MATIUS 13:31 - Allah Wene Fano Wene Hupla Inane

^31-32 At Yesus nen a'nogo yagaisasikhesik he, hobuk wene ekhe oba lirogo mel yagaisasikhe: ”At Allah nen awe a'ma fisikherek andi ebe re, kibi-kibi enggen hangge o. Ap ekhe nen kibi-kibi eabumo feik lakfesikhe. Yi mene ti mene awi andi endebat meneat he, kibi-kibi awi andi nek he, mondok endebat hago. Mene re, kibi, wundat inom, ekhe mene inom, fulelheresik he, obakhe endebat hak lagaikherek. Meneat he, kibi-kibi awi andi nek he, mondok hokhoat lagaikheresik e hangge hilinglagunem he, sue tarogo nikherek mene we'luk he, kibi-kibi andi enggibene awi wusi wagarek andi hangge aro,” iluk yagaisasikhe.

MATIUS 13:31 ပူးပေါင်းရင်းမြစ်များ

YEHEZKIEL 47:5

Andi nen hobuk ekhe inomat 500 meter en hakhogoat ilirengget hikhemo nen he aren ilirengge walhikheba andem he, i mondogat elonggoma asi pikhi logolik ineisogen sebelu re mondok elo'lek hilinglaga. Ma re ap i palogo wulibi logoin anggikhi logolik halok he, i kume wulibi la nek he higit welaga.

MATIUS 13:24

At Yesus nen wene a'nogo yagaisasikhesik he, wene ekhe oba lirogo mel yagaisasikhe: ”Allah nen awe a'ma fisikhere'ma andi ebe re, ap ekhe awi fano mene yatikhe andi hangge aro.

MATIUS 17:20

at Yesus nen he, ”Hit hinendawinggen furogo noba himbiret fikhi lagep lek andi nen o. Kibi-kibi enggen magenggelak mene feik lakfagarek andi hak, hinendawinggen an noba endebat enek himbiret fembik he, tom ari yagati logolik, Aroma nen higilogo ekhema andoma asi lan o, iluk yagasugun halok he, andoma nen ekhema andoma asi lagain aro. Hiren yi mene ti mene hilingisumo re, ekhe elok legagi'lek fano nek asigin, iluk eberogoat yagahisigi. Mene re, munggwarengge obabut weak mene yi hangge inendawimo were'ma re, sumburu ninggi'lek samban umo nek he, elok henegeisogo wulibigin o,” iluk yagaisasikhe.

LUKAS 17:6

at ninoe Enupogoren he: ”Kibi-kibi magenggelak mene feik lakfagarek andi hak, hit hinendawinggen an noba endebat enek himbiret fuluk he, hiren, e yi yoma nen sanokhogo re, i laut hokho yenggele'ma a'lima ya'lasi lan, iluk yagasugun halok he, hinane esanggo holigin aro,” iluk yagaisasikhe.

LUKAS 19:11

At Yesus nen a'nogo yagaisasikhesik, inesanggo holek werek kwelegat, o Yerusalem arat horokhogo asi lagaukwasigen he, it afuni omanogo inendawimo nen mel anggasukwa: ”Allah nen awe a'ma inobagagin andi yogondak yaat ninobagagunem nineilenggen hogoin o,” iluk inendawimo anggasukwa andi nen he, at Yesus nen wene ekhe oba lirogo mel yagaisasikhe:

LUKAS 20:9

At Yesus nen a'nogo yagaisasikhesik he, hobuk afuni omanogo wene ekhe oba lirogo mel yagaisasikhe: ”Ap ekhe eabumo anggur awi yatikhe. Yakfuluk he, ap ekhe kagalek logouwageluk fisaluk he, o yatmaat lambik enggi ekhe inomat logombigen wesigeluk lagaikhe.