Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIUS 12:41 - Allah Wene Fano Wene Hupla Inane

41 At Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebelagaukwasik, yi weak ti weak hilingiti lagaukwa mene herakfisasukwa o. Mene re, at Yunus andi enu endep sebelek hak. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin o.

အခန်းကိုကြည့်ပါ။ ကော်ပီ




MATIUS 12:41
20 ပူးပေါင်းရင်းမြစ်များ  

Oba nen he sikhe andoma mondogat hat hoatu mene faget wusugun meneba nen ambisangma yalok ikhi logogin lek. Nen, wene katokhogo tegetarek aiba nen hoba hikhip heogoin mene re haren an weak hilingiti lek iluk fakhogo nek ikhi logogin. An namingmingengge mene re inomame aga logolik welagaikharek mene onggo wogisagain o,” iluk Tuhan nen a'nogo ikhe, isikhe.


Andi nen Tuhan nen an yaganeti logolik he, ”Israel mene nen At inambot wogotaba nen he, it Yehuda mene nen lomborogo hilingiri'lagwi lek andem hakhogo hilingik fuk, it Israel mene re endep fano hago,” iluk ikhe.


”Hat he hebe weak-weakhogo o kota Niniwe hokho sili a'nogoba lan o. Lambik he, it weak mondok hilingiri'lagwi andi An arat nelu agarik welagi andi nen he, Tuhan nen weagethinabigin o, iluk husumbi hane ninghogo yagaisano o,” iluk yagatikhe.


A'nogo were'ma, Yunus o kota andoma arat kwi lagaikhesik, ohealek huberen pikhit hu'mokhokwe o silikwe omanogo laga lagaikhesigen wene mel yagaisasikhe: ”Eiga! Nineisena Allah nen enggi 40 hari logombigen, hit afuni o kota Niniwe welagep mene yoma wulil tagalogo hinoasigin o!” iluk yagaisasikhe.


at Yesus nen he, ”Hit afuni o yogondak welagep mene yoma re, hinobabut weak enek hilingirik nikhi logolik Allah hinom lombokhogo welagep lek mene yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nen elalin hunogoat mene ekhe hilingisigin lego. We, at Yunus Allah ane yagaisikhi lagaikhe mene nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o.


Andi hak, at he kain mene awi o i ambutmo higit o pogot erokwe yatma andoma nen at ap Salomo andi endawimo mondok kagalek logolik hilingiti lagaikhe wene andi esanggo holigeluk wagaikhe. Mene re, at Salomo andi elo'lek hak. Meneat he, an yoma welagi yi nek he, mondok esin andi nen he, hobuk o wurep oba Allah nen afuni wene inoba figik, kotik, igin andi sambul, at he kain andi ebe menlasimbik he, hit o yogondak welagep mene yi mel yagahisagain: ”Hit weak, hinenggali, iluk yagahisagain o,” iluk yagaisasikhe.


hobuk ambotkwe wulibi lagaresik, munggwarengge ekhe inobabut at obabut hangge lek. Athe, inobabut mondok weak mene inebe 7 nen, inayonggo lagaresik, woginarek o a'nogo kwi wagaresik, ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaikhe meneat he, hobuk obabut mondok weagat hilinglagarek. Andi hak he, hit afuni o yogondak ya hinobabut mondok weak hilingiti lagep mene yi a'nogoat hilingisugun o,” iluk yagaisasikhe.


Halok he, an nen wene yi yagahisak. Allah awi wurik andi elo'lek hak. Meneat he, an yoma welagi yi nek he, mondok esin hangge aro.


Hit afuni o yogondak welagep mene yoma re, hinobabut mondok weak hilingirik nikhi logolik, Allah hinom lomborogo welagi'lek yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nebe futnobagauwageluk an nen elalin hunogoat mene ekhe hilingisigin mondok lego. We, at Yunus nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o,” iluk a'nogo yagaisasikhesik, it ap omanogo andoma herakfisaluk he, o ekhema lagaikhe.


A'nogo yagatikhemo, at Yesus nen he, mel yagatikhe: ”Hit afuni o yogondak welagep mene yi re, hinendawinggen an noba eberogoat iluk himbiret figi'lek logolik nong akhikhi lagep yoma ri! An hit ninom nenggi miren oba logogun nogo. Hit yi'nogo hilingitu kwelek nafe morogo nenggi miren logogin,” iluk yagaisasikhesik he, ”Yenggerek ari an noba waluk we'ni o,” iluk yagaisasikhemo.


Hit yogondak welagep mene yi re, wene yi mondogat he hirat hinoba enggin logogin, iluk, eberogoat yagahisigi o,” iluk yagaisasikhe.


Nen, at Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebel lagaukwasik yi weak ti weak hilingiti lagaukwa mene herakfisasukwa o. Mene re, at Yunus andi enu lek hangge aro. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin aro,” iluk yagaisasikhe.


Nen afuni mondogat he, inenu lek enek. We, at po'lima nen pi wagaikhe mene andiat kain enu werego. Ap ekhe ebe kweangma nen tago mene halok, ebe kweangma meneatma, wene kweangma aweneat ikherego. It afuni mondogat inenu legat hak werek kwelegat he, ap ekhe pogoroba nen pi wagaikhe mene andiat enu esin lego werego.


I yi nit ninomba kain Yakub en habulhikhesik, at ebe inom, againafuri inom, anggo inom, ninggi lagaukwasigen, nit hobuk ninggi logouwageluk wo'nisasikhe mene andi, hat hendawimo nen he, At ebe elo'lek hak. Nen, an enek he, nebe kain, anggegendigen egen a? iluk yagatikhe.


Nen, hit Yahudi mene, wene Allah nen komotninafikhe wene a'nogo hit eise logolik, hinagap hinenggalimo mene palhi lagep meneat he, wene andi hologo hilingiti'lek, sebelogo herakfisaluk weak hilingiti lagep andi nen, afuni ekhe inagap inenggalimo mene palek lek meneat he, wene Allah nen komotninafikhe wene andi higithogo hilingiri'lagwi andi nen he, iren wene hit hinoba fogoin o.


At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