MATIUS 15:9 - Allah Wene Fano Wene Hupla Inane

⁹ Wene afuni inane meneat he, an nen yagaisugu mene hakhogo yagaisili'lagwi andi nen he, we tulemat fogetnabi'lagwi o, iluk isikhemo, Yesaya nen lisu palogo fesikhemo werek andi, hit faget higithogoat isikhe,’ ” iluk yagaisasikhe.

MATIUS 15:9 ပူးပေါင်းရင်းမြစ်များ

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

MAZMUR 73:13

An nendawimo fano horek logogin iluk tegelikhi lagi andi re we tulemat hilingiti lagi o, weak meneba nen agaiserati lagi andi re we elalinat hilingiti lagi o.

KELUARAN 20:7

An he hit hineisena Tuhan Allah welagi andi nen, afuni ekhe An nenu we tulemat ikhi logogun mene andi unggum inoba fagain enggere, An nenu alomarogo ikhi logogun mondok lego.

YESAYA 29:13

Tuhan nen ikhi logolik, ”Afuni andi re An noba inendawinggen yatma logoligen it inaneba enek he An foget nabi'lagwi. Iren hilingiri'lagwi mene andoma re afuni inawene melalek omanogo nek eberek logolik hilingiri'lagwi.

IMAMAT 26:16

An nen enggin mene hit hinoba asuageluk hilingfigik, hinebeba ou aganhan engge mene andi nen hineilenggen puk agik, nen hinoba fano asu elo'lek mene andi nen hutet hisugunem inebe mondok weak agik ugun. Hit hineabu wokfakhaluk awi yasugun oba nen he enggen oan ninggi'le'ma, it hinaselei mene nen sebela kwi we'luk ninggi logogun.

IMAMAT 26:20

Hiren enggin-fenggin hogo hilingisugun oba nen he hinanggweang oba nen enggen iti logogin le'ma we alomarogo hakhogo nek hilingiti logogun.

MALEAKHI 3:14

oba nen, hiren ikhi logolik, ’At Tuhan Mondok Lego Welagarek mene a'nogo obaget hundik-handik hilingiti lago oma re ninggi'nogoluk hilingiti lago nogo, athe niren weak hilingito iluk ninendawimo waraluk At oba fakhogo fikhi lago nogo, At Allah obaget andogoti logogun andi re we alomaro o,’ iluk ikhi lagep andi.

MATIUS 15:10

A'nogo yagaisasikhesik he, hobuk at Yesus nen afuni hokhorogo omanogo wolisasikhemo wagaukwama re, ekhe mel yagaisasikhe:

MARKUS 7:7

Wene afuni inane meneat he, an nen isigi mene hak yagaisili'lagwi andi nen he, we tulemat an fogetnabi'lagwi o, iluk isikhemo Yesaya nen lisu palogo fesikhemo werek andi, hit fagerat isikhe o.

1 KORINTUS 15:2

Fano wene yagahisa wagagi wene andiat hinenggi ninghogo fisogo logogun halok he, andiba at telhinabi'logo. A'nogo meneat he, hit we tulemat alemarogo hinendawinggen Allah oba himbiret fegepsik welagep halok he, elo'lego.

ULANGAN 12:32

Wene an nen, yi'nogo hilingiti logoino, iluk mondogat yagahisigi andi, hiren wene hunogo mene ekhe oba labelhik, ekhe sebelogo pelafik, ugun mondok lego,” iluk yagaisasikhe.

1 TIMOTIUS 1:4

It andi nen he, suetninung ineranen kagalogo pilingitik, Ninebe a'nogo ta'larik wagagu, iluk wene komo wene eroba nen palfigi'legat pilingirik mondok lagik, ili'lagwi andi meneba inendawinggen eberek mondok logoinogo nen he, igi'lek herakfisoageluk komorinabino aro,” iluk yagahetigi anggigi. Wene andi mene ugunem, ebe wene ninendawinggen Allah oba himbiret fuluk were'ma, aren fanotninabigin andi mene hokhorogo agarek lego. We, wurep oba inane hokhoat sagalharek andi.

TITUS 1:14

It afuni Yahudi mene ineranen kagalogo suetninung wene pilingiri'lagwi mene inom, afuni ekhe nen, ebe wene herakfisaluk inendawimo nen kagalogo, ”Yi'nogo hilingiti logogun,” iluk komorinabi'lagwi mene andi inom, wene andi fisogo logoinogo iluk, ninghogoat komorinafi logoino.

IBRANI 13:9

A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.

YAKOBUS 2:20

Hat he kembu nen ikhi lagen andi ri! Allah eberogoat iluk andi mene nek anggikhi logolik, henggiba leberisigi'lek halok, we tulemat anggikhi lagen iluk enegat futfeinogen wene yi yagahesik.

WAHYU 22:18

An Yohanes nen hit ekhe wene hobuk hilinglasigin wene an yaganete mene andi hinesanggo holugun mene hinebe lombok, wene ekhe yi yagahisak: ”Sa nen wene lisu palhi mene yi werek kwelegat, wene hunogo mene oba labelhe halok he, Allah nen afuni wene inoba fembik weagerinabigin iluk ikhe mene lisu palogo figi mene yi higithogoat, Allah nen at andi wene ekhe inom mangorogo oba fembik ebe weaget fagain aro.

1 SAMUEL 25:21

Andem sambul at Daud a'nogo endawimo nen ebethikhi logolik he, an nen ap andi angge o leimo halhi lagi a'nogo re we alomarogo hilingiti lagimo higi! At angge we misik iluk ogo ekhe longgo ikhe lek oba nen, an nen fanorogo hilingfikhi lagi a'nogo onggo re yogondak aren weak mene inom wuret fili'lago ari a!