahalok,” iluk yagatikhesik he,

MATIUS 16:7

A'nogo yagaisasikhemo, it-it ikhi logolik mel isukwa: ”Sumburu roti mene ekhe waluk wagi'lek andi nen ikhe higi,” iluk ugunem

MATIUS 6:30

Engga helengga o leikwe welagarek andi re, yogondak hak fano welagaresi'mo nen, ohealek hak endumo nolfisagarek meneat he, Allah nen inasu labetfisa hak fano mene hilingisogo fisikherek andi nek he, hinebe faget fanorogo labethinobagagin lek nogo? Labethinobagagin o. Hinendawinggen Allah oba himbiret figi'lek yi ri!

MATIUS 8:26

A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

MARKUS 16:14

A'nogo hilingirik waga lagaikhesik, ebe hobuk he, irat Yesus agoromi inebe 11 nen omanogo hurek sumburu ninggi logolik were'ma, ”Ineilenggen neoak,” iluk inoba kwisikhesik inelokhoma menlagaikhesik mel yagaisasikhe: ”Hit yoma hinendawimo nen he, eberogoat iluk anggigi'lek hinendawimo pugat yoma ri! Allah nen an nebe arat nelugetnafemo were'ma, it ekhe nen ineilenggen neagasik yagahisa wagaikha meneat he, hinendawimo nen eberogoat iluk anggigi'legat welagep yoma ri!” iluk wenagisasikhe.

YOHANES 16:30

Hat he, afuni nen wene ekhe heinok wokhiigi'lek halok he, wene ebe honggot fugo. Hat he yi wene ti wene mondogat helu nek heogo o. Hat hebe eberogoat Allah nen lakhobagai wagaikhemo wagagin, iluk yogondagen futhobagago,” iluk yagatukwa.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.