MATIUS 12:44 - Allah Wene Fano Wene Hupla Inane

⁴⁴ Mondok legen, aren he, mel ikherek: An naiba attak welagiba a'nogo nambotkwe lambik kwigin o, iluk wagarek. Wagaresik kwikherek he, o a'nogo inebe lek, foluk meneat he, lelem wulagaisogo tegelek were'ma ha wagaresik he,

MATIUS 12:44 ပူးပေါင်းရင်းမြစ်များ

HOSEA 7:6

Endu wulenggen wagane'ma nonggalek hak iren inaniniba hilingfogoin iluk hilingitarek mene andoma a'nogo hilingitik, nen it inanini nen ina'mage lagaikharek mene a'nogo hubanggo inendawimo het lagaikhi la'luk, hubet he endu amulok kulunghogo lagaikherek hak inendawimo ina'mage wulabi'lagwi andi.

MATIUS 12:29

Ap ekhe omame hokho mene enggi hele warogo figi'lek he, agarek yi mene ti mene inenggi abisak elok wani kugun anggegep? Elo'lego. We, enggi hele warogo fuluk enek he, elok wani kugun o.”

MATIUS 12:43

A'nogo yagaisasikhesik ekhe mel yagaisasikhe: ”Munggwarengge obabut weak mene andi afuni inendawimo nen wuliferesik he, an naiba komakwe logoigen lak he, iluk set walogo logogin oba obuluk herarik, lei puparekwe i mondok le'ma andoma nikherek-nikherek he, herakhikherek mondok lek.

MATIUS 12:45

hobuk ambotkwe wulibi lagaresik, munggwarengge ekhe inobabut at obabut hangge lek. Athe, inobabut mondok weak mene inebe 7 nen, inayonggo lagaresik, woginarek o a'nogo kwi wagaresik, ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaikhe meneat he, hobuk obabut mondok weagat hilinglagarek. Andi hak he, hit afuni o yogondak ya hinobabut mondok weak hilingiti lagep mene yi a'nogoat hilingisugun o,” iluk yagaisasikhe.

LUKAS 11:25

Wagaresik kwikherek he, o a'nogo mondok lelem wulagaisogo tegelek were'ma ha wagaresik he,

YOHANES 12:6

A'nogo wene palhikhe andi re, afuni inangge lek mene andi endawi nen isikhe fuk. We, at agaila'lak inom mondogat inarupiah mene fisogo logolik, at onggwarek faget hinagaisogo helikhi lagaikhe andi nen isikhe.

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 13:27

A'nogo wogetikhemo, at Yudas sumburu roti mene a'nogo enggim wanhu kwelek aremnogoat munggwat Iblis obabut weak mene endawimo kwisikhe. A'nogo kwisikhemo, at Yesus nen yagati logolik he, ”Haren hilingisigeluk anggegen mene andi weak-weak hilingisin o,” iluk yagatikhe.

1 KORINTUS 11:19

A'nogo hilingiti lagep andi re, at Allah nen, ”It andi an nagainafuri,” iluk anggili'logo mene, enegat asuagen hinebe huli wasugun o.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

1 YOHANES 4:4

Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.