MATIUS 15:11 - Allah Wene Fano Wene Hupla Inane

¹¹ ”Wene igin yi hit futfobagaigen he, hinesanggo fanorogo holini o. Yi mene ti mene inambe nenggarek mene andi nen inebe weagerinaferek lego. Mene re, inambeba nen wene agarek andibaat weagerinaferego,” iluk yagaisasikhe.

MATIUS 15:11 ပူးပေါင်းရင်းမြစ်များ

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

YESAYA 37:23

Nen haren he andi saba hilingiti lagi iluk halapsiri watik, sebelogo figik, ikhi lagen nogo? An he Israel mene ineisena Allah a'nogo aro, nen Allah namu tegelek welagi mene a'nogo noba hilingiti lagen.

MATIUS 15:10

A'nogo yagaisasikhesik he, hobuk at Yesus nen afuni hokhorogo omanogo wolisasikhemo wagaukwama re, ekhe mel yagaisasikhe:

MATIUS 15:12

A'nogo yagaisasikhemo, at agoromi ane wanhi lagaukwa mene omanogo oba wagaukwasik he, mel yagatukwa: ”Wene yaganisegen a'nogo, it ap Farisi mene nen inesanggo holhasik he, ”At weak ikhe, iluk inabiret hobagaga andi futfisegen a? Lega,” iluk yagatukwa.

MARKUS 7:15

Afuni re, yi mene ti mene inambeba nen inalabutmo pelafarek mene andi nen, weagerinaferek he lego. Wene inendawimo nen kagalogo lagai wagunem agarek mene andi nek he, weagerinaferego.

ROMA 14:14

Yi mene ti mene nenggarek mene andi ebe re, wesa lek, iluk an Tuhan Yesus nemberek hundik logolik nelu o, futfigi. Mene re, at ekhe endawimo nen he: ”Andi mene wesa. Nogoin lego,” iluk anggikhe halok he, at faget he, nogoin legaro.

ROMA 14:20

Hat ninggi lagen mene andiba nen, Allah againafuri aren fano hilingisogo fisasikhe mene weagetfisagun o. Yi mene ti mene fano nogoinat mene re, ninggi logolik at ekhe weagetfegen halok he, hat weagat hilingiten o.

1 TIMOTIUS 4:3

Iren wene ikhi logolik he, Hemi woginabugun mondok lek, igik, Yi mene ti mene nenggarek mene andi, ekhe yi mene wesa. Ninggi logogun lek, igik, ikhi logogun,” iluk, Allah Areagun nen yaganisasikhe higithogo ili'lagwi andi. Meneat he, nenggarek mene andi, Allah nen nit ninendawinggen at oba himbirik logolik, ebe wene andi futfogo halok he, hai warogo ninggi logouwageluk elalhikhe mene faget ili'lagwi andi.

TITUS 1:15

Allah nen afuni ekhe inendawimo fanorinafe mene halok, it faget, yi mene ti mene wesa lek. Fano nego. A'nogo meneat he, it ekhe inendawinggen Allah oba himbiret figi'lek logolik, inendawimo anggili'lagwi mene inom, eberi'lagwi mene inom, weagat werek andi nen, yi mene ti mene faget fano lek. Weak enego.

IBRANI 13:9

A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.