MATIUS 12:39 - Allah Wene Fano Wene Hupla Inane

³⁹ at Yesus nen he, ”Hit afuni o yogondak welagep mene yoma re, hinobabut weak enek hilingirik nikhi logolik Allah hinom lombokhogo welagep lek mene yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nen elalin hunogoat mene ekhe hilingisigin lego. We, at Yunus Allah ane yagaisikhi lagaikhe mene nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o.

MATIUS 12:39 ပူးပေါင်းရင်းမြစ်များ

2 RAJA-RAJA 14:25

Hun Yerobeam pirenek mene andi nen o afuni Israel mene inaiba welagaukwa kwe o Hamat abel utara fikhit andoma inom, nen selatan fikhit he i Laut Mati werek huli andoma inom, aren nekhengge telasikhe. Andi re afuni Israel mene ineisena Tuhan Allah nen he At amingmingengge nabi Yunus hun Amitai amlogo aiba o Gat-Hefer mene a'nogo bene nen wene warisasikhe higithogo hilingitikhe.

YESAYA 57:3

Oba nen he hit hinunggulenu weak mondok hilingiti lagep mene yoma re hinawene katokhogo palhinabuakhogo re we'ni o! Hit he ap hareise nen hilingitarek mene inom, babi hilingitarek mene inom, onggo wo'nisoageluk yanani hilingitarek mene inom he agamsek welagep lek!

YUNUS 1:1

Inenggi ekhe sambul he, Tuhan nen hun Amitai amlogo Yunus a'nogoba mel yagatikhe:

MATIUS 16:4

Hit afuni o yogondak welagep mene yoma re, hinobabut mondok weak hilingirik nikhi logolik, Allah hinom lomborogo welagi'lek yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nebe futnobagauwageluk an nen elalin hunogoat mene ekhe hilingisigin mondok lego. We, at Yunus nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o,” iluk a'nogo yagaisasikhesik, it ap omanogo andoma herakfisaluk he, o ekhema lagaikhe.

MARKUS 8:12

Yagatukwama re, at ane agaukwak a'ma isikhesik he, mel yagaisasikhe: ”Hit afuni o yogondak welagep yoma nen ikhi logolik he: Niren futhobagauwogen haren elalin mene ekhe hilingisin he, iluk yaganeti lagep yoma re, nenahalok. An nane eberogoat yagahisak: Futnobagauwagaluk an nen elalin mene ekhe hilingisigin mondok lego,” iluk yagaisasikhe.

MARKUS 8:38

Afuni yoma inobabut weak logolik Allah ebe inom lombokhogo welagi'lek, yi weak ti weak hilingiri'lagwi mene andi hinomat logolik, it ineilhanem sa nen, ”An Yesus agot, igik, an nane andi yagaisigik, u re, ambe enggali halok he, an abat ta'lasi wagagi a'nogo hobuk neisena fogeratu mondok welagaikharek hak hilingla'luk, it malaikat Allah onggwarek faget yonggo pelakfisa wagarek mene omanogo ninom wesimbik he.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.