MATIUS 12:30 - Allah Wene Fano Wene Hupla Inane

³⁰ ”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek afuni andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.

MATIUS 12:30 ပူးပေါင်းရင်းမြစ်များ

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

MAZMUR 94:16

It afuni Allah ane taganhogo hilingitarek mene andoma inoba nen he ap sa nen an nili wo'nabu hak nogo? It ap weak mene nek hiligitarek mene andoma inoba nen he ap sa nen an nebikhit asu hak nogo?

AMSAL 11:24

Afuni ekhe inobabut wogisugu mene faget inagaiyek welagaikharek mene andi re, ekhe inomat inenggi werek aga logolik werek, oba nen it ekhe puk hikhi logolik werek mene andi re ebenagaik inenggi lek-lek kwikherek.

HOSEA 1:11

A'nogo yagaisambik, afuni inunggulenu Yehuda mene inom, Israel mene inom, hobuk inambotkwe lambulogo misi'mo fisugunem, iren inoe kain raja misik mene nen ferinarek logouwagaluk menfogoin o. A'nogo menfembik inaiba andoma were'ma, inebe hokhorogo sik-pik igik, inenggi werekhogo welagik, ugun o. O andi sambul he, An nen afuni Israel mene inebe sumburu awi kweang fano heisele'ma yatarek hak yaginabigin, iluk u hak he, hari enu Yizreel igi andi esin mene asigin o,” iluk yaganete.

MATIUS 12:29

Ap ekhe omame hokho mene enggi hele warogo figi'lek he, agarek yi mene ti mene inenggi abisak elok wani kugun anggegep? Elo'lego. We, enggi hele warogo fuluk enek he, elok wani kugun o.”

MATIUS 6:24

A'nogo yagaisasikhesik he, ekhe mel yagaisasikhe: ”Andi hak he, ap misigat mene ap kaindek inebe pire mene inamingmingengge logolik ineabu hilingiti logogun mondok elo'lego. A'nogo logogin halok he, at inamingmingengge andi nen: Neisena ekhe yi fano nendawi. Nen, ekhe andi weak nabit, iluk ikhi logolik he, endawi mene andi emberek lomborogo logolik he, ekhe abit mene andi aberalit fikhi logogin o. Andi hangge, hit he, Allah amingmingengge logolik, uang amingmingengge logogun elo'lego.

LUKAS 11:23

”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.

LUKAS 9:50

at Yesus nen he, mel yagatikhe: ”Hiren a'nogo wenagesugun lego. Sa nen hit wenakhisili'logo lek halok he, at andi hit werekwe mene aro,” iluk yagaisasikhe.

YOHANES 11:52

Mene re, it afuni Yahudi mene faget enek isikhe fuk. Afuni mondogat Allah againafuri mene nek o yi awi ti awi pugulogo lagaukwasik welagaikharek mene inom lambukhogo inobagaigeluk, Yesus wa'lasigin mene faget isikhe.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

YOSUA 5:13

Inenggi ekhe sambul at Yosua o Yerikho horokhogo andoma logolik, ap ekhe karok lisogo waluk ka nen heat elokhoma menlagaikhesik mendek were'ma eilenggen hasikhe. A'nogo hasikhesik, oba horokhogo lagaikhesik he yi'nogo yagatikhe: ”Hat he, hebe nit werekwe mene a? At he, selei mene a,” iluk heinok wokhasikhemo, aren he,

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.