MATIUS 16:27 - Allah Wene Fano Wene Hupla Inane

²⁷ An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 16:27 ပူးပေါင်းရင်းမြစ်များ

AYUB 34:11

Aren he it afuni nen inobabut hilingitarek lombok inoba hilingfisigik, nen it inebe hilingik aplerogo hilingfisigik,” ikherek.

MAZMUR 62:12

Pire henagan oba hakhogo At Allah nen ugunem holhi mene re yi'nogo, omame ero andi re we At Tuhan oba nek werek,

AMSAL 24:12

Telinabigiluk haren yi'nogo ino.” Wene andi an nen hilingisuageluk werek fuk!” iluk igin. Oba nen he At Allah nen hat hoba eilenggen logolik, Aren hat wenggelhen mene andi re higithogo lebetheagain. Nen Arenat it hilingisugun onggo wene inoba fagainat.

PENGKHOTBAH 3:17

An nendawimo nen he At Allah nen, o andi sambul ti'nogo hilinglasuak, iluk anggikherek obaat hilinglagarek, andi nen he afuni inobabut higithogo hilingitarek mene inom, weak hilingitarek mene inom, inebe lombok hobuk wene inoba figik, kotik, igin, anggikhi lagi o.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEREMIA 32:19

Haren hilingisigin iluk wenggelogo fikhi lagen mene andoma re elok mondogat, nen Haren hilingiti lagen mene andoma re mondok elalin mene hilingiti lagen. Afuni nen hilingiri'lagwi mene Hat heilenggen mondogat isaluk it hilingiri'lagwi mene higithogo Haren unggum wogisikhi lagen.

YEHEZKIEL 18:20

Ap weak hilingiterek mene andi nek he at ebe wa'lasigin, at amlogo andi re at eisena aweak onggo wa'lasigin lek, hebekhogo re eisena ogo amlogo aweak onggo wa'lasigin legat. Ap fano hilingitarek mene andi inobabut fanorogo nek hilingitunem onggo ogo fano mene nek hikhi logogin. Nen inobabut weak mene andi re ina'mageba nek hilingitarek andi ambisangma re ou-pou mene nek hikhi logogun.

YEHEZKIEL 7:27

Raja mene ogore le asiginat, nen at amlogo re endawinggen sebe igin, nen afuni ogore inailo nen inoak leigesugun. Hiren hinobabut hilingiti lagep higithogo An nen unggum hinoba figik, nen afuni inawene pilingisogo ayo wurisikhi lagep hak he An nen ogo hit hinoba ogo ayo wut hinabiginat. Andiba re hiren An Tuhan welagi mene a'nogo hinelu asugun o,” ikhe.

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

MATIUS 13:41

An abat ta'lasi wagagi a'nogo nen nagoromi malaikat Allah pogoroba nen yonggo lakfisa wagarek mene yonggo lakfisa wagunem, iren he, Allah awe a'ma fisikhere'ma andoma nen, yi mene ti mene afuni nen weak hilingisuageluk hilinginafarek mene inom, yi afuni ti afuni weak hilingitarek mene inom, andogorogo fisaluk,

MATIUS 13:49

o wurep oba a'nogo hilinglasigin o. It malaikat Allah pogoroba nen yonggo pelakfisa wagarek mene omanogo wesimbik he, afuni inobabut weak mene omanogo it afuni Allah endawimo anggikherek mene higithogo nek hilingitarek mene inom misikwe were'ma inanggele'ma nen kigilogo wulakfisaluk,

MATIUS 24:30

A'nogo hilingitu kwelek, an abat ta'lasi wagagi a'nogo arat wesigin iluk, afuni inendawinggen wenggelogo futfouwageluk pogoroba ekhe hilinglasigin oba nen, afuni inunggulenu lombok le agu kwelek nomamerogoat ohena anggele'ma pi wagunem, ineilenggen neambik hokhorogo foge'nabugun o.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

MARKUS 14:62

Heinok a'nogo wokhasikhemo, at Yesus nen he, mel yagatikhe ”Andi, an nebe yi aro. An abat ta'lasi wagagi a'nogo, at Allah omame hokho yi mene ti mene hilingisigin enek a'nogo era'lu enggi ebekwe kainat logombik he, pogoroba andoma nen ohena anggele'ma pi wagunem hineilenggen neogoin o” iluk yagatikhe.

MARKUS 8:38

Afuni yoma inobabut weak logolik Allah ebe inom lombokhogo welagi'lek, yi weak ti weak hilingiri'lagwi mene andi hinomat logolik, it ineilhanem sa nen, ”An Yesus agot, igik, an nane andi yagaisigik, u re, ambe enggali halok he, an abat ta'lasi wagagi a'nogo hobuk neisena fogeratu mondok welagaikharek hak hilingla'luk, it malaikat Allah onggwarek faget yonggo pelakfisa wagarek mene omanogo ninom wesimbik he.

LUKAS 21:27

Andi sambul he, an abat ta'lasi wagagi a'nogo nomamerogo ohena anggele'ma pi wagunem, ineilenggen neambik hokhorogo fogetnabugun o.

