MATIUS 13:11 - Allah Wene Fano Wene Hupla Inane

¹¹ at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

MATIUS 13:11 ပူးပေါင်းရင်းမြစ်များ

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

YESAYA 29:10

Tuhan nen he hit nogo nineilhogo kunalhikhi logolik nogo homokhogo uwageluk hilinghinabigin. Aren he ap nabi ineilenggen mumet fisigik, ineilenggen fano yethagarek mene inelokhe salfisigik, igin.

YESAYA 29:11

Buku afuni nen fikhalinogo iluk enegengge cap werek mene ambe homago mene hak he hiren hineilenggen hikhi logogun engge andoma ogore ebe ti faget iluk futfikhi logogun lek. Hiren buku a'nogo waluk ap enu salhu elu agun oba waluk lagunem, aren yagaisikhi logolik buku yi re enegenggerogo cap werek hilingi'mo re an nen fikhaligin lego, ikhi logogin.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

MATIUS 13:10

At Yesus nen a'nogo yagaisasikhemo re, at agoromi ane wanhi lagaukwa mene omanogo oba wagaukwasik he, mel yagatukwa: ”Haren afuni yoma wene yi mene ti meneba lithigik yagaisegen a'nogo nenahalok,” iluk yagatukwama re,

MATIUS 16:17

A'nogo yagatikhemo, at Yesus nen he, ”Simon Yona amlogo nagore. Afuni nen yagahetama egen lego. We, an neisena pogoroba mene nen yagahetemo egen higi o. Halok he, hendawimo hagaiyek hikhi logoino.

MATIUS 19:11

aren he, ”A'nogo mene re, wene igin yi, afuni mondogat faget elo'lego. We, it Allah nen inobabut a'nogo wogisasikhe mene nek he, futfogoin o.

MATIUS 20:23

A'nogo yagatukwama, at Yesus nen he, ”An yi enggin ti enggin hilingnabugun andi hak, hit a'nogoat hilinghinabugun meneat he, hat ekhe an nenggi ebekwe, nen ekhe nenggi harekwe ninom kain logouwogeluk, andi nek he, an nen menhinobagagin elo'lego. We, an neisena nen endamaren logouwageluk wenagaisogo fisasikhe meneat inobagagin o,” iluk yagaisasikhe.

MARKUS 10:40

Meneat he, hat ekhe an nenggi ebekwe, nen, ekhe nenggi harekwe ninom kain logouwogeluk, an nen menhinobagagin elo'lego. We, attak at Allah endawimo nen It tak menfisagain, iluk anggasikhe mene werego,” iluk yagaisasikhe.

MARKUS 4:11

Heinok wanhukwama aren he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene, wene hit enek he hinelu asubagaigeluk fakhogo yagahisagain anggasikhe meneat he, it afuni endakwe mene andi nek he, at Allah nen he: It weak hilingiri'lagwi mene andi herakfisaluk inobabut hebelasumo, an nen sebelogo legetfisanogo iluk he, it ineilenggen hikhi logogun meneat he, furogo futfikhi logogun lego. Nen, inesanggo holhi logogun meneat he, fanorogo holhi logogun legaro, iluk isikhe andi higit asuageluk, wene yi mene ti mene oba lithigik, yagaisikhi lagi andi o,” iluk yagaisasikhe.

LUKAS 8:10

at Yesus nen he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene andi, hit enek he, wene andi hinelu asubagaigeluk fakhogo yagahisagain iluk, anggasikhe meneat he, it afuni ekhe andi re, at Allah nen he, Ineilenggen hikhi logogun meneat he, furogo hikhi logogun lego. Nen, inesanggo holhi logogun meneat he, furogo futfikhi logogun legaro, iluk isikhe andi higit asuageluk wene andi oba lithigigat yagaisikhi lagi o,” iluk yagaisasikhe.

YOHANES 6:65

A'nogo yagaisasikhesik he, wene ekhe mel yagaisasikhe: ”A'nogo iluk, an nen he, afuni Allah nen inendawimo kagalhi'lek halok an noba wesugun he elo'lek iluk yagahisigi andi,” iluk yagaisasikhe.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

KISAH PARA RASUL 16:14

Hemi wene yagaisasugu mene andi, he ekhe aiba o Tiatira mene. Su kain elokhonggen e enggen warek hangge mene it ekhe inoba onggo hokhoat wanhi lagaikhe mene, enu Lidia andi nen Allah ane wanhikhesik Yahudi mene hangge were'ma, wene Paulus nen ugunem fano wanuageluk, Tuhan endawimo kagalhikhemo, wanhikhe.

ROMA 11:25

Nerugwi nagaila'lak. Wene Allah endawimo welagarek wene yi hinonggot logogun andi, an nabit. Hit hinonggwaregen he: ”Nit wene ninelu o,” iluk fogerakhegep hanogo iluk he, wene yi yagahisak. It afuni Israel mene ekhe inendawinggen ningsek andi re, elama fagerat werego. Nen, hobuk it afuni endakwe mene kwi wesugun mene huli elok kwi wagaikha halok he,

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

1 KORINTUS 13:2

Nen, Allah ane fano mondok yagaisigik, wene afuni inendawimo hinago welagarek mene andi mondogat nelu agik, yi wene ti wene ekhe mondogat neluat welagik, nendawinggen Allahba mondok himbiret fuluk he, tom ekhe obali'mo nen sanokhogo ekhema loageluk yagasigin elok welagik, ikhi logolik meneat he, afuni ekhe inebe nendawirogo logogin lek halok he, we tulemat ikhi logogin o.

1 KORINTUS 15:51

Meneat he, wene Allah endawimo mene yi yagahisak. Nit ninebe mondogat wa'lasugun lek meneat he, ninebe lombok hunogoat hilingninabigin o, iluk eberogoat yagahisigi.

1 KORINTUS 2:14

Wene Allah Areagun en wo'nisikherek wene andi re, it afuni Allah Areagun inendawimo werek mene nek futfagarek andi nen, it afuni inobabut inetogat logolik, futfagarek lek. A'nogo futfagarek lek andi re, iren he, ”Wene andi afuni kembu mene nen agarek hangge ili'lagwi,” iluk agarek andi nen, wene andi futfigi'lek werego.

1 KORINTUS 2:7

Wene andi Allah endawimo kagalek wene hinago welagaikhe mene fakhogo yagaisogorek. Wene andi afuni kweangma mene inonggot meneat he, attak Allah nen yi mene ti mene elalhi'lek logolik he, arenat nit fanotninafunem ninendawimo agaiyek asuageluk endawimo anggasikhe mene hinagoat welagaikhe.

1 KORINTUS 4:1

Hiren nit faget he, ”It inebe Kristus amingmingengge logolik, Allah endawimo anggikherek awene afuni kweangma inonggot kwe yagaisilik nikharek mene o,” iluk futninobagakhi logoino.

1 KORINTUS 4:7

”It ekhe andi elo'lek hak, mene re an enek he mondok fano, ikhi logoino,” iluk sa nen yagahisasikhemo ikhi lagep? Hit hinagarek yi mene ti mene helikhi lagep andi, Allah nenat wokhisikherek lek nogo? Arenat wokhisikherego. A'nogo wokhisugunem helikhi lagep meneat he, hiren elalhep mene hangge hinonggwaregen fogerakhikhi lagep andi nenahalok?

EFESUS 1:18

Arenat hinendawimo selegethinafunem, hiren he, ”Ninayonggo fesikhe mene a'nogo nen hobuk fanotninabigin,” iluk, hinendawimo hinagaiyekhogo oba eberek welagep mene a'nogo hinelu agik, yi mene ti mene fano mene fogeratu mondok logogun mene at againafuri wo'nisageluk hokhorogo andogorogo ninobagasikhe mene andi, hinelu agik,

EFESUS 1:9

At onggwarek, a'nogo hilingninabu amolo nen: ”Yi'nogo hilinginabigin andi ebe at Kristus nen hilinginabuak,” iluk, wene at endawimo anggasikhe mene hinago welagaikhesik fakhogo yaganisasikhe andi.

EFESUS 5:32

Wene isikhe andi endawimo hinago mene wene esin mene ekhe werek. Wene andi an nendawimo nen he, at Kristus nit Allah againafuri ninom fano hundik logogun mene faget isikhe anggigi.

EFESUS 6:19

Ayonggo a'nogo fikhi logolik, an nen fano wene Allah endawimo hinago welagaikhe mene andi, aren yaganetu kwelek, nane fakhogo yagaisikhi logoigen he, hiren ayonggo fikhi logoino aro.

KOLOSE 2:2

Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

1 TIMOTIUS 3:9

Ekhe re, wene Allah endawimo hinagoat welagaikhesigen weinamet fesikhe wene a'nogo, inendawinggenma fesukwasik, ”An wene noba lek nendawinggen selek welagi,” iluk wene andi ninghogo fisogo welagaikharek mene halok menfisogoin o.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

1 YOHANES 2:20

A'nogo meneat he, hit enek he, Yesus Kristus Allah onggwaregen fakhasikhe mene a'nogo nen, Allah Areagun wokhisasikhemo ebe wene hinebe mondogat hinelu agagipsik welagebo.

1 YOHANES 2:27

At Kristus nen Allah Areagun wokhisasikhemo hinendawimo logolik, yi mene ti mene faget, eranen yagahisigi'lek, eberogoat enek yagahisili'logo andi nen he, afuni ekhe nen wene hit yagahisogoin elo'lego. Wene at Allah nen yagahisili'logo mene andi higithogoat hilingiti logolik, Kristus hinom hundik mondogat logoino o.