MATIUS 12:32 - Allah Wene Fano Wene Hupla Inane

³² Sa nen an abat ta'lasi wagagi a'nogo endawimo sebelnobagaluk nabok ekhe weak palhu halok he, weak hilingisigin mene andi Allah nen elok sebelogo legetfisagain meneat he, Allah Areagun andi endawimo sebelfuluk abok weak palhu halok he, weak hilingisigin mene andi, Allah nen yogondak inom, o wurep oba arat hilinglasigin oba nen logogun oba inom, sebelogo legetfisagain mondok lego,” iluk yagaisasikhe.

MATIUS 12:32 ပူးပေါင်းရင်းမြစ်များ

AYUB 36:13

It afuni ineisena tuhan lek mene we yugunat hilingitarek mene nen he ina'mage nek inendawimo wut-warogo fetaluk logolik he, At Tuhan nen unggum inoba fikherek oba nen ogore nit lebetninapni mel agarek lek.

MATIUS 11:19

Mene re, an abat ta'lasi wagagi a'nogo re, sumburu inom, anggur enggen amusu inom nilik wagagimo re, afuni nen nabok ikhi logolik, sumburu inom, anggur enggen amusu inom, ambe lagalek weak nili'logo yi, ap pemerintah faget uang kino iluk wanharek mene inom, weak hilingirik nikharek mene inom, inom hunet fakhaluk nikho yi hani, iluk ili'lagwi andi re, Allah endawinggen kagalogo hilingiterek andi nen he, fanot fugunem ineilenggen hambik he, Higit, iluk futfogoin aro,” iluk yagaisasikhe.

MATIUS 12:31

A'nogo yagaisasikhesik wene ekhe mel yagaisasikhe: ”Wene a'nogo egep andi nen, an wene yi yagahisak. Afuni nen yi weak ti weak hilingiri'lagwi mene inom, inendawimo nen it ekhe sebelfisaluk inaneba nen inabok pali'lagwi mene inom, at Allah nen elok sebelogo legetfisagain meneat he, Allah Areagun andi nek inendawimo nen sebelfuluk abok palhu halok he, elok sebelogo legetfisagain mondok lego.

MATIUS 12:8

Ninenggi sabit oba Allah faget weat welagorek andi, eisewerek he, an abat ta'lasi wagagi nebe yi aro,” iluk yagaisasikhe.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MATIUS 13:39

At ap yabu eisewerek emberek weak logolik, awi weak mene yatikhe andi ebe re, at Iblis andi aro. Enggen palugun higit andi ebe re, o wurep oba fageraro. Nen, it ap enggen palharek mene andi ebe re, it malaikat Allah pogoroba nen yonggo pelakfisa wagarek mene andi aro.

MATIUS 13:40

Nen, it afuni nen engga weak mene andogorogo fuluk endu nolharek andi hak, o wurep oba a'nogoat hilingisigin o.

MATIUS 13:55

Ap yi re, ap o wuterek mene a'nogo amlogo lek? Nen, agaisa enu Maria a'nogo lek? Nen, agoromi ombo'ne mene re, Yakobus inom, Yusuf inom, Simon inom, Yudas inom, omanogo lek?

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

MARKUS 10:30

andi ebe lombok obali'mo re, yogondak ya awi wurik inom, agaila'lak inom, erugwi inom, agaisa inom, againafuri inom, eabu siok inom, hokhorogoat 100 hangge wogetu kwelek he, afuni nen weagetfikhi logogun aro. Weagethinafu were'ma, hobuk o wurep oba hilinglasigin andi hilinglaga halok he, nabulal-habulal wogosigin aro.

MARKUS 3:28

”Nane eberogoat yagahisak. Afuni nen yi weak ti weak hilingiri'lagwi mene inom, inendawimo nen sebelfisaluk, inaneba nen inabok weak pali'lagwi mene inom, at Allah nen elok sebelogo legetfisagain meneat he,

MARKUS 3:29

Allah Areagun andi inendawimo sebelfuluk abok weak palhu halok he, sebelogo legetfisagain lego. We, weak hilingisugun andi faget wene inoba mondok-mondok logogin o,” iluk yagaisasikhe.