LUKAS 22:69

”Huli yogondak yi nen he, hobuk an abat ta'lasi wagagi mene neisena Allah omame werek yi mene ti mene hilingisu hagenek a'nogo enggi ebekwe kainat logogin o,” iluk yagaisasikhemo,

LUKAS 9:26

Sa nen, an Yesus agot igik, an nane andi yagaisigik, afuni ineilhanem fakhogo u enggali halok he, an abat ta'lasi wagagi mene yi nen ogo re, hobuk an nebe fogetnafik, neisena fogeratik, malaikat Allah nen yonggo pelakfisa wagarek mene omanogo fogerinafik, ugu kwelek waga logolik he, At yi an nagot, iluk nane fakhogo u re nenggaliat asigin o.

YOHANES 21:22

aren he, ”An nendawimo nen he, ap ari ebe elugat were'ma, an hobuk wesigin anggigi halok he, haren hilingisu mene fuk. An nobalombogo. A'nogo meneat he, hat enek he, an nombo'ne nikhi logoino o,” iluk wene a'nogo yagatikhe mene andi,

YOHANES 21:23

it Yesus agoromi ane wanhi lagaukwa mene nen he, ”Yesus nen he, Nagot ari ebe hobuk wa'lasigin mondok lego,” iluk ikhe heaba, abok wial fesukwa. Meneat he, at Yesus nen he, ”An nagot ari hobuk wa'lasigin mondok lego,” iluk igi'lek. We, An nendawimo nen, ap ari ebe eluk at were'ma an hobuk wesigin anggigi halok he, haren hilingisu mene fuk. An nobalombogo,” iluk wene andi mene faget isikhe meneat, a'nogo isukwa andi.

KISAH PARA RASUL 1:11

Menlasi pi wagaukwasik he, mel yagaisasukwa: ”Hit afuni o Galilea tonggwe mene yi sani. Hineilenggen pogoroba ligabek welagep andi nenahalok. At Yesus hit yoma hinobagaluk he, Allah nen pogoroba liakfugunem, hineilenggen werek kwelegat, lagaikhe andi hak, hobuk a'nogoat pi wesigin o,” iluk yagaisa pi wagaukwa.

ROMA 14:12

Hobuk he, ninebe lombogen, ”An yi'nogo hilingitigimo, ti'nogo hilingitigimo,” iluk, wene fakhogo at Allahat yagasugun o.

1 KORINTUS 15:23

A'nogo meneat he, Allah nen ninobali'mo lombok higit-higit nineluget ninabigin. Yi mene ti mene attak mene tak wanharek hak, at Kristus tak eluget fesikhemo andi nen he, at ebe wesigin andi sambul, nit Kristus agoromi mene halok nineluget ninabigin.

1 KORINTUS 3:13

A'nogo wutu were'ma, at Kristus hobuk wesigin andi sambul, afuni nen o wuta mene lombok. Fano a? Weaga, iluk, endumo walhugunem, fakhogo enegat agunem hogoin o.

1 KORINTUS 8:8

Yi mene ti mene nenggarek mene andi nen Allah oba wo'ninarek lagain lego. Nit ninggi'lek kamo ugun halok he, nongasugun lek. Nen, nogoin halok he, ekhe saburogoin legat.

EFESUS 6:8

Hinobabut fano hilingiti logogun halok, hineisena Tuhan nen hit hinamingmingengge mene inom, hit hinale'ma welagep mene hinomat, hinebe lombok onggo wokhisagaino.

KOLOSE 3:25

Menere, at ninoe Enupogoren he, afuni inelokhonggen oba nek isaluk, ekhe elokhoma fisigik, ekhe ambotma fisigik, ikherek lek andi nen, sa nen weak hilingite mene faget, onggo wogosu hak he, weak hilingite mene andi higithogoat wene oba fagain werego.

1 TESALONIKA 4:16

Ninoe Enupogot pogoroba nen pi wagunem he, it malaikat inoe kain mene ane hokhorogo igik, Allah ambinggong ane, futhugunem ane pak igik, ugunem, afuni Kristus inom hundik logolik wa'lari'lagwi mene tak inelugerinabigin.

YAKOBUS 5:7

Andi nenat, nerugwi nagailak lak. Ninoe Enupogot ebe oan wagi'lek werek kwelek he, hinendawinggen puk agi'lek hinafe morogo nenangorogo logoino o. Afuni nen yabu wagane'ma sumburu awi yakfuluk welagaikharek andi hinendawimo futfeni! A'nogo awi yakfuluk werek kwelek meiso o mo lagagu kwelek ninggik, pugu kwelek ninggik, hobuk attak nunggu kwelek inendawimo pugagi'legat, ”Hobuk sumburu hokho agunem ebe hokho mene takhagain,” iluk inafe morogo nenangorogo welagaikharek andi hak,

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.

1 YOHANES 2:28

Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

WAHYU 20:12

A'nogo legagu kwelek, afuni wa'lagaukwa mene inenuwerek inom, inenu lek mene inom, at kain obuluk oba werek a'nogo elokhoma mendek were'ma isigi. A'nogo werek kwelek, suesingga mondogat fikhalhik, suesingga ekhe afuni ineluk mondok logouwageluk fanorinabigin mene halok inenu lisu palek mene fikhalhik, ikhi laga. A'nogo fikhalhaluk, it afuni wa'lagaukwa mene inobabut hilingiti lagaukwa mene suesingga andomaba lisu palek mene higithogoat wene inoba figik, kotik, ikhi laga higi.