MATIUS 13:19 - Allah Wene Fano Wene Hupla Inane

¹⁹ Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

MATIUS 13:19 ပူးပေါင်းရင်းမြစ်များ

AMSAL 1:7

Nen ninelu mondok asuageluk halok, attak-attak he, hineisena Tuhan along anggikhi logolik, At oba nek hinailo anggikhi logoino o. Afuni kembu mene re, inendawinggen kagalek mene andi inabit welagik, yagaisugunem inabit mondok welagik agarek andi.

AMSAL 17:16

Ap kembu mene nen inendawinggen kagalek mene andi herati logolik uang hokhorogo leget fikherek andi re alomarogo hak, meneba nen at andi re fanorogo wenggelhu mene ungguloa'ma lek andi nen hilingiterek.

YEHEZKIEL 31:18

E andi ebere raja Mesir mene inom it inunggulenu Mesir mene inom faget walhigik ikhe. E o Eden oba andoma e mondok fano uan awan mene ekhe werek lek. Oba nen he yogondak e o Eden oba andoma hilingik higit he, e andi ogore afuni wa'la'luk lagaikharek oba kweang a'ma ma'lima pimbik, it fena Allah inonggot mene weim oba nen wa'lagaukwa mene inom seberogo kabogesugun. Iluk An Tuhan Lego Mondok welagirek mene nen nane mondogat igi,” ikhe.

MATIUS 12:26

Andi hak, at Iblis onggwarek agoromi munggwarengge inobabut weak mene inom hulit fakhaluk, fena nen fena mugusogo wulakfiselepma, at agoromi ferinarek welagarek mene ninggi'nogo omame logoilep? Elo'lego.

MATIUS 13:20

Nen, awi feik ekhe helep oba lakfesikhe andi ebe re, it afuni ekhe Allah ane andi inesanggo holharesik he, inendawimo inagaiyek hikhi logolik weak-weagat wanharesigenat he,

MATIUS 13:38

Nen, yabu andi ebe re, o kweangma yi awi ti awi mondogat andi aro. Nen, awi fano mene andi ebe re, afuni Allah awe a'ma welagaikharek mene inebe andi aro. Nen, awi weak mene andi ebe re, at ap obabut mondok weak mene againafuri andi aro.

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 5:37

Hiren, Io, uogeluk halok, Ioat ino. Nen, Lego, uogeluk halok he, Legat ugun. Wene hunogoat mene ekhe mangorati lagep halok he, Iblis obabut weak mene a'nogo nen hinendawimo kagalhu kwelek ugun o,” iluk yagaisasikhe.

MARKUS 4:15

Nen, awi feik ekhe ebekhalem lakfesikhe andi ebe re, it afuni ekhe nen Allah ane inesanggo holharesi'mo nen, Iblis fageat wagaresik he, wene inendawinggenma yago mene andi henegeisogo waluk lagarego.

LUKAS 10:9

O sili andomaba logolik, it ekhe inoba ou werek halok, hiren higirinafi logolik he, Allah nen awe a'ma hinobagagin wene andi arat hinoba horok asi waga o, iluk yagaisikhi logoino.

LUKAS 9:2

A'nogo wogisasikhesik he, iren Allah awe a'ma inobagagin wene a'nogo yagaisigik, ou inoba werek mene higirinafik, ilik loageluk lakfisasikhe.

YOHANES 18:38

at Pilatus nen he, ”Wene ebe wene andi nena wene nogo,” iluk yagatikhe. Wene a'nogo yagatikhesik he, at Pilatus hobuk ap Yahudi mene inoba wulibi wagaikhesik he, mel yagaisasikhemo: ”An nenat wene oba fegep mene pilingiti mene re, at weak ekhe hilingitemo higi mondok lego.

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

KISAH PARA RASUL 17:32

”At wa'lagaikhesi'mo nen, eluget fesikhemo werego,” iluk yagaisugunem, inesanggo holhukwasik, it ekhe nen he, Paulus endo yatukwa. Nen, it ekhe nen he, ”Wene egen andi, nit ninesanggo hobuk holuageluk henggi ekhe sambul halok yaganisagain aro,” iluk yagatukwa.

KISAH PARA RASUL 18:15

Mene re, wene yi hit hinonggwarek hinane faget inom, hinenu faget inom, hit hilingiti lagep mene faget inom, oba fegepsik waluk wagepma re, hit hinoba lombogen halini o. Wene ariginik mene, an nen pilingisigin lego. Nabit,” iluk yagaisasikhe.

KISAH PARA RASUL 20:25

An hit nerugwi nagaila'lak mondogat wene Allah awe a'ma kuluk logogun wene andi yagahisilik nikhi lagi andi re, huli yogondak yaba nen he, hiren hobuk nelokhonggen hineilenggen neogoin lego, iluk an nonggwarek nelu.

KISAH PARA RASUL 28:23

A'nogo yagatukwasik, ”Nit ninenggi yiba nen hobuk hoba wesugun o,” iluk wene waretukwa. Wene waretukwasik he, inenggi andiba inebe hokhorogo o Paulus welagaikheba ambit wagaukwa. Wagaukwama, ohealegen pikhit hubanggo wene Allah awe a'ma fisikherek wene a'nogo yagaisikhoat welagaikhe. Yagaisikhi logolik, iren Yesus hilingitikhe wene andi eberogoat iluk futfouwageluk, wene Allah nen komotninafikhe wene Musa nen lisu palogo fesikhe a'nogoba inom, ap ekhe Allah ane yagaisikhi lagaukwa mene nen lisu palogo fesukwa a'nogoba inom, komorinafi lagaikhe.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

ROMA 2:8

A'nogo meneat he, it afuni fena nen inonggwarek faget enek hilingiti logolik, ebe wene ugunem inesanggo hologo hilingiti'lek herakfisaluk, weak wene nek inesanggo hologo hilingitarek mene andi, Allah a'ma kwe het-pet imbik wene hokhorogo inoba fagain o.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.

1 YOHANES 3:12

Niren he, at Kain ebe Iblis obabut weak mene andi amlogo agaikhesik onggwarek agot watikhe andi hak hilingisugun lego. Aren agot watikhe andi nenahalok watikhe nogo. At hilingiti lagaikhe mene weak mondok, nen, agot hilingiti lagaikhe mene fano mondok, andi nenat watikhe o.

1 YOHANES 5:18

Nit Allah againafuri ta'ninafe mene at amlogo manggusa tatikhe mene a'nogo nen kwelakninarek were'ma, at obabut weak mene a'nogo nen enggi fa'nisagain lego. Halok he, nit weak hundik mondok hilingiti logogun lek, iluk nineluo.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.