MATIUS 13:39 - Allah Wene Fano Wene Hupla Inane

³⁹ At ap yabu eisewerek emberek weak logolik, awi weak mene yatikhe andi ebe re, at Iblis andi aro. Enggen palugun higit andi ebe re, o wurep oba fageraro. Nen, it ap enggen palharek mene andi ebe re, it malaikat Allah pogoroba nen yonggo pelakfisa wagarek mene andi aro.

MATIUS 13:39 ပူးပေါင်းရင်းမြစ်များ

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

YOEL 3:13

It afuni andoma inobabut weak mondok hokhorogo hilingiri'lagwi andi nen he, awi yago mene enggen arat wurik agunem palharek andi hak, karok waluk lambik inoasi lan o. Nen, anggur enggen sagalharek oba sagalhunem, amusu keralogo ambem hetok ikherek andi hak, inebe wulil tagalogo inoa'no o.

MATIUS 12:32

Sa nen an abat ta'lasi wagagi a'nogo endawimo sebelnobagaluk nabok ekhe weak palhu halok he, weak hilingisigin mene andi Allah nen elok sebelogo legetfisagain meneat he, Allah Areagun andi endawimo sebelfuluk abok weak palhu halok he, weak hilingisigin mene andi, Allah nen yogondak inom, o wurep oba arat hilinglasigin oba nen logogun oba inom, sebelogo legetfisagain mondok lego,” iluk yagaisasikhe.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MATIUS 13:25

A'nogo yatikhe meneat he, it afuni nogo ugu kwelek he, ap ekhe ap awi yatikhe mene andi emberek weak mene wagaikhesik he, gandum awi fano mene yatikhe a'nogo anggele'ma awi weak mene yakfilik lagaikhe.

MATIUS 13:28

aren he, ”Lego. Andi, at ap nemberek weak mene a'nogo nen yatemo higi o,” iluk yagaisasikhemo re, it amingmingengge mene omanogo nen he, ”Halok he, henegeisogo misi'mo fembik wulakfisa logoin anggegen a?” iluk yagatukwama,

MATIUS 13:40

Nen, it afuni nen engga weak mene andogorogo fuluk endu nolharek andi hak, o wurep oba a'nogoat hilingisigin o.

MATIUS 13:49

o wurep oba a'nogo hilinglasigin o. It malaikat Allah pogoroba nen yonggo pelakfisa wagarek mene omanogo wesimbik he, afuni inobabut weak mene omanogo it afuni Allah endawimo anggikherek mene higithogo nek hilingitarek mene inom misikwe were'ma inanggele'ma nen kigilogo wulakfisaluk,

MATIUS 24:3

A'nogo yagaisasikhesik he, punu Zaitun oba lagasikhesik hurek were'ma, at ane wanhi lagaukwa mene omanogo oba wagaukwasik inalegenek logolik he, mel yagatukwa: ”Haren yaganisegen a'nogo re, mera nen hilinglasigin. Hat hebe wagik, o wurep oba hilinglagik, igeluk ugu kwelek he, ki mene tak hilinglagunem nit ninendawinggen wenggelasigin. Wene furogo yaganisan o,” iluk yagatukwama,

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

1 KORINTUS 10:11

It a'nogo hilinginafikhemo inoba hilinglagaikhe andi mondogat he, it afuni ekhe futfikhi logouwagelugat hilinglagaikhe. A'nogo hilinginafikhe iluk lisu palogo fesukwa andi, nit yogondak o wurep oba asi wago mene yi, komorikhi logouwagelugat lisu palogo fesukwa.

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

2 KORINTUS 2:17

It afuni ekhe inebe hokhorogoaren he, yi mene ti mene onggo ha awarik lagaikharek hak, Allah ane a'nogoat waluk lagaikharek. Meneat he, nit enek he, a'nogo lek. We, Allah nen, at ane waluk loageluk ninayonggo fesikhe andi nen, at eilhanemat ninendawinggen misigat Kristus ninom hundigat logolik, yagaisilik laga lago o.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

IBRANI 1:2

Meneat he, o wurep oba, nit yogondak welago yaba re, Allah nen wene andi amlogo yagatikhemo, aren nit yaganisa wagaikhe. Amlogo andi re, eroba Allah nen yi mene ti mene mondogat elalhikhe andi, ebe at amlogo nenat elalhikhemo, eisewerek logouwageluk menfesikhemo welagarek andi.

IBRANI 9:26

Aren he, it attak hilingiti lagaukwa andi hak hilingi'lepma re, kweang elalhikhe huli nen pikhit yogondak huli, enggi hobugalep yi enggin ti enggin hikhi logolik wa'laga logoilep. A'nogo meneat he, o wurep oba nit weak hilingitorek mene legetfisageluk enggi misigam fagerat wam Allah faget waresu hak, onggwarek ebe wa'lasi wagaikhe andi.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.

WAHYU 13:14

A'nogo ekhe hilingiti laga andi, at mene olomene hangge hokho attak mene a'nogo nen, elalin mene at eilhanem hilingiti logouwageluk eisewerek fikhe mene a'nogo ebe hilingiti logolik, afuni kweangma welagaikharek mene eranenat lalinafi laga. A'nogo lalinafi logolik, it afuni omanogo nen, mene olo mene hangge hokho karok oba watukwama ebe wa'lasu hak mene ambotkwe fano agaikhe mene a'nogo ebe hangge hilingisogo ilirengge ekhe wusuageluk yagaisasikhemo ebe wutama yethigi.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.