MATIUS 12:46 - Allah Wene Fano Wene Hupla Inane

⁴⁶ At Yesus afuni hokhorogo inom logolik wene yagaisugunem he, at agaisa inom, agoromi inom, wene yagasuogeluk oba wagaukwasik he, olulu welagaukwa.

MATIUS 12:46 ပူးပေါင်းရင်းမြစ်များ

MATIUS 1:18

At Yesus Kristus ta'lagaikhe andi ebe yi'nogo ta'lagaikhe. Agaisa Maria andi, ap Yusuf ebe wanhi'lek, we, wenago were'ma re, Allah Areagun en omalik a'mat fesikhe.

MATIUS 12:47

Were'ma ap ekhe nen he, ”Yesus, yethan! Hat hagaisa inom, hagoromi inom, wene yagahesuogeluk herakhabik wagaikhasik olulu werego,” iluk yagatikhemo re,

MATIUS 13:55

Ap yi re, ap o wuterek mene a'nogo amlogo lek? Nen, agaisa enu Maria a'nogo lek? Nen, agoromi ombo'ne mene re, Yakobus inom, Yusuf inom, Simon inom, Yudas inom, omanogo lek?

MATIUS 2:11

Inendawimo nen inagaiyek hokhorogo agaukwasik oloba kwisukwa re, omalik a'nogo agaisa Maria agoba were'ma ineilenggen hasukwasik, ineindep awi yagaisogo fogeratukwa. Fogerati logolik he, onggo hokho fano mene emas inom, kemenyan kami amben hangge mene inom, e mur amusu inom, heiselogo wogetukwa.

MATIUS 2:20

”Yusuf. Helugame o. Menla'luk he, omalik tago ari agaisa emberek woginarek o ap Israel mene were'ma lan o. Omalik tago ari wasuogeluk ikhi lagaikha a'nogo re, ebe arat wa'laga o,” iluk yagatikhe.

MARKUS 2:21

A'nogo yagaisasikhesik ekhe mel yagaisasikhe: ”Afuni nen, su attak laberi'lagwi mene tilip ikhe halok, su kain ket meneba finggin kwatarek lek. A'nogo kwatu halok he, su kain ket mene a'nogo hesimorogo lagaikhi logolik su andi hokhorogoat tilip-tilip lagain o.

MARKUS 6:3

At ebe re, he Maria eak o wuterek mene a'nogo lek? Agoromi ombo'ne mene re, Yakobus inom, Yoset inom, Yudas inom, Simon inom anggigi. Nen, erugwi re, nit ninom welago yoma lek?” iluk inendawimo inabiret fesukwa.

LUKAS 1:43

Nen, hat hebe an noe Enupogot agaisa nen nea wagen yi nailo e!

LUKAS 2:33

Omalik andi abok a'nogo isikhemo re, agaisa inom, eisena inom, inesanggo holhukwasik he, ”Egi!” iluk, fogeratukwa.

LUKAS 2:34

Nen, at Simeon a'nogo nen, ”Allah nen fanothinabuak,” iluk, ane agaukhogo yagaisasikhesik he, omalik a'nogo agaisa Maria yagatikhesik he, mel isikhe: ”Allah nen he, yenggerek yiba, it ap Israel mene inebe hokhorogoat ekhe telinafik, ekhe weagerinafik, hilingisuageluk menfesikhe o. At yi afuni mondogat futfouwageluk menfesikhe meneat he, it afuni mondogaren, ninabiro, iluk ili'lagwi a'nogo,

LUKAS 2:48

A'nogo fogeratunem, it at agaisa eisena emberegen ebe arat heratukwasik he, ”Nailo e!” iluk fogeratukwa. Fogeratukwasik agaisa nen he, mel yagatikhe: ”Neak, hat yi'nogo hilingninafen nenahalok Heisena nemberek ninendawinggen firik herakhabik nikhi lago yi heilenggen nisan?” iluk a'nogo isikhemo,

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

LUKAS 8:10

at Yesus nen he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene andi, hit enek he, wene andi hinelu asubagaigeluk fakhogo yagahisagain iluk, anggasikhe meneat he, it afuni ekhe andi re, at Allah nen he, Ineilenggen hikhi logogun meneat he, furogo hikhi logogun lego. Nen, inesanggo holhi logogun meneat he, furogo futfikhi logogun legaro, iluk isikhe andi higit asuageluk wene andi oba lithigigat yagaisikhi lagi o,” iluk yagaisasikhe.

YOHANES 19:25

A'nogo hilingitu kwelek, Yesus agaisa inom, agaisa agot inom, he Maria ap Klopas agwe inom, he Maria awi o Magdalena mene a'nogo inom, e Yesus ebe menfesukwaba era'lu mendek welagaukwa.

YOHANES 2:1

A'nogo hilingiti lagaukwasik, nogo inenggi pire ilugen, inenggi ekheba nen he, o Galilea o sili ekhe enu Kana andi, ap ekhe agwe igetunem Yesus agaisa ayonggo fesukwama andoma inom welagaukwa.

YOHANES 2:12

A'nogo arat hilingitukwasik he, at Yesus ebe inom, agaisa inom, agaila'lak inom, agoromi ane wanhi lagaukwa mene inom, inom o Kapernaum lagaukwa. Lagaukwasik he, inenggi endebat enek welagaukwa.

YOHANES 2:5

A'nogo yagatikhe meneat he, at agaisa nen, it he ita mene eisewerek inamingmingengge omanogo inoba mel yagaisasikhe: ”Aren, yi'nogo hilingi'ni, ikhe halok he, at igin mene andiat hilingi'no,” iluk yagaisasikhe.

YOHANES 7:10

A'nogo kamo isikhemo, at agaila'lak omanogo nek seni a'nogo isatunem arat pisukwama nen, at Yesus hobuk afuni inonggot werek kwelek hinagaisogo pisikhe.

YOHANES 7:3

A'nogo horogasi wagaikhemo logolik, at Yesus onggwarek agaila'lak mene ogo re, inendawinggen at oba eberogoat himbiret figi'lek welagaukwa andi nen he, mel yagatukwa: ”Hat hagoromi hane wili'lagwi mene omanogo nen, hat hilingitendek mene hilingitunem ineilenggen heowagen, o yoma herakfuluk o Yudea pino. Ap inenu werek asuogeluk anggikhi logolik halok he, hinagaisogo hilingitarek lego. Halok he, hat hilingiti lagen andi, afuni kweangma mene inebe mondogat inelu asuageluk weinamhogo hilingisi pin o,” iluk yagatukwa.

KISAH PARA RASUL 1:14

It inebe andem inom, Yesus agaisa Maria inom, hemi ekhe inom, Yesus agoromi ombo'ne mene inomat, inebe mondogat inendawinggen misigat logolik he, samban ugu mondok welagaukwa.

1 KORINTUS 9:5

Nen, it ap ekhe Allah nen inayonggo fuluk lakfisa wagaikhe mene inom, ninoe Enupogot agoromi ombo'ne mene inom, at Petrus inom, inagagwi woginarek nikho andi hak, an enek he, nagwe Allah a'logo mene waluk nikhi logogin lek nogo?

GALATIA 1:19

Logolik, it Yesus nen inayonggo fuluk lakfisasikhe mene omanogo inebe ekhe ninom ambi agi'lek. We, ninoe Enupogot agot Yakobus a'nogo nek nemberek ambi agagu.