MATIUS 15:31 - Allah Wene Fano Wene Hupla Inane

³¹ A'nogo higirinafikhemo re, it afuni omanogo inane lek mene houwak igik, inenggi ineisok hambelek mene fano agik, ineisok wut warek mene fano a'luk kwe lagik, ineilenggen mum mene fano a'luk yerisigik, ugunem ineilenggen hasukwasik he, ”Egi! Nit afuni Israel mene nineisena Allah andi re ninailo e,” iluk, fogeratukwa.

MATIUS 15:31 ပူးပေါင်းရင်းမြစ်များ

KEJADIAN 32:28

A'nogo yagatikhemo at ap a'nogo nen he, ”Haren An Allah nemberek ninobakhe felik pugagik, afuni mene hinom yei hinobakhe felik pugagik ogo mene re, hat homame agen andi nen, henu re, Yakub ikhi logogun lego, Israel ikhi logogun,” iluk salhikhe.

KEJADIAN 33:20

Andi nen aren Allah fogerati logolik, wam warogo nolhuba iluk obalik Mezbah andoma wutikhesik enu re, ”Israel mene ineisena Allah re, Allah,” iluk salhikhe.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

KELUARAN 24:10

Lagasukwasik he, afuni Israel mene ineisena Allah ebe o hulu helep enu nilam hangge mene elokhenggen pogot muli mene mondok lia-fiarek mene hangge talek oba mendek were'ma ineilenggen hasukwa.

MATIUS 15:30

Hu'lagaikhesik were'ma re, afuni inebe hokhorogo at oba waga logolik, ineisok wut warek mene inom, ineilenggen mum mene inom, inenggi ineisok hambelek mene inom, inane lek mene inom, it fena inoba ou mene hokhorogoat inom, woginarek Yesus oba wagaukwama re, aren fano higirinafikhe.

MATIUS 18:8

Hinenggi nen a? Hineisogen a? Weagethinabu hak hilinglaga halok he, fena palogo lakfisaluk, fena nek logolik, ineluk mondok logogun oba andoma kumo fano o. Mene re, hinenggi hineisok andi wurat were'ma endu nagulagarek le'ma andoma lakhinobagaumo weago. Halok he, fena palogo lakfisano.

MATIUS 21:14

A'nogo yagaisasikhesik he, afuni ineilenggen mum mene inom, ineisok wut warek mene inom, Yesus oba Allah awi wuri'mo andoma wagaukwama re, aren fano higirinafikhe.

MATIUS 8:10

at Yesus esanggo holhikhesik he, afuni at ombo'ne lagaukwa mene omanogo mel yagaisasikhe: ”Eige! Ap yi endawinggen noba eberogoat himbiret fikhe andi hak, it afuni Israel mene ekhe inendawinggen a'nogo himbiret fugunem isigirek lek mene nailo e, iluk eberogoat yagahisigi o.

MATIUS 9:32

O andoma nen wulifunem he, it afuni ekhe nen ap ekhe munggwarengge obabut weak mene endawimo kwisikhemo ane lek mondok welagaikhe mene Yesus oba waluk wagaukwa.

MATIUS 9:33

Waluk wagaukwama re, at Yesus nen munggwarengge obabut weak mene ap a'nogo endawimo kwisikhesik were'ma henegeisogo wulakfesikhemo, ap a'nogo ane huakhogo isikhe. A'nogo hilingitikhemo re, it afuni hokhorogo welagaukwa mene nen Yesus fogerati logolik he, mel isukwa: ”Nit afuni Israel mene ekhe nen yi'nogo hilingitunem nineilenggen isogorek lek mene nailo e,” iluk fogeratukwa.

MATIUS 9:8

A'nogo hilingitikhemo re, it afuni omanogo ineilenggen hasukwasik inailo agaukwasik he, ”Allah nenat afuni mene nen yi'nogo hilingiti logouwageluk menfesikhemo andi nailo e,” iluk, Allah fogeratukwa.

