Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIUS 12:50 - Allah Wene Fano Wene Hupla Inane

50 Sa nen an Neisena pogoroba mene endawimo anggikherek mene higithogo hilingiterek halok, at andi an nagot, nerei, nagaisa werego,” iluk yagatikhe.

အခန်းကိုကြည့်ပါ။ ကော်ပီ




MATIUS 12:50
38 ပူးပေါင်းရင်းမြစ်များ  

An he nomame lek welagimo re no kambing andimuk hanggeba inom, singa aik werelek kabuk hanggeba inom, noasuogoluk ili'lagwi mene andomaba nentelnabime o.


An nendawi hundik mene andi reyabu ap yugunat kwinogoluk inane waik palek mene hangge hilingik welagen, Helep leget wurogo, i elesi anggwe yagarek were'ma ap amu mene nen husu elo'lek welagarek andi hak hilingik welagen.


it ap agoromi ane wanhi lagaukwa mene omanogo enggi tum inoba fesikhesik he, ”An nagaisa nagoromi, it yi aro.


O andi sambul he, at Yesus oloba nen wulibi wagaikhesik he, i Galilea yenggelek a'nogo esanggoma hurek were'ma,


A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,


an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.


an nen he, ”Hiren afuni ekhe inenu lek mene halolot fisikhi lagagip andi re, anat halolot nobagakhi lagagibo, iluk yagaisasikhesik he,


Fogeratukwama, at Yesus nen he: ”Hinailo agubo. An nagoromi omanogo o Galilea loagen, yagaisa lani o,” iluk yagaisasikhe.


Sa nen, at Allah endawimo anggikherek mene higithogo hilingiterek halok he, at andi an nagot, nerei, nagaisa, werego,” iluk yagaisasikhe.


at Yesus nen he, mel yagaisasikhe: ”An nagaisa nagoromi andi re, afuni Allah ane inesanggo holharesik, higithogo hilingitarek mene andi aro,” iluk yagaisasikhe.


Nen, an nen komorogo, yi'nogo hilingi'no ti'nogo hilingi'no, iluk yagahisikhi lagi mene andi, nane hologo hilingiti logogun halok he, hit an nagaila'lak aro.


A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,


at Yesus nen he, mel yagaisasikhe: ”Allah endawimo anggikherek mene hiren hilingisugun andi ebe re yi. Hinendawinggen an Allah nen laknobagai wagaikhemo wagagi mene yi noba himbiret fogoin andi aro,” iluk yagaisasikhemo.


neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.


It attak Allah ebe inonggot logolik, inobabut weak hilingitu kwelegat he, aren afe morogo herakfisikhi lagaikhe. A'nogo meneat he, yogondak ya, aren he, yi afuni ti afuni mondogat yi sambul inanema waganogo wene inoba figik, kotik, higithogoat uageluk ap ekhe wenagaisogo fuluk ayonggo fikhemo werek andi nen, he nit afuni weak hilingiti lago mene herakfisaluk ninobabut hebelasuageluk yaganisili'logo andi. Halok, niren he, wene a'nogo hilingisigin andi eberogoat iluk, nit mondogat futfouwageluk, ap andi ebe wa'lagaikhesi'mo nen, eisena nen ambotkwe eluget fesikhemo werego,” iluk yagaisasikhe.


Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.


Attagat, at Allah nen nit ninebe elu logolik, at amlogo higit asuageluk wenagaisogo ninobagasikhe. At Yesus ebe manggusa mene, agoromi hokhorogoat at inom logouwageluk wena'ninafikhe andi.


Nen, it ap ekhe Allah nen inayonggo fuluk lakfisa wagaikhe mene inom, ninoe Enupogot agoromi ombo'ne mene inom, at Petrus inom, inagagwi woginarek nikho andi hak, an enek he, nagwe Allah a'logo mene waluk nikhi logogin lek nogo?


Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.


Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.


Ninagap ninenggalimo mene palek halok inom, pale'lek halok inom, ebe andi mene esin fuk. Athe, Allah nen ninebe ket hunogoat hilingninabi'logo andiat esin o.


A'nogo hilinghinafunem he ninebe mondogat ninoe Enupogot Kristus alegatma andi nen ninebe mondogat at ninom hundik welago andi nen, inunggulenu Yunani mene igik, Yahuri mene igik, agarek andi inom, inagap inenggalimo mene palek mene igik, palek lek mene igik, agarek andi inom, inane unggut palek mene igik, inebe Yali-Somagai mene igik, agarek andi inom, inamingmingengge mene igik, inale'ma mene igik, agarek andi inom, ikhi logogun lek mene welagep andi.


hemi inaluendek andi re, hagaisawi hak hinom welagik, hemi tugum silerik mene andi re, herugwi hanggeat, hendawimo weak mene ebeti'lek heil lomborogo hinom welagik, ikhi logolik, fanorogo komorinafi logoino.


A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.


Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.


Afuni kweangma mene inobabut hilingitarek andi inom, yi mene ti mene inamolo iluk hilingitarek andi inom, lek arik weri'logo meneat he, afuni Allah endawimo amolo anggikherek mene hilingitarek mene andi nek he, ineluk mondok logoguno.


Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