MATIUS 14:8 - Allah Wene Fano Wene Hupla Inane

⁸ A'nogo yagatikhemo, helenggerek andi agaisa nen arat komoratikhemo andi nen he, mel yagatikhe: ”Neisena, at Yohanes ima pelaginaferek mene a'nogo ungguloak palogo re, lemesak oba earogo wo'ne'nogo,” iluk yagatikhe.

MATIUS 14:8 ပူးပေါင်းရင်းမြစ်များ

1RAJA-RAJA 18:13

He Izebel en ap nabi-nabi Tuhan ane yagaisikhi lagaukwa mene inoati lagaikhemo, an nen ap it andi mene inebe 100 mene fena minggilogo 50 nen oumo ekhema hinakfisigik, nen fena 50 nen oumo ekhema hinakfisigik, isigisik, inamburu inom inagai inom wogisikhi lagagi andi haren nabok holhi lagagin lek nogo?

1RAJA-RAJA 18:4

Aren he Izebel en ap nabi-nabi Tuhan ane yagaisikhi lagaukwa mene omanogo inebe mondok inoatunem, at Obaja andi nen he, it ap andi mene inebe 100 mene re, 50 fena minggilogo oumo ekhema hinakfisigik, nen 50 fena oumo ekhema hinakfisigik, isikhesik inamburu inom, inagai inom, wogisikhi lagaikhe.)

1RAJA-RAJA 19:2

A'nogo yagatikhemo esanggo holhikhesik he, ap ekhe ayonggo fesikhesik, ”Haren he Izebel en mel ikhe iluk Elia yagasi lano: Haren ap tugwi kembu Baal ane yagaisagarek mene inoaten andi hak, ohealek o mo ya higit obaat an nen hat hebe hoasigin lek halok he, an neisen allah oba himbirik welagirek mene nen wene noba fembik nebe mondok noasuagaro, iluk yagasi lano o,” iluk isikhemo yagasi lagaikhe.

2 RAJA-RAJA 11:1

He Atalya amlogo Ahazia a'nogo mondok wa'lagaikhemo re at Atalya eilenggen hasikhesik, it afuni Yehuda mene were'ma andoma nen afuni raja Ahazia eisok erokwe werek mene andoma re mondogat inoa'ni o, iluk wene wulafikhe.

EZRA 1:9

Allah faget hilingiti logolik i keralogo nunggu mene mangkok emas mene re 30 nen, perak mene 1.000 nen, ekhe mangkok hunogoat mene 29 nen, mangkok magandek mene emas meneba hilingik mene re 30 nen, perak mene hilingik mene re 410 nen, yi mene ti mene fena ekhe 1.000 nen mene, enu palhigik fesikhe. Yi mene ti mene andi mangkok emas mene inom, perak mene inom, yi mene ti mene fena amu mene mondogat lambukhogo re, 5.400 nen mene wenagaisogo enu palhikhe andi. Yi mene ti mene andi mondogat he, afuni o Yehuda mene inoe gubernur enu Sesbazar a'nogo wogotikhemo, aren afuni Israel mene o Babel woginarek lagaukwama welagaukwa mene omanogo inambotkwe o Yerusalem woginarek waga logolik andoma inomat waluk wagaukwa.

AMSAL 1:16

It he weak hilingiti'legengge yamukhogo logou re inabit. Iren anggagarek he weak-weak ferekhogo nek inoa'lo anggagarek.

AMSAL 29:10

Ap inendawimo ap amep nele werek mene omanogo nen he ap higithogo hilingitarek mene re inabiret fisagarek, oba nen ap fano mene nen kwe palogo ferinarek werek.

MATIUS 14:11

Alonggop tekhogo warogo, ungguloak palek lemesak oba earogo hele silerik a'nogo wogosi wagaukwama re, aren he, agaisa wogosi lagaikhe.

MATIUS 14:7

Endawimo agaiyek agaikhesik Allah enu hombuk palogo helenggerek a'nogo yagati logolik he, ”Haren nena mene kino yaganeten halok, wokhesigin aro. Halok he, ekhe kino yaganom o,” iluk yagatikhe.

MATIUS 14:9

A'nogo yagatikhemo, at kain Herodes a'nogo endawimo weak agaikhe meneat he, ”An nen Allah enu hombuk palogo abok yagatunem afuni hokhorogo pesta isago nouwogeluk andogosi wagaikha mene yoma inesanggo arat holha oma re,” iluk, agoromi nen helenggerek a'nogo nen isikhe higithogoat hilingisogo wogosi loageluk yagaisasikhe.

MARKUS 6:24

Yagatikhemo re, at hele silerik a'nogo wulifikhesik agaisa oba lagaikhesik mel yagatikhe: ”An nen nena mene kino ik,” iluk yagatikhemo re, aren he, mel yagatikhe: ”At Yohanes ima pelaginaferek mene a'nogo unggul palogo wokhesuagen he, kino yaga'no,” iluk yagatikhe.

MARKUS 6:25

A'nogo yagatikhemo re, aremnogoat, at kain enupogot a'nogo oba lagaikhesik he, mel yagatikhe: ”Neisena, at Yohanes ima pelaginaferek mene a'nogo unggul palogo lemesak oba earogo yogondak yaat wo'ne'nogo. An andiat namolo,” iluk yagatikhemo,

MARKUS 6:28

Palhikhesik, ungguloak palek lemesak oba earogo hele silerik a'nogo wogosi wagaikhe. Wogetikhemo aren he, agaisa wogosi lagaikhe.