MARKUS 2:12

A'nogo lakfesikemo re, ap a'nogo menlagaikhesik he, alit a'nogo aremnogoat helaluk it afuni omanogo mondogat ineilhanem wulifikhe. A'nogo hilingitikhemo, it afuni omanogo mondogaren he, mel isukwa: ”Eige! Nailo e. Nit yoma attagat afuni ekhe nen yi'nogo ekhe hilingitunem hogorek lek mene hilingite yi ninailo e,” iluk Allah fogeratukwa.

MARKUS 7:37

A'nogo yagaisugunem he, iren hokhorogo fogerati logolik he, mel ikhi lagaukwa: ”Aren, yi mene ti mene fano nek hilingiti logolik, afuni higirinafunem he, inesanggo tagum mene hutik, inesanggo holhik, inane lek mene inane fano agik, ili'lagwi andi nailo e!” iluk hokhorogo fogeratukwa.

MARKUS 9:43

Hinenggi nen weagethinabu hak hilinghinafe halok he, hinenggi fena palogo lakfisaluk, hinenggi fena nek logolik afuni ineluk mondok welagaikhare'ma andoma kumo fano o. Mene re, hinenggi wuthogoat were'ma, hinebe wea'ma, [endu nagulagi'lek soborenggen wa'lagi'lek inoba fikho mondok welagare'ma] andoma lakfisamo weak iluk, hinenggi fena palogo lakfisano.

LUKAS 14:13

Mene re, hat a'nogo seni isati logolik halok he, inenggi lek inelagaik mene andi inom, inouwak sagalek mene inom, ineindep holu mene inom, ineilenggen mum mene inom, it ariginik mene nek inayonggo fikhi logoino. A'nogo inayonggo fugunem, iren hat hayonggo fogoin lek andi nenat, hat hendawimo hagaiyek hokhorogo anggagain o. It andi nen onggo wokhesugun lek andi nen, afuni inobabut higithogo hilingitarek mene wa'lagaikharek oba nen Allah nen inelugerinabigin sambul andi re, hat hilingiti logogin mene onggo, at Allah nenat wokhesigin o,” iluk yagaisasikhe.

LUKAS 14:21

Inane a'nogo ilik lagaukwama re, at amingmingengge mene a'nogo nen oe a'nogo yagasi wagaikhe. A'nogo yagasi wagaikhemo, at oe eisewerek a'nogo a'mage hokhorogo lagasikhesik, mel yagatikhe: O kota hokho yi, ebekwe hokhokwe inom, endepkwe inom, laga logolik, afuni inelagaik mene inom, inouwak sagalek mene inom, ineilenggen mum mene inom, ineisok wut warek mene inom, woginarek we'no o, iluk yagatikhe.

LUKAS 18:43

iluk yagatu kwelek aremnogoat, eilenggen mum mene a'nogo fano agaikhesik, Yesus ombo'ne laga logolik he, Allah fogerarik lagaikhe. Nen, it afuni fena omanogo Yesus nen higitikhe mene andi ineilenggen hasukwasik he, Allah fogeratukwaat.

LUKAS 7:16

A'nogo hilingitikhemo afuni hokhorogo omanogo inailo agaikhesik he, Allah fogerati logolik, mel isukwa: ”Ap kain Allah ane yaganisikhi logogin mene ekhe ninanggele'ma nen weinam aga yi o!” iluk igik, nen it ekhe nen he, ”Allah nen againafuri telninabigeluk waga o!” iluk igik, isukwa.

YOHANES 9:24

A'nogo isukwama iren he, attagat eilenggen mumat ta'lagaikhesik welagaikhe mene a'nogo hobuk, ”Eme o,” iluk wolhasukwama wagaikhemo re, mel yagatukwa: ”Ap andi ebe weak hilingiterek mene nit ninelu andi nen he, hat honggwaregen hane eberogoat Allah enu hombuk palogo yaganisan o,” iluk yagatukwama,