MATIUS 16:16 - Allah Wene Fano Wene Hupla Inane

¹⁶ at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

MATIUS 16:16 ပူးပေါင်းရင်းမြစ်များ

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

MAZMUR 42:2

Allah neisena, no rusa agai nele nen endawimo age lagagunem heinet watherek andi hak, an nendawinggen Hat hoba nunggunem welagi o.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

MATIUS 1:16

Yakub en Yusup he Maria agun a'nogo, tatik, he Maria nen he, Yesus, niren Kristus ikhi lago a'nogo tatik, eroba nen taginabik wagaukwa.

MATIUS 14:33

Palagaikhemo re, it e so elema welagaukwa mene omanogo nen Yesus fogerati logolik he, ”Hat eberogoat Allah amlogo heogo o,” iluk yagatukwa.

MATIUS 16:15

A'nogo yagatukwama, at Yesus nen he, ”Iren a'nogo ili'lagwi meneat he, hit enek he, an nebe faget sa ikhi lagep nogo,” iluk yagaisasikhemo,

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

MATIUS 27:54

Nen, ap tentara mene inoe kain mene inom, agoromi fena Yesus era'lu kagalek welagaukwa mene omanogo inom, lugul langethigik, yi elalin mene hilinglagik, isikhe omanogo ineilenggen hasukwasik inailo hokhorogo agaukwasik he, ”Ap yi re, Allah amlogo eberogoat higi o,” iluk isukwa.

MATIUS 4:3

A'nogo nele were'ma re, at Iblis inendawimo kagalik nikherek mene a'nogo oba wagaikhesik he, ”Hat eberogoat Allah amlogo halok he, helep yoma sumburu roti mene hilinglasuagen yagasin o,” iluk, yagatikhemo,

MARKUS 14:61

ane igi'legat kamo isikhe. Kamo isikhemo hobuk it ap Allah eisewerek mene inoe kain a'nogo nen he, wene ekhe mel yagatikhe: ”Allah fogerati lago mene nen amlogo Kristus lakfei wesigin isukwa a'nogo ebe re, harara?” iluk heinok wokhasikheat.

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

YOHANES 1:49

At Nataniel en he, mel yagatikhe: ”Noe. Allah amlogo nit Israel mene ninoe kain Henupogot he, harat hiigi o,” iluk yagatikhe.

YOHANES 11:27

At Marta nen he, mel yagatikhe: ”Noe, hat hebe Allah amlogo Kristus Allah nen wenagaisogo menfuluk lakfei wesigin isukwa a'nogo harat, iluk fut hobagagi o,” iluk yagatikhe.

YOHANES 20:31

A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.

YOHANES 6:57

An neisena eluk mondok welagarek mene nen laknobagai wagaikhemo wagagi a'nogo, at eluk welagarek andi nen an neluk welagirek hak, ap sa nen, an nebe ningge halok, an neluk welagirek andi nen, at elugat logogin o.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

YOHANES 6:69

Niren he, ninoe hat Allah onggwarek faget menhobagaluk, eberogoat aren lakfagai wagaikhemo iluk, fut hobagagosik ninendawinggen hat hoba himbiret fogo o,” iluk a'nogo yagatikhemo.

KISAH PARA RASUL 14:15

”Ap yi sani. Hit ninggi'nogo hilingiti lagep. Nerugwi nagaila'lak. Nit ninebe re, hit hangge afuni meneat. Mene re, hiren yi mene ti mene we tulemat hilingiti lagep mene andi herakfisaluk he, hinobabut hebelasimbik hinelokhe Allah eluk mondok welagarek mene andi wogosubagaigen iluk wene yagahisa wago mene o. At Allah andi re, pogot inom, kweang inom, i laut hokho yenggelek inom, yi mene ti mene pogoroba, kweangma, ima welagarek mene inom, walhasikhe mene o.

KISAH PARA RASUL 8:36

Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”

KISAH PARA RASUL 8:37

[iluk yagatikhemo, at Filipus nen he, ”Noe. Hendawinggen misigat logolik, Yesus oba himbiret fegendik egen halok he, ima pelakhabigin aro,” iluk yagatikhemo, at ap a'nogo nen he, ”At Yesus Kristus andi, eberogoat Allah amlogo aro, iluk nendawimo anggigi,” iluk yagatikhe.]

KISAH PARA RASUL 9:20

A'nogo welagaukwa andem sambul he, o it afuni Yahudi mene samban ikhi lagaukwaba kwisikhesik, wene Yesus faget yagaisikhi logolik he, ”At Yesus andi, ebe Allah amlogo aro,” iluk yagaisikhi lagaikhe.

2 KORINTUS 1:19

At Allah amlogo Yesus Kristus, an nebe nen yagahisigik, Silas nen yagahisigik, Timotius nen yagahisigik, isugu mene a'nogo obabut he, ”Io,” ilugen, ”Lego,” iluk ikherek lek. Allah nen, ”Io. Wokhisagain,” iluk abok yaganisa hak, Yesus ebe wo'nisasikhemo werek andi.

2 KORINTUS 3:3

Hit hinebe re, wene Kristus nen lisu palogo fesikhemo niren lakfesugu mene hangge welagebo. Lisu andi re, lisu amusuba palhi'lek meneat he, Allah eluk mondok welagarek a'nogo Areagun oba palhikhe. Nen, helep sabia meneba palhi'legat. We, afuni inendawinggen obaat palhikhe.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

ULANGAN 5:26

Allah eluk mondok werek mene a'nogo nen enduba nen ane ugu kwelek he afuni koma mene nen ekhe ineluk welagaukwa anggegep?

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

1 TIMOTIUS 4:10

Allah ebe re, yi afuni ti afuni mondogat telinaferek mene welagarek meneat he, esin hangge re, nit ninendawinggen at oba himbiret fikhi lago mene halok telninaferek andi nen, ninendawinggen at eluk mondok welagarek mene oba himbiret fuluk, at faget ninaberali lekhogoat ninomamerogo hilingiti lago.

IBRANI 10:31

Wene a'nogo inoba fagain andi, nit weak hilingitunem ninebe Allah eluk mondok welagarek mene enggiba ninobagaikhe halok, ninailo mondok asigin andi.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

IBRANI 3:12

Halok he, nerugwi nagaila'lak. Hit ekhe hinobabut weak a'luk, hinendawinggen Allah eluk mondok welagarek mene oba himbiret figi'lek logolik, at ebe herakfisaluk hinambotkwe wulibi lanogo iluk, hinobabut hebelogo logoino o.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

1 YOHANES 4:15

Ap sa nen, ”Yesus andi Allah amlogo,” iluk fakhogo yagaisikherek halok, at Allah nen at emberek hundik mondok, nen, aren Allah emberek hundik mondok, welagaikharego.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

1 YOHANES 5:5

Afuni inobabut inetogat logolik weak hilingitarek mene mabenetfisaluk inomame agaikharek andi sani nen nogo? Andi re, niren, ”At Yesus andi Allah amlogo,” iluk ninendawinggen at oba himbiret fogorek mene nen aro.

WAHYU 7:2

It a'nogo werek kwelek, malaikat hunogoat ekhe o mo yegelogo liabi wagare'ma a'lima nen Allah eluk mondok welagarek mene asilo waluk wulibi wagasik, Allah nen it malaikat inebe enggaminogo mene nen kweang inom, i laut yenggelek inom, weagetfouwageluk eisewerek fisasikhe mene omanogo mel yagaisugunem holhi: