MATIUS 13:23 - Allah Wene Fano Wene Hupla Inane

²³ Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

MATIUS 13:23 ပူးပေါင်းရင်းမြစ်များ

YEHEZKIEL 18:31

Hiren weak hilingiti lagep mene andoma mondogat palfeni o, palfuluk he hinendawinggen wenggelhu mene inom, menenei ebetu mene inom he ket mene asuak. Nenahalok hinaweak onggo hinebe wa'lasugun nogo?

YEHEZKIEL 36:26

A'nogo sobalhinabimbik An nen hinendawinggen ket mene wokhisigik, wenggelhu mene ket mene woghisigik, igin. Nen hinendwinggen helep hak omamerek welagep mene andoma re An nen agamhogo hinendawinggen fano sakhorek mene wokhisagain.

MATIUS 12:33

A'nogo yagaisasikhesik ekhe mel yagaisasikhe: ”E ero fano mene nen enggen fano meneat iterek. Nen, ero weak mene andi, enggen weak meneat iterek. A'nogo iterek andiba, e enggen yi fano mene enggen igik, yi weak mene enggen igik, enegat futfikhi lagebo.

MATIUS 13:8

Nen, enggen ekhe kweang fanoma pilik lagaikhe mene re, fulelhikhesik ebe hokho agaikhesik enggen hokhorogo itikhe. Ero ekhe enggen 100 nen itikhe. Ero ekhe enggen 60 nen itikhe. Nen, ero ekhe enggen 30 nen itikhe.

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

MATIUS 3:8

Halok he, hinendawimo ebetfuluk, weak hilingiti lagep mene andi herakfisaluk, hinobabut hebela'luk hilingisu meneat higithogo hilingiti logoino o.

MARKUS 10:15

Sa nen, yenggerugwi magendek mene Allah nen awe a'ma fisikherek wene andi waluk kwagarek andi hak kwigi'lek halok he, kwigin mondok lego, iluk eberogoat yagahisigi,” iluk yagaisasikhe.

MARKUS 4:20

Nen, awi feik ekhe kweang muli fanoma lakfesikhe andi ebe re, it afuni ekhe Allah ane andi inesanggo holiluk wanharesik he, wene andi inendawimo enggen iterego. Ero ekhe nen enggen 30 itik, ero ekhe nen enggen 60 itik, ero ekhe nen enggen 100 itik, iterek andi aro,” iluk yagaisasikhe.

LUKAS 13:9

A'nogo hilingitunem, tahun ekhe hobuk meneba ebe ite halok he, fano. Nen iti'lek halok he, haren, mugisogo lakfisano o, iluk yagane'no, iluk yagatikhe” iluk Yesus nen it afuni omanogo yagaisasikhe.

LUKAS 8:15

Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

LUKAS 8:8

Nen, fena re, kweang fanoma pisikhe mene re, fulelhikhesik he, hokho agaikhesik, ero lombok enggen 100 nen higik irik lagaikhe,” iluk yagaisasikhe. A'nogo yagaisasikhesik ane hokhorogoat ikhi logolik he, ”Hinesanggo holugun halok he, furogo holini o,” iluk yagaisasikhe.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 8:47

Ap sa nen ebe Allah mene halok, Allah ane andi esanggo holherek meneat he, hit he, hinebe Allah mene fuk. Hunogoat mene andi nen he, at ane hinesanggo holu hinabit andi o,” iluk yagaisasikhe.

KISAH PARA RASUL 16:14

Hemi wene yagaisasugu mene andi, he ekhe aiba o Tiatira mene. Su kain elokhonggen e enggen warek hangge mene it ekhe inoba onggo hokhoat wanhi lagaikhe mene, enu Lidia andi nen Allah ane wanhikhesik Yahudi mene hangge were'ma, wene Paulus nen ugunem fano wanuageluk, Tuhan endawimo kagalhikhemo, wanhikhe.

KISAH PARA RASUL 17:11

It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.

2 KORINTUS 9:10

At Allah nen it awi yatarek mene awi wogisigik, sumburu ebe noageluk wogisigik, ikherek andi. A'nogoat, arenat afuni awi yasuageluk palisagarek hak, hinobabut it ekhe leberisikhi logogun andi mene wokhisigik, nen awi yatunem enggen hokhorogo isu hak, it ekhe hinendawi nen leberisugunem hokhotfigik, igin o.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

FILIPI 4:17

Mene re, a'nogo lebetniikhi lagep meneat he, laknobagai wagunem wanhu mene andi faget esinet fikhi lagi fuk. We, hit onggo hela hak he, Allah nen ebe mene wokhisugunem hit eisewerek asubagaigeluk esinet fikhi lagi o.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

2 TESALONIKA 2:10

A'nogo hilingiti logolik he, ebe wene andi afuni inamolo nen wanumo Allah nen telinabu meneat he, at obabut weak mene a'nogo nen lalfalhogo hilinginafunem, iren he: ”Ebe wene andi ninabiro,” iluk, ikhi logogun andiba weagerinabigino.

IBRANI 4:2

Wene fano wene andi it attak yagaisasikhe andi hagat, nit a'nogo yaganisasikheat. Mene re, wene yagaisasikhe mene andi, it inesanggo holhukwasigat he, futfigi'lek hilingiti lagaukwa andiba, wene andi it faget he, elo'lek agaikhe andi.

IBRANI 6:7

Allah nen hundik-handik o meiso kweangma pelabi wagunem he, kweang fano sakho ugunem afuni nen yabu waganogo yi mene ti mene awi yatarek mene nen ebe fano nunggunem he, Allah nen, ”Kweang andi fano,” iluk fanot fikheregaro.

IBRANI 8:10

Hobuk afuni Israel mene wene ket mene warogo woginabigin iluk igi andi, ebe yiaro: An nen wene komorinafirek wene andi inendawimo eberek mondok logouwageluk wogisigik, inendawinggenma lisu palogo fisigik, iluk he, an it ineisena logogin. Nen, it an nagainafuriat logogun o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.