MATIUS 12:4 - Allah Wene Fano Wene Hupla Inane

⁴ At Daud Allah awi wuri'mo kwisikhesik he, sumburu roti Allah faget fisagarek mene it ap Allah eisewerek mene inalegat enek ninggi logogun. Meneat he, at Daud ebe inom, it ap at ombo'ne lagaukwa mene inom, inom nogoin lek mene wanhukwasik nasukwa iluk Allah ane lisu palek werek a'nogo hit hikhi lagep lek nogo?

MATIUS 12:4 ပူးပေါင်းရင်းမြစ်များ

KELUARAN 25:30

Meja andi re Peti wene warek andi elokhoma andem foumo were'ma, meja andi amboloba re, roti werago mene hundik fuguba logogin.”

IMAMAT 8:31

A'nogo hilingfisasikhesik he, at Musa nen Harun inom at againafuri inom yagaisikhi logolik, ”Tuhan nen ikhi logolik he hit menhinobagagin sambul noageluk he roti si ugu meneba kwelabek mene werek andi nano ikhe. A'nogo ikhenggere hiren nunggu mene andi Tuhan Awi Sabu sale'ma kwe kwi waguba solombonma andemen isa'ni.

MATIUS 12:3

at Yesus nen he, ”At Daud agoromi ombo'ne lagaukwa mene inom sumburu inaik fesikhemo, aren hilingitikhe mene Allah aneba lisu palek a'nogo hiren enu salhi'lek welagep nogo? Enu salhi lagebaro.

MATIUS 12:5

Nen, ninenggi sabit oba Allah faget weat logolik yi mene ti mene hilingiti'lek weat logogun meneat he, it ap Allah eisewerek mene nek, Allah awi wuri'mo kuluk, it hilingisu mene hilingitunem wene inoba fagarek lek, iluk Allah ane lisu palek werek a'nogo enu salhi'lek welagep nogo?

MARKUS 2:26

At Daud en he, ap Abyatar it ap Allah eisewerek mene inoe kain logolik Allah awi wuri'mo Allah faget hilingitunem oba kuluk he, sumburu roti Allah faget fisagarek mene hesanggeat nogoin mondok lek. We, it Allah eisewerek mene nek nogoin, iluk wene palek meneat he, at Daud en nasikhesik he, agoromi ombo'ne lagaukwa mene omanogo wogisasikhemo nasukwaat, iluk lisu palek werek a'nogo enu salhi'lek welagep nogo?” iluk yagaisasikhesik wene ekhe mel yagaisasikhe:

LUKAS 6:4

Allah awi wuri'mo kwisikhesik sumburu roti Allah faget fisagarek mene hesangge nogoin mondok lek. We, it Allah eisewerek mene halok enek nogoin iluk wene melalek werek meneat he, at Daud en wanhikhesik, at ekhe ninggi logolik he, ekhe agoromi ombo'ne lagaukwa mene omanogo wogisasikhe, iluk lisu palek werek a'nogo hiren enu salhi'lek welagep nogo,” iluk yagaisasikhesik he, wene ekhe mel yagaisasikhe:

IBRANI 9:2

O andi hulu endakwe senggelek enu re, o hulu wesama u hak, Allah awi wurik ikhi lagaukwa. Andoma esage ibilogo fagarek mene inom, e meja talek sumburu Allah faget fisagarek oba mene inom, welagaikhe.

1 SAMUEL 21:4

A'nogo yagatikhemo, at ap Allah eisewerek a'nogo nen he, ”An sumburu roti amu mene lego. We, Allah faget fisaga mene nek werek. Hat hagoromi mene hemi inom kerat ekhe nogo igi'lek halok he, sumburu andi hat wanigin fano o,” iluk yagatikhe.

1 SAMUEL 21:6

A'nogo yagatikhemo re, at ap Allah eisewerek mene a'nogo nen, sumburu roti amu mene lek andi nen he, Allah faget fisasukwa mene, wam, yi mene ti mene Allah faget noletarek oba welagaikhe mene hobuk obulu'mo ket werago mene fouwogoluk amumo fesukwa mene a'nogo wanhikhesik he, Daud wogotikhe.