MATIUS 16:11 - Allah Wene Fano Wene Hupla Inane

¹¹ An nen sumburu roti mene faget yagahisigi lek meneat he, nenahalok futfigi'lek welagep. Enggen sumburu roti mene fisuageluk elonggoma pelafarek andi hak mene, it ap Farisi mene inom, Saduki mene inom, fisogo werek andi nen hinebe hebelogo logobagaigeluk yagahisigi o,” iluk yagaisasikhe.

MATIUS 16:11 ပူးပေါင်းရင်းမြစ်များ

MATIUS 16:1

Wulibi wagaikhesik were'ma, it ap Farisi mene inom, it ap Saduki mene inom, Yesus obabut paluogeluk oba wagaukwasik, mel yagatukwa: ”Hat hebe heisena Allah pogoroba mene nen pelakhobagai wagaikhemo wagen halok he, niren futhobagauwogen nineilhanem elalin mene ekhe hilingisin he,” iluk yagatukwa.

MATIUS 16:12

A'nogo yagaisasikhemo, it omanogo futfesukwasik he, mel yagatukwa: ”I o. Wene ikhe andi re, we, enggen sumburu roti fisuageluk elonggoma pelafarek andi mene faget yaganisikhe lek. At he, it ap Farisi mene inom, Saduki mene inom, inawene yagaisagarek mene a'nogo weagetninabinogo iluk, ninebe hebelogo logouwageluk yaganisikhe higi,” iluk futfesukwa.

MATIUS 16:6

at Yesus nen mel yagaisasikhe: ”It ap Farisi mene inom, ap Saduki mene inom, enggen sumburu roti fisuageluk anggelekwe pelafarek andi hangge mene fisogo werek andiba weagethinabinogo iluk, hinebe hebelogo logoino o,” iluk yagaisasikhe.

MATIUS 3:7

A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

MARKUS 4:40

A'nogo hilingitikhemo re, at Yesus nen he, mel yagaisasikhe: ”Hit nenahalok hinailo nen ikhi lagep. Hinendawinggen an noba oan eberogoat himbiret figi'lek welageba?” iluk yagaisasikhemo re,

MARKUS 8:15

Wulifukwasik he, Yesus nen komorinafi logolik mel yagaisasikhe: ”It ap Farisi mene inom, at Herodes inom, enggen sumburu roti fisuageluk elonggoma pelafarek a'nogo hangge werek andiba weagethinabinogo iluk, hinebe hebelogo logoino,” iluk komorinafikhe.

MARKUS 8:21

aren he: ”Mene re, hit wene oan futfigi'lek welagep yoma ri!” iluk yagaisasikhe.

LUKAS 12:1

Wene a'nogo ugu kwelek, afuni mondok hokhorogoat inera'lu andogosi wagaukwama re, inebe mondok esa hokhorogo andi nen he, it ekhe nen it ekhe ineisok ungguren al perelogo fisilik lagaukwa. A'nogo hilingfisilik lagaukwama, at Yesus nen agoromi ane wanhi lagaukwa mene omanogo wene mel tak yagaisasikhe: ”Ap Farisi mene inobabut he, enggen sumburu roti mene fisuageluk, anggele'ma pelafarek mene andi hangge logolik he, inagap oba nek fano hangge, inendawinggen pire andi nen, weaget hinabinogo iluk hinebe hebelogo logoino.

LUKAS 12:56

Hit hinagap oba nek fano hangge hinendawinggen pire yi ri! Kweang pogot elokhonggen futfuluk he, a'nogo hilinglasigin iluk hinendawinggen wenggelek logolik, obabut enegat palhi lagep meneat he, o yogondak welago yaba yi'nogo hilinglasigin, iluk futfigi'lek welagep andi nenahalok,” iluk yagaisasikhe.

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.