MATIUS 13:8 - Allah Wene Fano Wene Hupla Inane

⁸ Nen, enggen ekhe kweang fanoma pilik lagaikhe mene re, fulelhikhesik ebe hokho agaikhesik enggen hokhorogo itikhe. Ero ekhe enggen 100 nen itikhe. Ero ekhe enggen 60 nen itikhe. Nen, ero ekhe enggen 30 nen itikhe.

MATIUS 13:8 ပူးပေါင်းရင်းမြစ်များ

KEJADIAN 26:12

At Ishak en o andoma yabu wanhikhesik enggen awi feik lakfesikhemo At Tuhan nen enggen awi a'nogo fanot fugunem tahun andiba enggen itikhe re yatikhe mene a'nogo we endebat oba nen, we ekhe inom sik-pik arik laga logolik altap 100 nen mangorogo ekhe inom itikhe.

MATIUS 13:23

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

MATIUS 13:7

Nen, enggen ekhe panggi were'ma pilik lagaikhe mene re, panggi andi mene hokho aga logolik he, awi fano mene yago a'nogo palogo pelafikhemo khanggil agaikhe.

MARKUS 4:20

Nen, awi feik ekhe kweang muli fanoma lakfesikhe andi ebe re, it afuni ekhe Allah ane andi inesanggo holiluk wanharesik he, wene andi inendawimo enggen iterego. Ero ekhe nen enggen 30 itik, ero ekhe nen enggen 60 itik, ero ekhe nen enggen 100 itik, iterek andi aro,” iluk yagaisasikhe.

MARKUS 4:8

Nen, enggen ekhe re, kweang muli fanoma pilik lagaikhe mene re, fulelhikhesik ebe hokho agaikhesik he, enggen itikhe. Ero ekhe enggen 30 nen itikhe. Ero ekhe enggen 60 nen itikhe. Ero ekhe enggen 100 nen itikhe,” iluk yagaisasikhesik he,

LUKAS 8:15

Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

LUKAS 8:8

Nen, fena re, kweang fanoma pisikhe mene re, fulelhikhesik he, hokho agaikhesik, ero lombok enggen 100 nen higik irik lagaikhe,” iluk yagaisasikhe. A'nogo yagaisasikhesik ane hokhorogoat ikhi logolik he, ”Hinesanggo holugun halok he, furogo holini o,” iluk yagaisasikhe.

YOHANES 15:8

Hit hinenggen hokhorogo isu hak fano mene hokhorogo hilingisugun halok, afuni nen an neisena fogerasugun o. Hit hinebe nagoromi ebe mene nane wanhi lagep mene logolik, a'nogoat hilingiti logogun o,” iluk yagaisasikhe.

ROMA 7:18

Higithogo hilingisigeluk namolo anggigirek meneat he, ebe an nen hilingisigin he, elo'lego. Andi re, an nobabut he, fano mene ekhe hilingitirek fuk. We, nobabut afuni inobabut mene netogat logolik hilingiti lagi, iluk nelu o.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.