MATIUS 14:2 - Allah Wene Fano Wene Hupla Inane

² at agoromi mel yagaisasikhe: ”Yohanes ima pelaginafi lagaikhe mene ebe watimo wa'laga a'nogo hobuk eluk agasik andi nen he, hilingisu lek mene elalinat hilingirik nikho andi,” iluk ebe Yesus hilingiti lagaikhe meneat isikhe andi.

MATIUS 14:2 ပူးပေါင်းရင်းမြစ်များ

MATIUS 11:11

Halok he, an nane eberogoat yagahisak. Afuni mondogat inagaisalagen taginabik wagaukwa meneat he, inenu we endep hak werego. Meneat he, at Yohanes ima pelaginaferek mene andi nek he, enu lego werego. A'nogo meneat he, at Allah awe a'ma fisikhere'ma andoma, at Yohanes enu endep hak meneat he, it afuni ekhe inenu lek mene andi re inenu legoat werego.

MATIUS 16:14

iren he, mel isukwa: ”Afuni ekhe nen he At ebe re, Yohanes ima pelaginafi lagaikhe mene a'nogo igik, it ekhe nen he At ebe re Elia igik, it ekhe nen he At ebe re, Yeremia hea, ap Allah ane yagaisikhi lagaukwa mene omanogo ekhe hea, igik, ili'lagwi,” iluk yagatukwa.

MATIUS 3:1

A'nogo hilingitukwasik oba nen he, at Yohanes ima pelaginafi lagaikhe mene a'nogo, o Yudea tonggwe leimo afuni le'ma andoma wagaikhesik wene yagaisikhi logolik, yi'nogo ikhi lagaikhe:

MARKUS 6:14

Yesus agoromi nen a'nogo hilinginabik lagunem he, at Yesus enu afuni o yi awi ti awi andoma inelu agaukwasik abok ugunem, at kain enupogot Herodes esanggo holhikheat. A'nogo ugunem it afuni ekhe nen he, mel ikhi lagaukwa: ”Yohanes ima pelaginafi lagaikhe mene ebe watama wa'laga a'nogo eluk agasik nikho higi. A'nogo eluk agasik andi nen he, hilingisu lek mene elalinat hilingirik nikho andi,” igik,

MARKUS 8:28

iren he, mel yagatukwa: ”Afuni ekhe nen he, At ebe re, Yohanes ima pelaginafi lagaikhe mene a'nogo igik, it ekhe nen he, At ebe re, Elia igik, it ekhe nen he, At ebe re, ap Allah ane yagaisikhi lagaukwa mene omanogo ekhe igik, ili'lagwi,” iluk yagatukwa.

LUKAS 9:7

A'nogo hilingirik nikhi lagaukwama, at Herodes o Galilea tonggwe kain enupogot welagaikhe mene andi, wene andi mondogat esanggo holhikhe. It afuni ekhe nen he: ”Yohanes watama wa'laga a'nogo eluk agasik nikho andi,” iluk ikhi lagaukwa.

YOHANES 10:41

Andoma were'ma, afuni hokhorogoat at oba wagaukwasik he, mel isukwa: ”At Yohanes nen elalin mene ekhe hilingiti lagaikhe mondok lek meneat he, aren ap yi abok ikhi lagaikhe a'nogo ane higit aga o,” iluk isukwasik he,