MATIUS 13:21 - Allah Wene Fano Wene Hupla Inane

²¹ wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

MATIUS 13:21 ပူးပေါင်းရင်းမြစ်များ

AYUB 19:28

Hiren he, Niren ninggi'nogo wene halogo oba fogoin he, iluk egep andi nen an nendawinggen mondok weak aga o. Hiren wene pilingisugun iluk wene ero herati lagep andi.

MAZMUR 36:3

Aren anggikhi loglik he an enek he nalong werek nagun welagi anggikherek, andiba re aren aweak hilingiterek mene a'nogo oba ebeterek lek, nen at aweak faget abit anggikherek legat.

AMSAL 12:12

It ap weak mene andi re it ekhe weak hilingitu mene inoba nen saburogoin iluk hilingitarek, oba nen he ap fano mene halok he e enggen iterek agayo higit werek.

AMSAL 12:3

Ap misik ekhe aweak hilingiterek mene a'nogoba femhogo welagarek mene ekhe werek lek, oba nen he ap ekhe eberogo anggikherek mene re taloti'lek abolo'lek logogin.

HOSEA 6:4

Oba nen he Tuhan nen ikhi logolik, ”Hit afuni Israel mene inom, Yehuda mene inom, hinobaget he An nen ninggi'nogo mene hilinghinabigin nogo? Hiren An hinendawitnafi lagep andi re, o hubet werek kwelegat ohena inom, lilengge inom, weak-weagat lek agarek andi hak legari'lago.

MATIUS 10:22

Nen, afuni mondogaren an nenu iluk, hit he, at agoromi iluk inabiret hinobagakhi logogun o. Meneat he, sa nen afe morogo logogin halok he, o wurep oba Allah nen teligin o.

MATIUS 11:6

Nen, hiren an hilingiti lagi mene andoma hinabiret nobakhi lagep lek halok he, hinendawimo hinagaiyek hikhi logogun o. iluk yagasi lani o,” iluk lakfisasikhe.

MATIUS 13:20

Nen, awi feik ekhe helep oba lakfesikhe andi ebe re, it afuni ekhe Allah ane andi inesanggo holharesik he, inendawimo inagaiyek hikhi logolik weak-weagat wanharesigenat he,

MATIUS 13:57

Inabiret fesukwama re, at Yesus nen he, mel yagaisasikhe: ”It ap Allah ane yagaisagarek mene andi re, o yi awi ti awi lagunem, afuni ekhe nen mondok agaukhogo fogerinafarek meneat he, inonggwarek inaiba eroma lagunem inogogwi inagoromi inom misi'mo welagaikharek mene nen he, agaukhogo yagaisagarek lego,” iluk yagaisasikhe.

MATIUS 13:6

Meneat he, o mo lakfei wagaikhemo, omanggen yati'legen, sawet agaikhesik pugagaikhe.

MATIUS 24:13

Meneat he, sa nen afe morogo mondok logogin halok he, o wurep oba Allah nen teligin o.

MATIUS 26:31

Punu Zaitun oba lagasukwasik, at Yesus nen agoromi yagaisikhi logolik, ”At Allah nen, At ap wam domba kwalogo welagarek mene andi ebe An nen watunem he, anggo misi'mo andogorek welagarek mene andoma re, heise pugulugun o, iluk isikhemo, lisu palogo fesukwama werek andi nen, yogondak hubanggo yi, hit mondogat an heraknobagaluk heise pugulugun o.

MATIUS 26:33

at Petrus nen he, ”It mondogat herakhobagaluk pugulha halok an enek he, herakhobagaluk heise wulibigin mondok lego,” iluk yagatikhemo,

MARKUS 4:17

A'nogo weak-weagat wanharek meneat he, wene andi inendawinggenma omanggen yati'legen endebat were'ma nen, afuni ekhe nen Allah ane andi faget, yi enggin ti enggin inoba figik, weagerinafik, ugunem he, inendawimo fageat pugagaikharesik he, wene andi herakfisaluk wulifarek andi aro.

LUKAS 8:13

Nen, helep oba pisikhe mene andi ebe re, it afuni ekhe Allah ane andi inesanggo holharesik he, inendawimo agaiyek hikhi logolik wanharesigat he, inendawinggenma omanggen yati'legen eberogoat iluk endebat enek anggaluk were'ma, weak hilingisuageluk inendawimo kagali wagunem he, arat kobokhogo herakfisaluk wulifarek andi aro.

YOHANES 6:26

Aren he, mel iluk yagaisasikhe, ”An nebe futnobagauwageluk elalin mene hilingitunem hineilnggen neegep a'nogo nen hera'nabik wagep fuk. Lego. Sumburu roti mene sumburogo wokhisigimo hinalabut ninghogo nenggep a'nogo nenat hera'nabik wagep hisigi o, iluk eberogoat yagahisigi.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

GALATIA 6:12

It afuni ekhe nen he, ”Hinagap hinenggalimo mene palini o,” iluk, ninghogo yagahisili'lagwi mene andi, it afuni ekhe nen ineilenggen isaluk, ”Fano hilingiri'lagwi,” iluk anggoageluk hilingiri'lagwi andi. Yesus ebe eba menfuluk watukwa wene a'nogo yagaisugunem he, afuni Yahudi mene nen weagerinabinogo iluk, wene hunogo mene ninghogo yagahisili'lagwi andi.

GALATIA 6:15

Ninagap ninenggalimo mene palek halok inom, pale'lek halok inom, ebe andi mene esin fuk. Athe, Allah nen ninebe ket hunogoat hilingninabi'logo andiat esin o.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

FILIPI 1:6

At Allah nen hit fano hilinghinabigiluk omanggum enggi fakhinobagasikhesik he, fano hilinghinafi logombigen, huli at Yesus Kristus wesigin andi sambul o eil hondologo wutarek hak, fano hilinghinabi wesigin andi eberogoat iluk, nendawinggen hambukhogo welagi.

2 TIMOTIUS 1:15

It afuni o propinsi Asia yi awi ti awi mene omanogo inebe mondogat an heraknobagaluk pugulogo wulifi logolik, at Figelus inom, Hermogenes inom, inomat pugulha andi hat heluat welagen o.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

WAHYU 2:13

Hit he, Iblis ebe kain logolik afuni ekhe awe a'ma ferinarek welagarek oba welagep andi an nelu o. A'nogo Iblis awibaat logolik, an namlogo Antipas nen nabok aberali agi'lek, obabut humbunhogo yagaisilik nugunem, it ekhe nen ebe hinendawimo nen watunem, hiren he, nit ninendawinggen Yesus oba eberogoat himbirik welagorek andi lek, ninabit, iluk kobokhogo heraknobagagi'lek, ninom hundigat mondok welagep andi, hinobabut an nelu o.