MATIUS 13:52 - Allah Wene Fano Wene Hupla Inane

⁵² A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

MATIUS 13:52 ပူးပေါင်းရင်းမြစ်များ

EZRA 7:10

At Ezra a'nogo re Tuhan Allah awene melalek a'nogoba fi-furogo kumuthigik, wene melalek a'nogo ebe hilingitik, yi'nogo ti'nogo hilingi'no iluk werek mene omanogo afuni inunggulenu Israel mene a'nogo yagaisigik ikhi logogin iluk endawinggen ma nen we misik tukumet fuluk furogo hilingiti lagaikhe.

EZRA 7:21

Nen, hit o propinsi Efrat barat fikhit welagep mene nen uang kerajaan mene halhi lagep mene omanogo hinoba yagahisikhi lagi andi. Ap Ezra Allah Pogoroba mene awene melalek mondok elu-pelu agun andi nen yi mene ti mene kino yagahisugu halok he, weak-weakhogo nek wogeti logoino;

EZRA 7:6

Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.

AMSAL 11:30

Ap fano hilingitarek mene re ineluk fanorogo halogo fakhaluk logogun, ap hebelek mene ombo'ne re ekhe inomat hokho aga logogun.

AMSAL 15:7

Ap inendawinggen kagalek mene nen komorinafunem he yi wene ti wene inelu mondok agarek, meneat he, it inobabut kembu mene nen a'nogo ekhe wenggelharek lek.

AMSAL 18:4

Ap inambelema nen inane wulabi wagaikharek andi re i mogo woluelerogo yenggelek andi inom higit, oba nen he endawinggen wenggelek mene andi re i elesi wulibisogo lagarek andi higit werek.

KIDUNG AGUNG 7:13

E ara amben he mondok sang-pang ili'lago, nit ninawi solombonma andoma re enggen enduk mondok fano mene werek; ket taganogo faga mene inom attak palha mene inom, weregat; Andoma mondogat he an nendawinggen hundik mene andi faget figimo werek.

MATIUS 12:35

Afuni inobabut fano mene re, inendawimo fano mene peterek logolik, kagalogo lagai wagunem he, wene fano meneat wulabi wagaikharego. Mene re, afuni inobabut weak mene, inendawimo weak mene peterek logolik, kagalogo lagai wagunem he, wene weak meneat wulabi wagaikharego.

MATIUS 13:51

A'nogo yagaisasikhesik he, ekhe mel yagaisasikhe: ”Wene andi arat futfegeba? Lega,” iluk yagaisasikhemo re, iren he, ”I o. Futfogoaro,” iluk yagatukwa.

MATIUS 13:53

At Yesus nen wene oba lirogo arat yagaisasikhesik he o andoma herakfisaluk,

MATIUS 23:34

Halok hinesanggo fanorogo holini. An nen ap Allah ane yagaisagarek mene inom, inendawimo kagalek mene inom, Allah ane lisu palek eisewerek mene inom, lakfisa wesigin mene andi, hiren fena eba menfisaluk inoatik, fena o hit samban ikhi lagep kwe kuluk yei wiik-weakhogo inoatik, fena mugusogo-magaisogo o kota ekhema-ekhema lakfisigik, hilinginabugun o.

MATIUS 28:19

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.

LUKAS 11:49

A'nogo hilingiti lagep andi nen, at Allah endawimo kagalek mondok a'nogo nen ikhi logolik, An nen he, it ap an nane yagaisagarek mene inom, inayonggo fuluk lakfisa wagirek mene inom, it afuni ekhe inoba lakfisa wagunem he, iren inebe fena inoatik, fena yi enggin ti enggin hilinginafik, ugun o, iluk isikhe higithogoat,

YOHANES 13:34

A'nogo yagaisasikhesik, wene ekhe mel yagaisasikhe: ”Hiren hilingiti logogun mene wene ket mene ekhe yagahisak: An nen hit nendawirogo welagirek andi hak, hiren a'nogoat, hit-hit nendawi-hendawirogo hilingiti logoino o.

2 KORINTUS 6:10

Ninendawinggen weak logoligat he, ninagaiyek hikhi logolik welago. Yi mene ti mene ninenggim lek meneat he, afuni hokhorogoat ebe mene ineilmo werek asuageluk hilingfisikhi lago. Ninagarek mondok lek meneat he, ebe mene mondogat eise agosik welago.

EFESUS 3:4

Hiren wene andi enu salhi logolik he, ”Wene Kristus faget hinago welagaikhe mene andi, at Paulus elu agasik werego,” iluk enegat futfogoin andi.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

KOLOSE 1:7

Fano wene andi, at Epafras ninagailak ninendawi mene nen yagahisugunem yanggulhigip andi. At ebere, Allah amingmingengge nit ninom higirat logolik, Kristus nen ayonggo fuluk, lakfei wagaikhemo, niren yagahisa hak ninobali'mo obabut humbunhogo logolik yagahisili'logo andi.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

1 TIMOTIUS 3:6

Ap ekhe Allah ane oan kerat wanhe mene menfugunem, Allah againafuri kwelaginarek logolik, onggwaregen fogerakhamo re, Allah nen Iblis unggum wogetikhe hak, a'nogoat wene oba fagain andi nen he, Allah againafuri kwelaginarek logouwageluk menfogoin lego.

TITUS 1:9

Wene afuni fanorinaferek wene yagaisikhi logolik fanorogo komorinafik, aren ebe wene ugunem, it ekhe nen, at ane sebelogo fugunem, aren inane elok sebelogo fisigik, elogat ikhi logouwageluk, wene niren yagatugumo eberogoat iluk wanhikhesik, obabut higithogoat ninghogo fisogo welagarek mene halok menfisogoin o.