MATIUS 15:22 - Allah Wene Fano Wene Hupla Inane

²² Lagai wagunem he, he ekhe o Kanaan andoma awiwerek mene Yesus oba wagaikhesik ane hokhorogo mel yagatikhe: ”Daud en tagongge mene noe. An neak helenggerek mene munggwarengge obabut weak mene endawimo kwikhesik weak werek. Halok he, hendawi nean o,” iluk yagatikhe meneat he,

MATIUS 15:22 ပူးပေါင်းရင်းမြစ်များ

MAZMUR 4:1

Afuni nen wuni wulak fuluk pinggong kecapi watu kwelek inebe seberogo ugunem melalinafarek mene faget Daud awuni yi.

MAZMUR 45:12

Hat heil alili fano mondok andi nen, at raja a'nogo endawi wanhi lagen, at andi re hat hoe hiling'mo re at a'ma sebe in o.

MAZMUR 6:2

Tuhan neisena, Haren he ha'mageba yei noatik, nen helokhe ageba wene noba figik u fugo.

MATIUS 1:1

At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.

MATIUS 15:23

at Yesus nen onggo mondok yagati'lek kamo isikhemo re, it ap at ane wanhi lagaukwa mene omanogo wagaukwasik he, ”He yi ninombo'ne waga logolik ane mondok hokho ninoba sagalik weri'logo yi re, wele'ma hela loagen lakfisan o,” iluk yagatukwa.

MATIUS 17:15

”Noe. An namlogo yi hendawirasin o. Eil furuk fikhi logolik, ebe wa'lagik, eluk agik, hilingiti logolik, hundik-handigat endumo kwigik, i lagik, ikhi logolik weak mondok werek andi nen he,

MATIUS 4:24

A'nogo higirinabik nugunem, abok o Siria andoma mondok sak isikhemo re, yi ou ti ou, yi hat ti hat inoba werek mene inom, munggwarengge obabut weak mene inendawimo kwisukwasik inebe lugulugwi palharek mene inom, wa'lagik ineluk agik agarek mene inom, inenggi ineisok wut warek mene inom, oba woginarek wagunem fano higirinafi lagaikhe.

MATIUS 9:27

At Yesus o andoma nen lagunem ap inebe pire ineilenggen mum mene ombo'ne laga logolik inane hokhorogo mel yagatukwa: ”Ap Daud en tagongge mene noe a! Hendawit ninabin o,” iluk yagatukwa.

LUKAS 17:13

”Yesus noe e! Hendawi nisan o,” iluk inane hokhorogo isukwa.

LUKAS 18:13

at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

LUKAS 6:18

iren at Yesus ane holhik, aren it ou weak mene higirinafik, uageluk he, oba andogosi wagaukwa. A'nogo andogosi wagaukwama, munggwarengge obabut weak mene inendawimo kwisukwasik were'ma inomat fano higirinafikhe.