MATIUS 15:10 - Allah Wene Fano Wene Hupla Inane

¹⁰ A'nogo yagaisasikhesik he, hobuk at Yesus nen afuni hokhorogo omanogo wolisasikhemo wagaukwama re, ekhe mel yagaisasikhe:

MATIUS 15:10 ပူးပေါင်းရင်းမြစ်များ

1RAJA-RAJA 22:28

A'nogo yagaisasikhemo, at Mikha nen he, mel yagatikhe: ”Hat noe hebe hambotkwe selek fano wagen halok he, wene an nen yagaheti mene andi re, Tuhan nen yaganete mene re fuk. We, an nendawimo kagalogo yagahetimo iluk enegat asigin o,” iluk yagatikhesik, hobuk afe hebekhogo afuni era'lukwe mendek welagaukwa mene omanogo inoba yagaisikhi logolik he, ”Hit mondogat hinesanggo holek werek kwelek wene yagati andi, hineluat logoino o,” iluk yagaisasikhe.

YESAYA 55:3

Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.

YESAYA 6:9

A'nogo igimo nen aren he againafuri wene yi'nogo yagaisa lano iluk yaganete: ”Hiren An nane ugunem hinesanggo holhi logogun oba nen, futfikhi logogun lek. Nen, hineilenggen hikhi logogun oba nen he ebe yi'nogo asigin mene faget agama iluk futfigi'lek hinonggorat logogun o,” iluk yagaisoageluk yaganete.

MATIUS 13:19

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

MATIUS 15:11

”Wene igin yi hit futfobagaigen he, hinesanggo fanorogo holini o. Yi mene ti mene inambe nenggarek mene andi nen inebe weagerinaferek lego. Mene re, inambeba nen wene agarek andibaat weagerinaferego,” iluk yagaisasikhe.

MATIUS 15:9

Wene afuni inane meneat he, an nen yagaisugu mene hakhogo yagaisili'lagwi andi nen he, we tulemat fogetnabi'lagwi o, iluk isikhemo, Yesaya nen lisu palogo fesikhemo werek andi, hit faget higithogoat isikhe,’ ” iluk yagaisasikhe.

MATIUS 24:15

A'nogo yagaisasikhesik he, hobuk ekhe mel yagaisasikhe: Hiren lisu palek yi enu salhi logolik he, fanorogo futfikhi logoino o. Ap Daniel Allah ane yagaisikhi lagaikhe mene a'nogo nen ikhi logolik, Allah aiba fano hore'ma omanogo menlasi wagunem hineilenggen hambik he,

LUKAS 24:45

Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa.

EFESUS 1:17

Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.