MATIUS 14:19 - Allah Wene Fano Wene Hupla Inane

¹⁹ Yagaisasikhemo re, wogosi wagaukwama, at Yesus nen afuni hokhorogo omanogo mel yagaisasikhe: Pumbuk ebene andoma hu'larik lani o, iluk yagaisasikhemo hu'larik lagaukwama re, sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liakhasikhesik Allah hai warogo kurogo re, agoromi ane wanhi lagaukwa mene omanogo nen sumburisoageluk he, wogisasikhemo sumburisasukwa.

MATIUS 14:19 ပူးပေါင်းရင်းမြစ်များ

MATIUS 14:18

A'nogo yagatukwama, at Yesus nen he, ”Andemat wo'nesi we'ni o,” iluk yagaisasikhe.

MARKUS 6:39

Yagasi wagaukwama, aren he mel yagaisasikhe: ”Afuni yoma inebe pumbuk muli fanoma aroma enggi palhigik hu'larik loagen yagaisani o,” iluk agoromi yagaisasikhemo re,

MARKUS 6:41

A'nogo arat hu'larik lagaukwama re, at Yesus nen sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liakhasikhesik, Allah hai warogo roti aremnogo kurogo re, agoromi ane wanhi lagaukwa mene nen afuni hokhorogo omanogo sumburisoageluk wogisasikhe. Nen, ikan pire aremnogo a'nogoat it mondogat sumburisoageluk kurogo wogisasikheat.

MARKUS 7:34

A'nogo fesikhesik eilenggen pogoroba liakhasikhesik he, ambenguluk, nit ninaneba: ”Hane inom, hesanggo inom hu'lasuak,” u hak he, it inaneba: ”Efata,” iluk yagatikhe.

LUKAS 22:17

hobuk iwak enggen amusu hinago enggim wanhikhesik he, Allah hai warogo, agoromi wogisikhi logolik, mel yagaisasikhe: ”Anggur enggen amusu yi nambik he, an hobuk ekhe ninggi'lek logombigen, huli, at Allah nen awe a'ma fisagain andi huli, hobuk nagain o. Halok, yi waganogo hinonggwaregen sumburogo naluk lobagaigen iluk wokhisigi o,” iluk yagaisasikhe.

LUKAS 22:19

A'nogo yagaisasikhesik, hobuk sumburu roti mene enggim wanhikhesik he, Allah hai warogo nen ebe kurogo re, agoromi sumburisikhi logolik he, mel yagaisasikhe: ”Yi an nebe aro. [An nebe hit faget noatunem wa'lasigin andi, an noba eberek logobagaigen he, yi'nogoat ninggi logoino,” iluk yagaisasikhemo,

LUKAS 24:30

Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe.

LUKAS 9:14

afuni inebe ap enek he, 5.000 hangge weregen isukwa. A'nogo yagatukwama, at Yesus nen agoromi omanogo yagaisikhi logolik he, ”It andoma inebe 50 nen andogorik loagen, yagaisani,” iluk yagaisasikhe.

LUKAS 9:16

Arat hu'larik lagaukwama re, at Yesus nen sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liak hasikhesik, Allah hai warogo re, sumburu inom, ikan inom, aremnogo kurogo, at agoromi omanogo nen afuni hokhorogo omanogo sumburisoageluk he, wogisasikhe.

YOHANES 11:41

iren helep a'nogo lenggakhogo lakfesukwama re, Yesus eilenggen pogoroba liakhasikhesik he, mel isikhe: ”Allah neisena. An nane hesanggo holhen andi nen he, hai wathafi lagi o.

YOHANES 6:23

hobuk e so hunogoat mene ekhe afuni o enu Tiberias mene nen warik, ninoe Enupogot Yesus nen samban Allah hai warogo nen sumburu roti mene sumburisasikhemo nasukwaba a'nogo wulifukwasik were'ma, ineilenggen hasukwa.

KISAH PARA RASUL 27:35

A'nogo yagaisasikhesik, sumburu roti mene ekhe enggim wanhikhesik he, it mondogat ineilhanem Allah hai warogo, at tak kurogo nasikhe.

ROMA 14:6

It ekhe nen he: ”O yogondak yi sambul enek he, yi mene ti mene hilingisugun lek,” iluk agarek mene andi, At Tuhan fagerat anggagarego. Nen, it ekhe yi mene ti mene hesanggeat nenggarek mene andi re, At Tuhan fagerat ninggi logolik he, Allah hai watarek andi. Nen, it nenggarek lek mene andi, At Tuhan fagerat ninggi'lek logolik he, Allah hai wataregat andi.

1 KORINTUS 10:16

Amusu ninggi logolik Allah hai warogo ninggi lago andi re, Kristus amep wulagaisogo watukwa andi ninom hundik welago iluk ninggi lago lek nogo? Nen, sumburu kurogo ninggi lago andi re, Kristus ebe ninom hundik logolik ninebe misigat welago, iluk, kurogo ninggi lago lek nogo?

1 KORINTUS 10:31

an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.

1 KORINTUS 11:24

Ninoe Enupogot Yesus ap inobabut weak mene nen wasuageluk, ap ekhe nen hubanggo yonggo lagaikhe andi sambul, at Yesus nen he, sumburu roti mene enggim wanhikhesik he, Allah hai warogo re, enggi nen kurogo fesikhesik he mel yagaisasikhe: ”Sumburu yi an nebe aro. An hit fagerat noasugun andi, noba eberek logobagaigen he, yi'nogoat hilingiti logoino,” iluk agoromi wogisasikhe.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.