MATIUS 13:14 - Allah Wene Fano Wene Hupla Inane

¹⁴ It afuni inobabut ariginik mene andi faget he, at Yesaya nen mel isikhe: Inesanggo holhi logogun meneat he, fanorogo holhi logogun lego. Nen, hineilenggen hikhi logogun meneat he, furogo hikhi logogun legaro.

MATIUS 13:14 ပူးပေါင်းရင်းမြစ်များ

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

YEHEZKIEL 12:2

”Afuni wa'lagaikharek mene yi re, hat hebere afuni unggulenu wene sagalhu mene inanggele'ma welagen. It andi re wene sagalhu mene faget inagaiyek logolik he, ineilenggen werek oba nen he kwelakhili'lagwi lek. Nen inesanggo werek oba nen he holi'lagwi legat andi.

LUKAS 8:10

at Yesus nen he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene andi, hit enek he, wene andi hinelu asubagaigeluk fakhogo yagahisagain iluk, anggasikhe meneat he, it afuni ekhe andi re, at Allah nen he, Ineilenggen hikhi logogun meneat he, furogo hikhi logogun lego. Nen, inesanggo holhi logogun meneat he, furogo futfikhi logogun legaro, iluk isikhe andi higit asuageluk wene andi oba lithigigat yagaisikhi lagi o,” iluk yagaisasikhe.

ROMA 10:16

Mene re, afuni inebe mondogat fano wene andiat wanu mene re, it fena wanhi'lek werego. At Yesaya nen he, Allah yi'nogo yagatikhe: ”Nineisena. Niren wene yagaisugunem he, sa nen wene andi eberogoat iluk futfikhe nogo? Futfigi'lek enek werego,” iluk yagatikhe.

2 KORINTUS 3:14

Mene re, it andi inendawinggen nonget fesikhemo welagaukwa. Yogondak ogo re, Allah nen, ”Yi'nogo hilinghinabigin,” iluk wene inom watukwa mene lisu palek mene andi, iren enu salhunem he, inendawinggen wenggelagi'lek nong agaikhesik inendawimo kwe palek werek. A'nogo kwe palek mene andi, at Kristus inom hunetunem enek he, inendawinggen kwe palek mene andi elok hu'lagarek andi.

ULANGAN 29:4

Oba nen he o yogondak huli yaba re hit a'nogo hogoin mene ebe yi'nogo faget hilinglaga iluk futfou re elo'lego.