MATIUS 14:27 - Allah Wene Fano Wene Hupla Inane

²⁷ A'nogo isukwama re, at Yesus nen he, ”Nagoromi, hinailo agubo. An nebeat waga lagi.” iluk yagaisasikhemo re,

MATIUS 14:27 ပူးပေါင်းရင်းမြစ်များ

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 41:14

Tuhan nen ikhi logolik, ”Israel ao, hat he hebe yenggerek logolik, homame lek welagen oba nen he, hailosu fugo. An heisena Tuhan nen hat lebethiikhi logogin o, Allah Israel mene ineisena Mondok Horek mene andi re, hat hagap telhafu mene werego.

YESAYA 41:4

Mondogat andoma re, sa nen hilingiterek nogo? Ap sa nen eroma nen hilinglarik wagaikhe mene andoma faget penogo fikherek nogo? An he Tuhan, Attak mene re Anat, netok mondok werek kwelek enek o wurep kobokhogo andoma ogore Anat logogin.

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

MATIUS 14:28

at Petrus nen he, ”Noe. Hat hebeat halok he, an hoba i agum ebene wesigen he, eme o, iluk yaganom,” iluk yagatikhemo re,

MATIUS 17:7

at Yesus inoba wagaikhesik he, inebe enggi fagisikhi logolik he, ”Hinailo lekhogo menla'ni o,” iluk yagaisasikhemo,

MATIUS 28:10

Fogeratukwama, at Yesus nen he: ”Hinailo agubo. An nagoromi omanogo o Galilea loagen, yagaisa lani o,” iluk yagaisasikhe.

MATIUS 28:5

Nen, at malaikat a'nogo nen it hemi omanogo yagaisikhi logolik he: ”Hinailo agubo. Hit he, Yesus eba menfuluk wata mene a'nogo hineilenggen houwogeluk wagep andi, an nelu o.

MATIUS 9:2

ap ekhe enggi eisok mondok wut warek welagaikhe mene e talek oba wengik werek kwelek yerogo waluk oba wagaukwama, at Yesus nen he, ”It andi inendawinggen an noba himbiret fagasigen waluk wagaikha higi,” iluk, eilenggen enegat isasikhesik he, ap enggi eisok wut warek mene a'nogo mel yagatikhe: ”Namlogo e. Hendawimo hagaiyek ame o. Hat weak hilingiti lagen mene re, an nen sebelogo legetfisigi,” iluk, yagatikhe.

LUKAS 1:13

at malaikat a'nogo nen he, ”Zakharia! Hailo agun o. Hat samban ikhi lagen a'nogo, Allah arat esanggo holhe o. Hagwe Elisabet andi eak abat takhesigin o. Takhete halok he, enu Yohanes salino.

LUKAS 1:30

A'nogo ebeti lagaikhemo, at malaikat a'nogo nen he, ”Maria, nerei e. Hailo agun o. At Allah nen endawit hafesik he, hebe oba liok ikhe o.

LUKAS 12:32

”Halok he, hit Allah againafuri a'luk welagep mene hinebe endebat mene yi, nerugwi nagaila'lage! Allah nen hit at awe a'ma hinobagaigeluk endawimo anggikhesik werek andi re, hinailo agubo.

LUKAS 2:10

Inailo agaukwama re, at malaikat a'nogo nen he, mel yagaisasikhe: ”Hinailo agubo. Yethani, fano wene yi afuni ti afuni o kweangma welagaikharek mene mondogat inendawimo inagaiyek hokhorogo hogoin mene yagahisa wagi o.

LUKAS 5:10

Andi hak, at Simon agaila'lak inom hundik mene Zebedeus againafuri Yakobus Yohanes emberek, a'nogoat inailo agaikhemo re, at Yesus nen Simon mel yagatikhe: ”Hailo agun o. Ikan wanhi lagen andi hak huli yogondagen he, afuni woginabik nikhi logogin o,” iluk yagatikhe.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

YOHANES 6:20

Inailo hokhorogo agaukwama re, at Yesus nen he, mel yagaisasikhe. ”Nagoromi, An nebeat waga lagi. Hinailo agubo,” iluk yagaisasikhemo,

KISAH PARA RASUL 23:11

A'nogo yagaisasikhemo waluk kwisukwama re, o andi sambul hubanggo, Tuhan Yesus Paulus era'lu menlasi kwisikhesik he, mel yagatikhe: ”Haren he, wene an faget o Yerusalem yoma fakhogo yagaisegen andi hak, hobuk o Roma andoma a'nogoat fakhogo yagaisa lagainat andi nen he, hendawinggen hambukhogo logoino o,” iluk yagatikhe.