MATIUS 16:28 - Allah Wene Fano Wene Hupla Inane

²⁸ Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.

MATIUS 16:28 ပူးပေါင်းရင်းမြစ်များ

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

MATIUS 16:13

O andoma nen, at Yesus o sili Kaisarea ap Filipi nen hokhotfesikheba andoma lagai wagaikhesik he, at agoromi ane wanhi lagaukwa mene omanogo heinok wogisikhi logolik, mel yagaisasikhe: ”It afuni nen, an abat ta'lasi wagagi a'nogo an nebe faget ikhi logolik he, sa iluk ili'lagwi nogo,” iluk yagaisasikhemo,

MATIUS 24:3

A'nogo yagaisasikhesik he, punu Zaitun oba lagasikhesik hurek were'ma, at ane wanhi lagaukwa mene omanogo oba wagaukwasik inalegenek logolik he, mel yagatukwa: ”Haren yaganisegen a'nogo re, mera nen hilinglasigin. Hat hebe wagik, o wurep oba hilinglagik, igeluk ugu kwelek he, ki mene tak hilinglagunem nit ninendawinggen wenggelasigin. Wene furogo yaganisan o,” iluk yagatukwama,

MATIUS 24:34

Yi'nogo hilinglasigin, ti'nogo hilinglasigin, iluk yagahisigi andi, afuni o yogondak werek mene inebe ekhe legagi'lek oan werek kwelegat ebe mondogat hilinglasigin o, iluk, eberogoat yagahisigi.

MATIUS 24:42

A'nogo hilinglasigin andi nen hiren he, Ninoe Enupogot mera wesigin, hinonggot andi nen he, hinebe hebelogo logoino o.

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

MARKUS 13:26

Andi sambul he, an abat ta'lasi wagagi a'nogo ineilenggen neambik, hokhorogo fogetnabugun o.

MARKUS 8:38

Afuni yoma inobabut weak logolik Allah ebe inom lombokhogo welagi'lek, yi weak ti weak hilingiri'lagwi mene andi hinomat logolik, it ineilhanem sa nen, ”An Yesus agot, igik, an nane andi yagaisigik, u re, ambe enggali halok he, an abat ta'lasi wagagi a'nogo hobuk neisena fogeratu mondok welagaikharek hak hilingla'luk, it malaikat Allah onggwarek faget yonggo pelakfisa wagarek mene omanogo ninom wesimbik he.

MARKUS 9:1

A'nogo yagaisasikhesik he, wene ekhe mel yagaisasikhe: ”Hit ninom mendek welagep yoma mene ekhe wa'lagi'lek logolik, Allah omamerogo awe a'ma fisugunem hineilenggen arat hogoin o, iluk eberogoat yagahisigi,” iluk yagaisasikhe.

LUKAS 18:8

Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

LUKAS 2:26

A'nogo oba louk i wagaikhesik, mel yagatikhe: ”Hat hebe wa'lagi'lek werek kwelek, ap kain Kristus ninebe telninabigin mene nineisena Tuhan nen menfuluk lakfei wesigin isikhe a'nogo wagunem heilenggen halugen wa'lasigin o,” iluk, abok yagatikhesik he,

LUKAS 9:27

Nen, hit welagep mene yoma ekhe wa'lagi'lek logolik, Allah awe a'ma hinobagagin mene a'nogo fisugunem hineilenggen hogoin o, iluk eberogoat yagahisigi,” iluk yagaisasikhe.

YOHANES 21:22

aren he, ”An nendawimo nen he, ap ari ebe elugat were'ma, an hobuk wesigin anggigi halok he, haren hilingisu mene fuk. An nobalombogo. A'nogo meneat he, hat enek he, an nombo'ne nikhi logoino o,” iluk wene a'nogo yagatikhe mene andi,

YOHANES 8:51

Nen, ap sa nen an nane hologo hilingiti logogin halok he, wa'lagi'lek eluk mondok logogin o, iluk eberogoat yagahisigi,” iluk, yagaisikhi lagaikhemo,

YOHANES 8:52

it ap Yahudi mene omanogo nen he, mel yagatukwa. ”Ap Abraham inom, ap Allah ane yagaisikhi lagaukwa mene omanogo inom, arat wa'larik lagaukwa meneat he, haren ikhi logolik, ap sa nen an nane hologo hilingiti logogin halok, wa'lagi'lek eluk mondok logogin o, iluk egen andi nen he, munggwarengge obabut weak mene eberogoat hendawimo kwikhesik werek, iluk futhobagogo.

KISAH PARA RASUL 1:11

Menlasi pi wagaukwasik he, mel yagaisasukwa: ”Hit afuni o Galilea tonggwe mene yi sani. Hineilenggen pogoroba ligabek welagep andi nenahalok. At Yesus hit yoma hinobagaluk he, Allah nen pogoroba liakfugunem, hineilenggen werek kwelegat, lagaikhe andi hak, hobuk a'nogoat pi wesigin o,” iluk yagaisa pi wagaukwa.

1 KORINTUS 15:23

A'nogo meneat he, Allah nen ninobali'mo lombok higit-higit nineluget ninabigin. Yi mene ti mene attak mene tak wanharek hak, at Kristus tak eluget fesikhemo andi nen he, at ebe wesigin andi sambul, nit Kristus agoromi mene halok nineluget ninabigin.

IBRANI 2:9

Meneat he, at Yesus enek he, arat kain menfesikhemo werek hikhi lago. Allah obabut fano nen, Yesus afuni mondogat faget wa'lasuageluk malaikat inenuwerek esin hangge werek kwelek, at enu lek hangge hilingisogo fesikhemo, ebe yi enggin ti enggin hilik-hilik wa'lagaikhe andiba, Allah nen at enuwerek kain menfesikhemo werek andi.

YAKOBUS 5:7

Andi nenat, nerugwi nagailak lak. Ninoe Enupogot ebe oan wagi'lek werek kwelek he, hinendawinggen puk agi'lek hinafe morogo nenangorogo logoino o. Afuni nen yabu wagane'ma sumburu awi yakfuluk welagaikharek andi hinendawimo futfeni! A'nogo awi yakfuluk werek kwelek meiso o mo lagagu kwelek ninggik, pugu kwelek ninggik, hobuk attak nunggu kwelek inendawimo pugagi'legat, ”Hobuk sumburu hokho agunem ebe hokho mene takhagain,” iluk inafe morogo nenangorogo welagaikharek andi hak,

2 PETRUS 1:16

Ninoe Enupogot Yesus Kristus omame hokho a'nogo ebe wagaikhe mene faget hinelurogo yagahisikhi lago andi re, suetninung afuni inendawimo kagalogo pilingitarek mene andi oba lirogo yagahisikhi lago lego. We, at ebe Enupogot mene wagaikhemo, ninonggwarek nineilenggen tomok hasugu mene nen yagahisikhi lago o.

1 YOHANES 2:28

Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.