MATIUS 15:6 - Allah Wene Fano Wene Hupla Inane

⁶ A'nogo yagaisikhi lagep andi nen he, it a'nogo hilingitunem, it ineisena inagaisalak agaugwerinabi'lagwi lek andi o. A'nogo ikhi lagep andiba, hit hinambu hinombalak hilingiti lagaukwa wene andi fisogo logolik he, Allah ane sebelogo herakfisikhi lagep andi.

MATIUS 15:6 ပူးပေါင်းရင်းမြစ်များ

MAZMUR 119:126

Tuhan neisena, it afuni Hat hawene melalek taganhogo hilingiri'lagwi mene omanogo, Haren wene inoba fagain oba arat asi waga.

MAZMUR 119:139

It naselei mene omanogo nen wene Haren yaganisikhi lagen mene omanogo inonggot a'luk hilingitunem he, an nobaharo a'luk na'mage hokho mene lagali'lago.

YEREMIA 8:8

Hiren hinambong siserogo hinane ikhi logolik, nit he ninendawinggen wenggelek mene logolik Tuhan awene melalek andoma re ninelu welago o iluk ikhi lagep andi ambi! An nawene yi'nogo hilingiti logoino ti'nogo hilingiti logoino iluk yagahisasigi mene a'nogo it Allah againafuri nen hiligitarek mene ninelurek iluk ili'lagwi inap andi nen henarogo agam eri'lagwingge andi hani!

HOSEA 4:6

Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.

MATIUS 15:5

iluk komotninafikhe meneat he, hiren he mel yagaisikhi lagep: Sa nen eisena hea, agaisa hea, yagaisikhi logolik he, ’An mene yi mene ti mene hat wokhesugun meneat he, Allah faget fisigimo o,’ iluk yagaisikhi logouwageluk yagaisikhi lagep andi.

MATIUS 15:7

Hit hinagap oba nek fano hangge logolik hinendawinggen pire yi ri! At Yesaya nen Allah ane yagaisikhi logolik wene mel isikhe andi, hit faget higithogo isikhe higi:

MARKUS 7:13

A'nogo ikhi lagep andiba, hinambu hinombalak hilingiti lagaukwa wene wanhigipsik he, Allah ane sebelogo herakfisikhi lagep andi. Andi hak, wene ekhe hokhorogoat hilingiti lagep mene werek aro,” iluk yagaisasikhe.

ROMA 3:31

Halok he, ninendawinggen at Yesus oba eberogoat himbiret fikhi logolik, wene Allah nen komotninafikhe wene a'nogo sebelhi lago he a? Lego. At ane andiat legeisogo fikhi lago.

1 TIMOTIUS 5:16

Mene re, he ekhe endawinggen Allah oba himbirik welagarek mene agaisa ekhe sogwe mene werek halok, Allah againafuri mondogat inoba enggin asinogo iluk, arenat lebethikhi logogino. A'nogo lebethugu kwelek, it Allah againafuri mondogaren he, hemi sogwe mene ekhe afuni it mene nen leberisugu lek mene halok, leberisikhi logoguno.

1 TIMOTIUS 5:8

It ap ekhe nen Allah ane eberogoat iluk wanhukwasik logoligat he, inonggwarek inagainafuri andiat esinet fuluk leberisigik, afuni ero it mene halok ekhe inomat leberisigik, igi'lek halok he, Allah ane herakfisaluk wulifasik hanggeat werego. It afuni endakwe mene nen wene wanhi'lek logolik, weak endebat hak hilingiri'lagwi meneat he, it andi mek he wene wanhukwasigen afuni it mene leberisigi'lek hilingiri'lagwi andi nen, weak hokho hak hilingiri'lagwio.