MATIUS 14:3 - Allah Wene Fano Wene Hupla Inane

^3-5 At Herodes nen Yohanes attagat watikhe andi re, wene yi'nogo. At kain Herodes nen he, agot Filipus agwe Herodias andi telogo wanhikhe andi nen, at Yohanes nen he, Herodes mel yagatikhe: ”He Herodias wanu lek mene wanhen andi, waganek logogin elo'lego,” iluk yagatikhe andi nen he, Yohanes ebe enggi hele warogo re, o inenggi hele warogo fisagarek oba kwelakfesikhesik wasigeluk isikhe meneat he, it afuni nen he, ”Yohanes andi Allah ane yagaisikherek mene,” iluk ikhi lagaukwama re, wasu ailo agaikhe.

MATIUS 14:3 ပူးပေါင်းရင်းမြစ်များ

MATIUS 11:2

At Yohanes ima pelaginafi lagaikhe mene a'nogo enggi hele warek were'ma, afuni nen he, ”Kristus yi'nogo hilingiri'logo,” iluk ugunem esanggo holhikhesik he, at agoromi ane wanhi lagaukwa mene Yesus oba heinok wanuageluk lakfisa wagaikhe.

MATIUS 14:6

Meneat he, o at Herodes andi ebe ta'lagaikheba higit asi wagaikhemo re, pesta hilingiti logolik, at he Herodias eak silerik mene andi, afuni hokhorogo inanggele'ma nen wuni ouwak founalhi logolik hilik-holokhogo watunem he, at kain Herodes andi endawimo agaiyek agaikhe.

MATIUS 4:12

”At Yohanes a'nogo enggi hele wathama,” iluk isukwama, at Yesus esanggo holhikhesik he, o Galilea lagai wagaikhe.

MARKUS 6:14

Yesus agoromi nen a'nogo hilinginabik lagunem he, at Yesus enu afuni o yi awi ti awi andoma inelu agaukwasik abok ugunem, at kain enupogot Herodes esanggo holhikheat. A'nogo ugunem it afuni ekhe nen he, mel ikhi lagaukwa: ”Yohanes ima pelaginafi lagaikhe mene ebe watama wa'laga a'nogo eluk agasik nikho higi. A'nogo eluk agasik andi nen he, hilingisu lek mene elalinat hilingirik nikho andi,” igik,

MARKUS 6:17

A'nogo isikhe andi re, fageat at Herodes nen agot Pilipus agwe enu Herodias andi wanhikhemo re, at Yohanes nen he, mel yagati lagaikhe: ”Haren hagot agwe wanu lek mene wanhen andi waganek logogin elo'lego,” iluk, hobugalep enggali warogo yagati lagaikhe andi nen, aren ap inayonggo fesikhemo Yohanes ebe fakfei lagaukwasik waluk wagaukwasik he, enggi hele warogo o inenggi hele warogo fisagarek oba kwelakfesukwa.

MARKUS 6:19

Kwelakfesukwama were'ma re, at he Herodias nen Yohanes ane yelogo fesikhesik, at Herodes nen wasuageluk endawimo kagalhi lagaikhe meneat he, at Herodes endawimo nen he, mel anggikhi lagaikhe: ”At Yohanes ebe Allah nen lakfei wagaikhemo logolik obabut higit hilingiri'logo,” iluk obabut palogo ebe agaugwerati logolik wasigin elo'lek agaikhemo, ebe elele waganogo fisogo welagaikhe. Fisogo logolik, ane holhi logou amolo nen holhi lagaikhe meneat he, holhi logolik, menenei hokhorogo ebeti lagaikhe.

MARKUS 6:22

A'nogo anggasikhesik, pesta hilingiti logolik seni isago nunggunem, at eak silerik mene kwelakfesikhemo kwisikhesik endawi ouwak foinak lenggakhogo lagagik, pigik, fano mondok watikhemo, at Herodes ebe inom, ap kwisukwa mene omanogo inom, inendawimo inagaiyek agaukwa. Inendawimo inagaiyek agaukwasik at kain enupogot Herodes andi nen he, mel yagatikhe: ”Haren nena mene kino yaganeten halok wokhesigin aro.

MARKUS 8:15

Wulifukwasik he, Yesus nen komorinafi logolik mel yagaisasikhe: ”It ap Farisi mene inom, at Herodes inom, enggen sumburu roti fisuageluk elonggoma pelafarek a'nogo hangge werek andiba weagethinabinogo iluk, hinebe hebelogo logoino,” iluk komorinafikhe.

LUKAS 13:1

Andi sambul he, it afuni ekhe nen Yesus yagati logolik, mel isukwa: ”Afuni Galilea mene Allah anggo waretunem, at Pilatus nen it inamep inom, Allah anggo wareta mene amep inom, misikwe yugulogo inoate o,” iluk yagasi wagaukwa.

LUKAS 13:31

Wene a'nogo oan yagaisugunem, it ap Farisi mene ekhe Yesus oba wagaukwasik he, mel isukwa: ”Ap Herodes nen hoasigeluk ili'logo andi re, o yoma logogun lek. Heise o wele'ma lan,” iluk isukwama,

LUKAS 23:11

Fugunem he, Herodes agoromi tentara mene omanogo inomen, Yesus ebe inendawimo inabiret fuluk, inane asegen hokhorogo wokhikhi lagaukwasik he, su fano mondok kaindek labetarek mene ekhe labetfesukwasik, ambotkwe Pilatus oba lakfei wagaukwa.

LUKAS 23:7

iren he, ”Ap andi, o at kain Herodes nen ferinarek welagarek oba omanogo nen wagasik higi,” iluk isukwama esanggo holhikhesik he, andi sambul, ap kain Herodes a'nogo, o Yerusalem andoma pisikhesik were'ma andi nen he, oba lakfesikhe.

LUKAS 3:1

Ap kain enupogot Kaisar Tiberius andi afuni Roma mene mondogat at enggiba ferinarek 15 tahun werek kwelek andi huliat, ap Pontius Pilatus andi ebe gubernur o Propinsi Yudea welagaikhe. Nen, ap Herodes andi ebe kain logolik, o Galilea tonggwe andoma ferinarek welagaikhe. Nen, ap kain Herodes agot Filipus andi ebe kain logolik he, o Iturea andoma inom, o Trakhonitis andoma inom, ferinarek welagaikhe. Nen, ap Lisanias andi ebe kain logolik, o Abilene andomaat ferinarek welagaikhe.

LUKAS 8:3

nen, ekhe re, he Yohana ap kain Herodes agarek yi mene ti mene enggiba logolik hilingiti lagaikhe mene enu Khuza andi agwe inom, he Susana inom, nen ekhe re, it hemi fena hokhorogoat inom, uang it meneba yi mene ti mene onggo palogo Yesus agoromi inomat leberisilik nikhi lagaukwa.

KISAH PARA RASUL 12:1

A'nogo hilingiti lagaukwa andem sambul he, ap enupogot Herodes nen Allah againafuri mene ekhe weagerinabigeluk isikhe.

KISAH PARA RASUL 4:27

A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.