LUKAS 12:10

An abat ta'lasi wagagi a'nogo nabok weak palhu halok he, weak hilingisugun mene andi inebe lombok Allah nen sebelogo legetfisagain meneat he, Allah Areagun andi abok weak palhu halok he, weak hilingisugun mene andi Allah nen legetfisagain mondok lego.

LUKAS 16:8

A'nogo hilingitikhe mene andi, at abok oe a'nogo esanggo holhikhesik he, mel isikhe: Egi! Endawinggen mondok kagalek andi nailo e, iluk amingmingengge mene weak hilingiti lagaikhe mene a'nogo fogeratikhe. A'nogo fogeratikhe andi re, it afuni kweangma yoma mene inobabut he, it mene hilingisuogeluk inendawimo mondok kagalek meneat he, it Allah againafuri inendawimo selek hilingisogo fisasikhe mene andi, inobabut he, it hangge lek andi nen he, a'nogo isikhe andi.

LUKAS 23:34

A'nogo menfisasukwama logolik, at Yesus nen mel yagatikhe: ”Neisena e! It yi inonggot logolik hilingnabi'lagwi yi re, wene inoba figi'lek sebelogo herakfisano o,” iluk yagatikhe. Nen, it ap tentara mene omanogo nen he, a'nogo menfisaluk, ”At Yesus asu andi sa hak asigin,” iluk he, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

LUKAS 7:34

Meneat he, an abat ta'lasi wagagi a'nogo nek he, sumburu inom, anggur enggen amusu inom, hesangge nilik wagagi andi nen he, hiren he: Yethani! Ap yi re, sumburu inom, anggur enggen amusu inom, ambe lagalek weak nilik nikhi logolik he, ap uang pemerintah faget kino'luk wanharek mene inom, ap weak hilingitarek mene inom, hunet fakhaluk nikho yi hani? iluk yaganeti lagep andi.

YOHANES 7:12

it afuni hokhorogo omanogo inesanggo holhukwasik he, inane samik-samok ikhi logolik, it ekhe nen he, ”Athe fano,” ugunem it ekhe nen he, ”Lego. Athe weak. Afuni lalinabi'logo,” iluk isukwa.

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.

YOHANES 7:52

iren at mel yagatukwa: ”Hat ogo re, hawiba o Galilea mene nogo? Ap Allah ane yagaisagarek mene ekhe o Galilea nen wesigin iluk Allah aneba lisu palek were'ma heilenggen hagain mondok lek a'naga re, heilenggen fanorogo hikhi logoino o,”

KISAH PARA RASUL 3:19

Andi nen he, hit weak hilingiti lagep mene andi, nineisena Tuhan Allah nen sebelogo legetfisaluk, hinendawinggen faget hineilenggen fanorogo hilinghinabi wagik, aren he, Kristus hinebe telhinaferek mene hinoba lakfei wesigin, iluk wene warisasikhe a'nogo ebe Yesus andiat hinoba hobuk lakfei wagik, uagen he, hinobabut hebelasimbik hinelokhe Allah wogo'no o.

EFESUS 1:21

A'nogo menfesikhe andi re, it pemerintah kain mene ekhe mondogat inom, inenupogot mene ekhe mondogat inom, inogogwi kaindek ekhe mondogat inom, kaindek it ekhe inawe a'ma ferinarek welagaikharek mene mondogat inom, inenuwerek yogondak werek mene inom, hobuk logogun mene inom, mondogat he, inenu sebelek werek kwelek at Kristus enek he, esin lego logouwageluk menfesikhe andi.

1 TIMOTIUS 1:15

Afuni weak hilingitu were'ma Kristus Yesus nen ninebe telninabigeluk kweangma yoma pi wagaikhe iluk igi andi, afuni nen he, ”Wene andi eberogoat,” iluk furogo wanugun mene. Afuni ekhe weak endebat hak hilingitarek meneat he, an enek he, weak hokhorogo mondok hilingiti lagagi andi.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.

TITUS 2:12

Nit ninobabut attak Allah ebe ninobakhe nene herakfisikhi logolik he, ninendawimo nen yi mene ti mene kweangma mene namolo nek anggikhi lagagu mene andi herakfisaluk he, yogondak ya ninobabut ninendawimo menenei uanhogo ebeti logolik Allah faget higithogo hilingiti logouwageluk, at obabut fano andiba yaganisili'logo andi.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.