Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIUS 16:21 - Allah Wene Fano Wene Hupla Inane

21 Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

အခန်းကိုကြည့်ပါ။ ကော်ပီ




MATIUS 16:21
31 ပူးပေါင်းရင်းမြစ်များ  

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.


A'nogo yagaisasikhemo at Petrus nen he, Yesus waluk ale'ma lagaikhesik he, mel yagatikhe: ”Hat wene egen andi hilinghabinogo nen he, Allah nen telhabuago,” iluk komotikhe.


Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.


an wene eberogoat yagahisak. At Elia ebe arat wagaikhe meneat he, it afuni nen mondok futfigi'lek logolik he, a'nogo hilingisu inamolo nen, at ebe weagetfesukwa hagat, an abat ta'lasi wagagi a'nogo re, nebe a'nogo weagetnabugun aro,” iluk yagaisasikhemo re,


A'nogo hilingi'luk he, tom oba a'nogo nen pi waga logolik, at Yesus nen mel yagaisasikhe: ”An abat ta'lasi wagagi a'nogo re, nebe noatunem wa'lasimbik were'ma, Allah nen neluget nafi'lek werek kwelek, an nebeba hilinglagunem hineilenggen neegep a'nogo afuni ekhe mondok yagaisagubo. We, hobuk Allah nen nelugetnafe halogen, yagaisagain o,” iluk komorinabik pi wagaikhe.


”Ninenggi pire logombigen seni Paskah hilingisugun andi hit hineluaro. A'nogo hilingitu kwelek, an abat ta'lasi wagagi a'nogo, aben yonggo lambik, it ekhe nen eba mennobagambik noasuageluk inenggiba nobagagun o,” iluk yagaisasikhe.


Yesus nen, ”Horogat waga ari,” iluk ugu kwelek aremnogoat he, at Yudas, ebe Yesus agoromi inebe 12 omanogo mene yonggo lagaikhemo, it ap Allah eisewerek mene inogogwi kaindek omanogo inom, inaluendek omanogo inomen, it ap inebe esa hokhorogo inayonggo fesukwasik lakfisa wagaukwama, karok inom, yei inom, waluk inebe mondok esa fologo wagaukwa.


it ap Allah eisewerek mene inogogwi kaindek omanogo inom, inaluendek omanogo inomen, wene Yesus oba hokhorogo fesukwa mene re, aren he, hobuk wene ekhe onggo yagaisigi'lek kamo isikhe.


”Ninoe. Afuni lalinabik nikhi laga mene a'nogo, eluk logolik yagaisikhi logolik he, nenggi pire warek logombik, henaganek neluk asigin o, iluk isikhe a'nogo nen he,


Mene re, ebe yoma lek. Aren yagahisasikhe hak, Allah nen elugetfikhemo werego. At welagaba yoma obalik enek yi hineilenggen hani.


At Yesus nen a'nogo komorinafikhesik he, wene hobuk ekhe mel yagaisasikhe: ”An abat ta'lasi wagagi a'nogo re, it ap inaluendek inom, Allah eisewerek mene inogogwi kaindek inom, Allah ane lisu palek eisewerek mene inom, inomen an nebe inabit asimbik yi enggin ti enggin hokhorogoat hilingnabimbik, nebe noasugun o. Noasumo nebe nenggi pire warek logombik he, ekheba neluk asigin o,” iluk


Heinok wanhukwama, aren he, mel yagaisasikhe: ”At Elia tak wesimbik he, yi hilingitik ti hilingitik tegeli wesigin, ili'lagwi andi eberogoat meneat he, an abat ta'lasi wagagi a'nogo faget wene lisu yi'nogo palogo fesukwama werek: At ebe ninabit, iluk, herakfisaluk, yi enggin ti enggin mondok weak hilingisogo fogoin o, iluk lisu palogo fesukwama werek andi nena mene faget isukwa anggegep.


Nen, a'nogo hilingisigin meneat he, andi oan hilinglagi'lek werek kwelek he, afuni yogondak werek mene yoma nen wo'nafi'lek heraknobagaluk he, yi enggin ti enggin hilingnabugun o.


A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek.


inebe fogerinabu hak weinam agaukwasik were'ma, ineilenggen isasukwa. Nen, wene ane isukwa andi re, at Yesus welagi'legat Allah nen isikhe higithogo o Yerusalem en wa'lasigin mene faget ikhi lagaukwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