MATIUS 16:1 - Allah Wene Fano Wene Hupla Inane

¹ Wulibi wagaikhesik were'ma, it ap Farisi mene inom, it ap Saduki mene inom, Yesus obabut paluogeluk oba wagaukwasik, mel yagatukwa: ”Hat hebe heisena Allah pogoroba mene nen pelakhobagai wagaikhemo wagen halok he, niren futhobagauwogen nineilhanem elalin mene ekhe hilingisin he,” iluk yagatukwa.

MATIUS 16:1 ပူးပေါင်းရင်းမြစ်များ

AMSAL 26:5

Heinok woginabuogeluk ap morue mene nen heinok wogisagarek hak ugu halok he, onggo uogoluk ogore morue mene nen agarek hagat yagaisogoin fano, andiba re ap heinok wanigin mene a'nogo nen anggikhi logolik he an nelu welagi iluk anggagain oba nen he, a'nogo hilingik welagi re lek higi, iluk futfagain a'naga.

MATIUS 12:14

A'nogo hilingitikhemo re, it ap Farisi mene omanogo olulu wulifukwasik he, Yesus wasuogeluk weim abok isukwa.

MATIUS 15:1

A'nogo hilingitu were'ma, it ap Farisi mene fena inom, it ap Allah ane lisu palek inelu mene fena inom, o Yerusalem en Yesus oba wagaukwasik he, wene yi'nogo yagatukwa:

MATIUS 16:6

at Yesus nen mel yagaisasikhe: ”It ap Farisi mene inom, ap Saduki mene inom, enggen sumburu roti fisuageluk anggelekwe pelafarek andi hangge mene fisogo werek andiba weagethinabinogo iluk, hinebe hebelogo logoino o,” iluk yagaisasikhe.

MATIUS 19:3

Ou fano higirinafu kwelek he, it ap Farisi mene fena Yesus obabut paluogeluk oba wagaukwasik he, mel yagatukwa: Aben he, hemi waganek mene andi, wene hokho mene, endep mene, oba fikhi logolik he, ”Nabit, iluk lologo herakfagain eloga? Elo'lega,” iluk yagatukwama,

MATIUS 22:15

Hobuk he, it ap Farisi mene nen, ”Nit Yesus eil warogo wene oba heinok wanhunem ane igin oba enggin oba fembik wene oba fouwok,” iluk abok palhi lagaukwa.

MATIUS 22:18

at Yesus nen it ap andi inobabut weak enegat palhikhesik he, ”Hit hinagap oba nek fano hangge logolik, hinendawinggen pire mene yi ri! Nenahalok nobabut paluogeluk ikhi lagep.

MATIUS 22:23

It omanogo arat lagaukwama nen, o andi sambulat, it ap Saduki mene nen, ”Afuni wa'la'luk ineluk asugun mondok lek,” iluk agarek mene ekhe Yesus oba wagaukwasik he, mel yagatukwa:

MATIUS 23:2

mel yagaisasikhe: ”It ap Allah ane lisu palek eisewerek mene inom, ap Farisi mene inom, inomen he, at Musa nen wene Allah nen komotninafikhe wene a'nogo yagaisikhi lagaikhe andi hak, obali'mo re, iren yagahisili'lagwi andi nen he,

MATIUS 27:62

It afuni Yahudi mene samban hubet oba ikhi logolik weat logouwogeluk he, yogondak hak yi mene ti mene andogorogo fuluk, it ap Allah eisewerek mene inogogwi kaindek omanogo inom, Farisi mene inom, inebe andogorogo Pilatus oba lagaukwasik he,

MATIUS 5:20

Allah endawimo anggikherek mene higithogo hilingisuogeluk he, it afuni nen Allah ane lisu palek eisewerek mene omanogo inom, ap Farisi mene inom, inobabut hilingiri'lagwi andi hagat hilingiti logogun halok he, Allah awe a'ma fisikherek oba andoma kugun lego. Eberogoat Allah endawimo anggikherek mene higithogo hilingiti logogun mene halok enek kugun o,” iluk yagaisasikhe.

