MATIUS 15:28 - Allah Wene Fano Wene Hupla Inane

²⁸ A'nogo yagatikhemo, at Yesus nen he, ”He yi nerei e. Haren he, Aren higitnabigin, iluk hendawinggen noba mondok himbiret fegen andi nen he, hendawimo anggegen andi higithogo higithesigin o,” iluk ugu kwelek aremnogoat, eak a'nogo fano agaikhe.

MATIUS 15:28 ပူးပေါင်းရင်းမြစ်များ

AYUB 13:15

An nen nendawinggen mondok warikhi logolik he, a'nogo hilingisigin anggigirik hilingiti lagi. Nen, At Allah nen an pinggi noasigin anggili'lago halok ogore noasuageluk herakfagain, oba nen he an nobabut hilingiti lagi mene faget he, At elokhoma andoma nen ogo nalong palagain.

AYUB 23:10

Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.

MAZMUR 145:19

Aren he it afuni At oba inailorogo welagaikharek mene inoba re, inendawimo agaiyek mene hilingfisigik, iren inane hombuk palhu mene esanggo holhik, inebe telogo fisigik, ikherek.

RATAPAN 3:32

Aren nit ninebe endawit ninaferek mene andi re huli-huli werek lek meneba endawi hundik hilingninafere'ma re, Aren enggin-fenggin ninoba fuluk mene ogore endawitninafu mondok werek.

MATIUS 14:31

Yesus nen enggi fagaisogo menfikhi logolik he, ”Hat hendawinggen eberogoat iluk noba himbiret figi'lek, hendawinggen pire welagen andi nenahalok,” iluk yagatikhesik he,

MATIUS 15:27

A'nogo yagatikhemo, at he a'nogo nen he, ”I Noe. Eberogoat egen meneat he, at amene eisewerek andi sumburu e meja talek oba nunggunem, enggen weagarogo kweangma pikhe halok he, mene andi nen ninggeregaro,” yagatikhe.

MATIUS 8:10

at Yesus esanggo holhikhesik he, afuni at ombo'ne lagaukwa mene omanogo mel yagaisasikhe: ”Eige! Ap yi endawinggen noba eberogoat himbiret fikhe andi hak, it afuni Israel mene ekhe inendawinggen a'nogo himbiret fugunem isigirek lek mene nailo e, iluk eberogoat yagahisigi o.

MATIUS 8:13

A'nogo yagaisasikhesik he, ap tentara mene inoe kain a'nogo mel yagatikhe: ”Hebe lan o. Hat hendawinggen noba himbiret fuluk, hendawimo nen he, Yi'nogo fano higitnesigin iluk anggegen andi hagat hilinglasuago,” iluk yagatu kwelek aremnogoat he, amingmingengge mene a'nogo oba fano asi lagaikhe.

MATIUS 9:22

Enggi fakhasikhemo re, at Yesus nen elokhe hebekhogo eilenggen ambotma kwelakhasikhesik he, mel yagatikhe: ”Na'logo e! Hendawimo hagaiyek ame o. Hendawinggen noba himbiret fegen andi nen fano agen o,” iluk, ugu kwelek aremnogoat he, he a'nogo arat fano agaikhe.

MARKUS 5:34

Yagatikhemo, at Yesus nen he, mel yagatikhe: ”Na'logo e. Hendawinggen noba eberogoat himbiret fegen andi nen fano agen o. Halok he, hendawimo fanorogo lan o,” iluk lakfesikhe.

LUKAS 17:5

A'nogo isikhemo, it agoromi lakfisasikhe mene omanogo nen he: ”Noe e! Ninendawinggen en Allah oba himbiret fogo mene a'nogo wurik asuageluk ekhe inom ninomamet ninabin o,” iluk yagatukwama,

LUKAS 7:50

Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

LUKAS 7:9

Yagatukwama, at Yesus nen he, mel isikhe: ”Ap andi nailo e,” iluk, fogeratikhesik he, elokhe hebekhogo afuni hokhorogo ombo'ne lagaukwa mene omanogo mel yagaisasikhe: ”Ap andi endawinggen an noba himbiret fikhe andi hangge, it afuni Israel mene ekhe inendawinggen a'nogo himbiret fugunem isigirek lek mene nailo e,” iluk isikhe.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.