MATIUS 13:54 - Allah Wene Fano Wene Hupla Inane

⁵⁴ at onggwarek aiba eroba lagaikhesik, o afuni Yahudi mene samban agarek oba kwisikhesik wene yagaisugunem it afuni inesanggo holhukwa mene nen he, mel isukwa: ”Egi! Nailo e. Ap yi endawimo mondok kagalek andi, wene ka nen yanggulhesik waga. Nen, yi wene ti wene elalinat hilingirik nikho andi, koma nen yanggulhesik hilingirik nikho.

MATIUS 13:54 ပူးပေါင်းရင်းမြစ်များ

MAZMUR 22:22

An he nomame lek welagimo re no kambing andimuk hanggeba inom, singa aik werelek kabuk hanggeba inom, noasuogoluk ili'lagwi mene andomaba nentelnabime o.

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 7:28

Yesus nen wene a'nogo ilik waga lagaikhesik wene wurep kofokhogo isikhemo re, it afuni hokhorogo omanogo nen he, ”Egi! Wene ikhe andi, it ap Allah ane lisu palek eisewerek mene nen yaganisagarek hangge ili'logo lego. We, aren he, wene ebe eisewerek mene nen u hak ikhe andi, nailo e!” iluk fogeratukwa.

LUKAS 2:47

A'nogo ikhi logolik, iren heinok wanhunem, at wene mondok elu logolik onggo yagaisasikhe andi nen he, it ap andogorek welagaukwa mene omanogo mondogat ane inesanggo holhukwasik he, ”Eigi, nailo e!” iluk fogeratukwa.

YOHANES 1:11

At onggwarek awiba wagaikhe meneat he, at oe agoren ebe wanhi'lek herakfisasukwa.

KISAH PARA RASUL 13:46

A'nogo isukwa meneat he, it Paulus Barnabas emberegat inailo lek hogoat logolik he, mel isukwa: ”Allah ane andi hit tak yagahisa hagat yagahisa wago meneat he, hit hinabiren herakfisikhi lagep, hinonggwaregen he, nit nabulal-habulal hilingninabigin he, ninabiro, iluk u hagat ikhi lagep andi nen, nit nineisena Allah nen ninayonggo fikhi logolik yaganisasikhe hagat hilingisugun. Aren: An nen he, afuni endakwe mene selegerinafik, o wurep oba werek mene telinafik, igeluk he, esage ibilik hangge, hit hinebe heragaisogo menhinobagagi o, iluk yaganisasikhe higithogo, hebekhogo it afuni endakwe mene yagaisa logoin o,” iluk yagaisasukwa.

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

1 SAMUEL 10:11

A'nogo watukwama, it afuni at Saul obabut inelu mene nen obabut enegat palhukwasik he, it-it mel isukwa: ”Ap Kish amlogo ari obabut yogondak ninggi'nogo hilinglaga anggegep? At ebe Allah ane yagaisikherek mene hilinglaga nogo?” iluk it ekhe nen ekhe inoba heinok wogisigik, isukwa.