MATIUS 9:11

A'nogo nunggu were'ma, it ap Farisi mene nen ineilenggen kwelagisasukwasik he, it ap Yesus ane wanhi lagaukwa mene omanogo mel yagaisasukwa: ”Hit hinoe wene yagahisili'logo mene ari, it ap uang pemerintah faget kino iluk wanharek mene inom, it ekhe afuni nen inabok weak agarek mene inom, sumburu misi'mo nili'lagwi yi nenahalok,” iluk yagaisasukwa.

MARKUS 10:2

Yagaisugunem he, ap Farisi mene ekhe Yesus oba wagaukwaat. Wagaukwasik he, mel yagatukwa: ”Yesus. Aben he, hemi waganek mene lologo hebisogoin eloga? Elo'lega,” iluk obabut paluogeluk heinok wanhukwa.

MARKUS 12:15

aren he, ”Inane lagokhogo yaganeta,” iluk inobabut enegat futfisasikhesik he mel yagaisasikhe: ”An nobabut paluogeluk egep andi nenahalok? Uang perak yabu inenggi misigam faget hilingitunem inenggi onggo wogisagarek a'nogo mene ekhe neilenggen hagen he wani lani o,” iluk yagaisasikhemo,

MARKUS 12:18

Hobuk he, it ap Saduki mene nen, ”Afuni wa'lasimbik ineluk asugun lek,” iluk agarek mene ekhe Yesus oba wagaukwa. Wagaukwasik at oba heinok wokhikhi logolik yi'nogo yagatukwa:

LUKAS 10:25

Wene a'nogo yagaisikhi lagaikhemo re, hobuk ap Allah ane lisu palek yagaisikhi lagaikhe mene ekhe Yesus obabut paligeluk oba wagaikhesik he, mel yagatikhe: ”Noe. An neluk mondok logoigen he, nobabut ninggi'nogo hilingiti logoik he,” iluk yagatikhemo,

LUKAS 11:16

it ekhe nen, at Yesus obabut paluogeluk he, mel yagatukwa: ”Hat hebe Allah nen lakhobagai wagama wagen halok he, niren futhobagauwogen, haren elalin mene ekhe hilingisin he,” iluk yagatukwa.

LUKAS 20:23

at Yesus nen he, ”It ap yi an lalnabuogeluk inane lagokhogo yaganeta,” iluk, enegat futfisasikhesik he, mel yagaisasikhe:

LUKAS 20:27

A'nogo werek kwelek, hobuk it ap Saduki mene nen, ”Afuni wa'la'lugen he, hobuk ineluk asugun mondok lek,” iluk agarek mene fena Yesus oba wagaukwasik oba heinok wokhikhi logolik he, mel yagatukwa:

YOHANES 8:6

Wene a'nogo yagatukwa andi re, Yesus ambeba wene onggo ugunem enggali warogo wene oba fouwogeluk isukwa meneat he, at ot soma isikhesik enggi tum en kweangma lisu palhu kamo isikhe.

KISAH PARA RASUL 4:1

It Petrus Yohanes emberegen wene a'nogo afuni omanogo oan yagaisugu were'ma aremnogoat, it ap Allah eisewerek mene inom, Allah awi wurik kagalek welagaukwa mene inoe kain mene inom, ap Saduki mene inom, inoba wagaukwa.

KISAH PARA RASUL 5:17

A'nogo hilinginafunem, elugun oba re, it ap Allah eisewerek mene inoe kain mene agoromi inebe mondogat inom, it andi re, afuni Saduki mene inane wanhi lagaukwa mene nen, irat Yesus nen inebe wenagaisogo lakfisasikhe mene omanogo a'nogo hilingitunem inoba wene palhi lagaukwa. A'nogo wene palhi lagaukwasik, inebe fakfisasukwasik he, o afuni inenggi hele warogo fisagarek oba kwelakfisasukwa.

1 KORINTUS 1:22

It afuni Yahudi mene nen ikhi logolik he: ”Wene futfouwogen he, elalin mene ekhe hilingi'ni o,” igik, it afuni Yunani mene nen he: ”Wene hinendawimo kagalogo ekhe yaganisani o,” igik, agarek meneat he,