MATIUS 15:24 - Allah Wene Fano Wene Hupla Inane

²⁴ A'nogo yagatukwama, at Yesus nen he, mel yagaisasikhe: ”Allah nen it afuni Israel mene inebe re, wam domba longgo i lagarek andi hak werek andi nen, it enek isa lan iluk laknobagai wagama o,” iluk yagaisasikhe.

MATIUS 15:24 ပူးပေါင်းရင်းမြစ်များ

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

MATIUS 15:23

at Yesus nen onggo mondok yagati'lek kamo isikhemo re, it ap at ane wanhi lagaukwa mene omanogo wagaukwasik he, ”He yi ninombo'ne waga logolik ane mondok hokho ninoba sagalik weri'logo yi re, wele'ma hela loagen lakfisan o,” iluk yagatukwa.

MATIUS 18:11

An abat ta'lasi wagagi a'nogo re, afuni nong ari'lagwi mene andi heragaisogo telinabigeluk wagagi o.

MATIUS 9:36

A'nogo higirinabik nikhi logolik he, afuni hokhorogo eilenggen yerisasikhesik he, ”Wam domba konharek hak, it yoma koninabu mene legen hesangge sak-pakhogo set kwalogo nikho yoma nendawilage,” iluk endawirinafikhe.

KISAH PARA RASUL 13:46

A'nogo isukwa meneat he, it Paulus Barnabas emberegat inailo lek hogoat logolik he, mel isukwa: ”Allah ane andi hit tak yagahisa hagat yagahisa wago meneat he, hit hinabiren herakfisikhi lagep, hinonggwaregen he, nit nabulal-habulal hilingninabigin he, ninabiro, iluk u hagat ikhi lagep andi nen, nit nineisena Allah nen ninayonggo fikhi logolik yaganisasikhe hagat hilingisugun. Aren: An nen he, afuni endakwe mene selegerinafik, o wurep oba werek mene telinafik, igeluk he, esage ibilik hangge, hit hinebe heragaisogo menhinobagagi o, iluk yaganisasikhe higithogo, hebekhogo it afuni endakwe mene yagaisa logoin o,” iluk yagaisasukwa.

ROMA 15:8

Wene andi faget ekhe yagahisak. At Kristus wagaikhesik he, it inagap inenggalimo mene palek Yahudi mene omanogo inawe a'ma kwisikhe andi. A'nogo kwisikhe andi re, Allah nen he: ”An nen yi'nogo hilinginabigin o,” iluk ninambulak abok yagaisikhi lagaikhe a'nogo eberogoat ebe agik,