MATIUS 15:29 - Allah Wene Fano Wene Hupla Inane

²⁹ Yesus nen a'nogo hilingitikhesik, o andoma nen pisikhesik, i Galilea yenggelek a'nogo esanggokwe laga lagaikhesik he, punuba lagaikhesik andoma hu'lagaikhe.

MATIUS 15:29 ပူးပေါင်းရင်းမြစ်များ

YESAYA 9:1

A'nogo hilingisumo re afuni inunggulenu lombok o mum oba logogun mene andoma re, ombak-bagen selegeratunem hogoin o. Nen, it ekhe wa'lasugun oba horok asi lagaikhasik werek mene ogore selegabet fisamo re selek oba logogun aro.

MATIUS 13:2

afuni esa hokhorogoat Yesus oba wagaukwama re, it inebe i esanggoma mendek werek kwelek fisaluk he, at ebe e so elema hu'lasi kwisikhe.

MATIUS 4:18

At Yesus i Galilea yenggele'ma esanggokwe laga logolik he, ap inebe pire, Simon enu ekhe Petrus ikhi lago a'nogo agot Andreas emberek hundik-handik ikan at wanhi lagaukwa andi nen he, andi sambul ikan wanuogeluk, su ikan su ima pelafunem eilenggen yerisasikhe.

MATIUS 5:1

Afuni hokhorogo wagunem, Yesus eilenggen yerisasikhesik he, punuba lagasikhesik hurek were'ma, it at ane wanhi lagaukwa mene oba wagaukwa.

MARKUS 1:16

Yagaisilik nikhi logolik he, i Galilea yenggele'ma esanggokwe laga logolik, Simon agot Andreas emberek hundik-handigat ikan at wanhi lagaukwa andi nen he, ikan wanuogeluk su ikan su ima pelafunem eilenggen yerisasikhe.

LUKAS 5:1

Inenggi ekhe sambul he, at Yesus i Genesaret yenggele'ma andoma mendek were'ma, afuni mondok hokhorogo Allah ane inesanggo holuogeluk oba andogosi lagaukwa.

YOHANES 21:1

At Yesus nen a'nogo hilingitikhesik oba nen i Tiberias mogoma, at agoromi ane wanhi lagaukwa mene omanogo hobuk inelokhoma menlagaikheat. Inelokhoma menlagaikhe andi, were ebe re, yi'nogo.

YOHANES 6:1

Hobuk he, at Yesus i mogo Galilea, enu ekhe Tiberias agaregat andi aik elikwe wulifikhe.

YOHANES 6:23

hobuk e so hunogoat mene ekhe afuni o enu Tiberias mene nen warik, ninoe Enupogot Yesus nen samban Allah hai warogo nen sumburu roti mene sumburisasikhemo nasukwaba a'nogo wulifukwasik were'ma, ineilenggen hasukwa.

YOSUA 12:3

Andi nen o Yordan Tonggo mo lagai wagarek fikhit andoma inomat, nen i Galilea yenggele'ma andoma nen eila'ma selatan fikhit he o Bet-Yesimot i Laut Mati a'nogoba nen pikhit mo liabi wagarek huli andoma nen, hiling-hiling Tom Pisga a'ma andoma huliba.