MATIUS 12:24 - Allah Wene Fano Wene Hupla Inane

²⁴ A'nogo ugunem, it ap Farisi mene omanogo inesanggo holhukwasik he, mel isukwa: ”Ap yi munggwarengge obabut weak mene inoe kain enu Beelzebul a'nogoat at oba louksek were'ma andi nen he, munggwarengge at agoromi hangge inobabut weak mene afuni inendawimo kuluk were'ma henegeisogo wulakfisili'logo,” iluk ugunem he,

MATIUS 12:24 ပူးပေါင်းရင်းမြစ်များ

MAZMUR 109:20

Tuhan neisena, unggum andi it afuni an noba hikhibet niigik, nen iren an nobaget weak mene hilingitik, hilingiri'lagwi mene andoma inoba feino o.

MATIUS 10:25

Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.

MATIUS 9:32

O andoma nen wulifunem he, it afuni ekhe nen ap ekhe munggwarengge obabut weak mene endawimo kwisikhemo ane lek mondok welagaikhe mene Yesus oba waluk wagaukwa.

MATIUS 9:34

A'nogo fogeratukwa meneat he, it ap Farisi mene omanogo nen he, mel isukwa: ”At Yesus nen Iblis agoromi inoe kain a'nogo omameba munggwarengge obabut weak mene afuni inendawimo kuluk were'ma henegeisogo wulakfisili'logo,” iluk isukwa.

MARKUS 3:22

It wagu kwelek, it ap Allah ane lisu palek eisewerek mene o Yerusalem en lagai wagaukwasik he, mel isukwa: ”Beelzebul munggwarengge inobabut weak mene inoe kain a'nogo Yesus oba louksek werego. A'nogo were'ma andi nen he, at omameba munggwarengge at agoromi hak inobabut weak mene afuni inendawimo kwikhesik were'ma henegeisogo wulakfisili'logo o,” iluk isukwa.

LUKAS 11:14

Inenggi ekhe sambul he, at Yesus nen ap ekhe endawimo munggwarengge obabut weak mene kwisikhemo ane mondok lek agaikhesik welagaikhe mene ap andi endawimo nen henegeisogo wulakfesikhemo re, ane houwakhogo isikhe. A'nogo isikhemo afuni hokhorogo nen he, ”Egi! Nailo e,” iluk fogeratukwa.

LUKAS 11:15

A'nogo fogeratukwa meneat he, it ekhe nen, mel isukwa: ”At Yesus andi munggwarengge inobabut weak mene inoe kain enu Beelzebul a'nogo omameba munggwarengge at agoromi hak inobabut weak mene afuni inendawimo kwisukwasik were'ma henegeisogo wulakfisili'logo,” iluk ugunem,