MATIUS 16:14 - Allah Wene Fano Wene Hupla Inane

¹⁴ iren he, mel isukwa: ”Afuni ekhe nen he At ebe re, Yohanes ima pelaginafi lagaikhe mene a'nogo igik, it ekhe nen he At ebe re Elia igik, it ekhe nen he At ebe re, Yeremia hea, ap Allah ane yagaisikhi lagaukwa mene omanogo ekhe hea, igik, ili'lagwi,” iluk yagatukwa.

MATIUS 16:14 ပူးပေါင်းရင်းမြစ်များ

YEREMIA 1:1

Buku yi re hun Hilkia ebe imam o kota Anatot wilayah Benyamin meneba andoma welagaikhe agun andi amlogo Yeremia nen ane ikhi lagaikhe mene palek werek.

MALEAKHI 4:5

Oba nen he linggene elalin awi An nen enogo fesigi mene andi oan wagi'lek werek kwelek he, An nen hit hinoba Allah ane yagahisikhi lagaikhe mene nabi Elia a'nogo lakfei wesigin.

MATIUS 14:2

at agoromi mel yagaisasikhe: ”Yohanes ima pelaginafi lagaikhe mene ebe watimo wa'laga a'nogo hobuk eluk agasik andi nen he, hilingisu lek mene elalinat hilingirik nikho andi,” iluk ebe Yesus hilingiti lagaikhe meneat isikhe andi.

MATIUS 16:15

A'nogo yagatukwama, at Yesus nen he, ”Iren a'nogo ili'lagwi meneat he, hit enek he, an nebe faget sa ikhi lagep nogo,” iluk yagaisasikhemo,

MATIUS 17:10

Komorinafikhemo, it agoromi omanogo nen he, mel yagatukwa: Halok he, it ap Allah ane lisu palek inelu mene omanogo nen he, ”Elia tak wesigin iluk ili'lagwi andi ninggi'nogo nen,” iluk heinok wanhukwama,

MATIUS 3:1

A'nogo hilingitukwasik oba nen he, at Yohanes ima pelaginafi lagaikhe mene a'nogo, o Yudea tonggwe leimo afuni le'ma andoma wagaikhesik wene yagaisikhi logolik, yi'nogo ikhi lagaikhe:

MARKUS 6:15

nen, it ekhe nen he: ”Lego. Andi at Elia ebe aro,” igik, it ekhe nen he: ”Lego. It ap attak Allah ane yagaisikhi lagaukwa mene nen yagaisikhi lagaukwa hagat yagaisilik nikho andi re, at ebe it andi mene ekhe weinam agasik nikho,” igik, ebe Yesus meneat a'nogo ikhi lagaukwa andi.

MARKUS 8:28

iren he, mel yagatukwa: ”Afuni ekhe nen he, At ebe re, Yohanes ima pelaginafi lagaikhe mene a'nogo igik, it ekhe nen he, At ebe re, Elia igik, it ekhe nen he, At ebe re, ap Allah ane yagaisikhi lagaukwa mene omanogo ekhe igik, ili'lagwi,” iluk yagatukwa.

LUKAS 9:8

Nen, it ekhe nen he: ”At Elia a'nogo weinam agasik nikho,” igik, it ekhe nen he: ”It ap endamat Allah ane yagaisikhi lagaukwa mene omanogo ekhe eluk agasik nikho o,” igik, ikhi lagaukwama re, ap kain Herodes a'nogo endawinggen nonghong isikhesik welagaikhe.

YOHANES 1:21

A'nogo yagaisasikhemo iren he, mel isukwa: ”Halok he, hat he, hebe sa nogo. Hebe Elia he a?” iluk yagatukwama, aren he, ”An nebe at andi fuk, hunogoaro,” iluk, ikhi lagaikhemo, iren he, mel yagatukwa: ”Halok he, ap ekhe Allah ane yaganisikhi logouwageluk ayonggo fuluk lakfei wesigin isikhe a'nogo he a,” iluk yagatukwama, aren he, ”Andi lego,” iluk yagaisasikhe.

YOHANES 7:12

it afuni hokhorogo omanogo inesanggo holhukwasik he, inane samik-samok ikhi logolik, it ekhe nen he, ”Athe fano,” ugunem it ekhe nen he, ”Lego. Athe weak. Afuni lalinabi'logo,” iluk isukwa.

YOHANES 9:17

A'nogo minggilhukwasik he, ap eilenggen mum mene a'nogo oba heinok hobuk wokhikhi logolik he, mel isukwa. ”Haren he, neilenggen fano higitnafe egen anggigi. Halok he, ap andi abok haren ninggi'nogo igin,” iluk yagatukwama, aren he, ”At ebe Allah, ane yagaisikherek mene a'nogo mene aro,” iluk yagaisasikhe.